ဝ
ပအိုဝ်ႏေငါဝ်းတွိုင်ꩻ(ဝ) ၁။ တရေင်ဝရျာꩻ ထိုꩻညာꩻညာꩻ၊ တရျာꩻဝရေင် ထိုꩻခြေင်ခြေင်။(နေးထာꩻတရေꩻတဲင် သံꩻခြေင်ဒျာႏ ဝဖြုံႏလွုမ်ꩻ၊ တပြီꩻကတ်တဝ်း။) ၂။ ဝါꩻပေႏထဲင်းမာ၊ ဖါပေႏကဲꩻပို။ ၃။ ဝါꩻတူႏပေါက် သွုပ်ဝါႏသာ၊ မာꩻစံႏပꩻ သွုပ်ထာꩻဖြွီꩻ။(ကေန်ꩻေြခားစွတ်ꩻြဖန် ဆင်ꩻရဲꩻငါႏထာꩻ အခရာႏသွတ်ꩻ အမေႏလို့။) ၄။ ဝါးကီႏမက်ꩻခဲဉ်ႏ ပွိုးအံႏဟောဝ်၊ လိုꩻခိုမက်ဒေါဝ် ပွိုးမက်ဗား။ ၅။ ဝါးခွိုꩻ လွဉ်လူး၊ ယူးခွိုꩻ လွဉ်ယား။ ၆။ ဝါးစံꩻဖြောဝ်ꩻဒီႏ ဝါႏတောင်ꩻမီႏခို့ꩻ ယမ်းပꩻဒါႏ၊ ဝါးတောင်ꩻဒီႏ ဝါးစံꩻဖြဝ်ꩻမီႏခို့ꩻ တဗဉ်ႏတောဝ်း။ ၇။ ဝါးတန် ဝါးထိုꩻ၊ လိုꩻတန် လိုꩻဖင်း။ ၈။ ဝါးတောင်ꩻသီးမျိုꩻ တဖြေင်ꩻတောဝ်းထာꩻစိပ်စိပ်။ ၉။ ဝါးတောင်ꩻအမျိုꩻ တရေꩻအမေး၊ လိုꩻသီးအမျိုꩻ တရေꩻခွမ်ꩻလာꩻ။ ၁၀။ ဝါးနောဝ်ꩻ တထီႏတဝ်းမို့ꩻ၊ ထပေႏနောဝ်ꩻ တထီႏတောဝ်းထီ၊ ယဲ့နောဝ်ꩻ တထီႏတောဝ်းဟံႏ၊ ကီႏကုတ်နောဝ်ꩻ တထီႏတောဝ်းမို့ꩻအေႏ၊ လိုꩻနောဝ်ꩻ တထီႏတောဝ်းကမ္ဘာႏ။ ၁၁။ ဝါးမင်းြဖားဒေ့ꩻထို့ အသို့တငိုထာꩻ အွိုးထတအဲဉ်ေထာဝ်း ထီအွိုက်ꩻသဲင်ကို။ ၁၂။ ဝါးရွို့ကျောင်ႏထန်ႏ၊ ဝါးရန်ႏကျောင်ႏနွို့။(ယမဲ့ꩻ လိုꩻဟောဝ်ဖျော်၊ ယမဲ့ꩻ လိုꩻကုဲင်ဖျော်လူႏလုဲင်ႏလွဝင်ꩻ။) ၁၃။ ဝါးလွီးလဲ့ ဝါးလွီးခြောင်ꩻ၊ ဝါးတောင်ꩻလဲ့ ဝါးတောင်ꩻခင်ႏလမ်း။(သေနန်းလွဒျာႏ ခင်ႏလမ်းအုံအခြောင်ꩻ လမ်းပါႏ ကျောင်ꩻကန်ႏပငါပရာꩻ၊ နောဝ်ꩻမွေးတောဝ်းလဲ့ မျိုꩻလွော်မျိုꩻနန်းဒျာႏ၊ ခင်ႏလမ်းပငါပရာꩻဒျာႏ၊ ရော်ꩻရယ်ꩻလွဝင်ꩻလꩻတောဝ်း၊ ေဟာဝ်တောဝ်း။) ၁၄။ ဝါးလွေꩻအသꩻ၊ အွဉ်ႏစွꩻလွေꩻအသွိုန်ႏ။ ၁၅။ ဝါႏကဆွာꩻထွူတဲ့ ထွိုင်ႏဗင်ႏဖျင် အောဝ်ႏဆွာꩻထဲင်းထဲင်း။(ကဟဝ်ကယံထွူလဲ့ အောဝ်ႏဟောဝ်အဝ်ႏယံထဲင်းထဲင်း၊ ဘွုံႏကံႏအဝ်ႏတန်မပ်မပ်၊ အဝ်ႏချမ်ꩻသာႏတငါငါ၊ ကဆင်ꩻရယ်ꩻဒုက္ခထွူလဲ့ အောဝ်ႏဆင်ꩻရယ်ꩻ ဒုက္ခစွတ်ꩻဖြန် ကေန်ꩻေြခာတိတ်ꩻတိတ်ꩻ။) ၁၆။ ဝါႏတလီး တထွာတောဝ်းတꩻထာ၊ ဝါႏသာတဗီႏ တဉ်ႏအီတောဝ်းတဖွောင်ꩻ။ ၁၇။ ဝါႏတꩻဒူတခါႏ၊ ဝါႏအျာႏတလဲင်ႏ။(ဟောဝ်ကုဲင်ဆင်ꩻရယ်ꩻ အစဲႏအမယ်ꩻအသေႏငထဝ်း၊ ဟဝ်ခါႏခါႏ ကုဲင်ခါႏခါႏ၊ ချမ်ꩻသာႏတလဲင်ႏ၊ ဆင်ꩻရယ်ꩻတခြွိုက်သွူ။) ၁၈။ ဝါႏဗင်ႏ တလဲဉ်ႏကယ်ꩻ ဝါႏမွူး။(ပိုလီꩻသီး တပဲ့ꩻတပန်ꩻသီး အွဉ်ႏဒါႏခန်ꩻကျအနမ်း၊ အုံမွိုးဖါဆရာႏသမာꩻဆꩻကီထွူတဲင် ဒေါ့ꩻဖြောဝ်ႏ ခွုမ်မာꩻ လွိုပြဲဉ်ထာꩻ။) ၁၉။ ဝါႏသာ ဖဲ့ꩻဒဲဉ်သီႏ၊ ထထီႏ ဖဲ့ꩻဒဲဉ်ဟား။ ၂၀။ ဝါႏအျာႏတခူꩻ၊ ဝါႏတဒူ တခြွိုက်။(အဟဝ်အကုဲင် ချမ်ꩻသာႏဆင်ꩻရယ်ꩻ ခြွေြခာႏကေန်ꩻဖြန်နဝ်ꩻ တာႏသေႏပွုံႏသီ အစဲႏအမဲꩻအသေႏငထောဝ်း။) ၂၁။ ဝီရိယနွောင်ꩻကံႏ၊ ဉာဏ်ႏနွောင်ꩻအာႏ။(ကုသိုလ်ႏကံႏညမ်းခန်းတယောဝ်း အာႏရဲင်ꩻဆေ့ꩻဆဲဉ်းခန်းလဲ့သင် ထာꩻဝီရိယတွမ်ႏ ဉာဏ်ႏပညာႏမီႏအဝ်ႏနဝ်ꩻ အောင်ႏမျင်ႏယိုꩻမာꩻပေႏရွုမ်ꩻသွူ။) ၂၂။ ဝီရိယနွောင်ꩻထာꩻလွꩻ။(မီႏလွꩻငါႏလဲ့ တွမ်ႏအွို့ꩻတွမ်ႏသောင်ြခင်ꩻမွိုန်းတဝ်း ထာꩻဆင်ꩻရယ်ꩻ။) ၂၃။ ဝေးခိုတန် ဖါခင်ႏလမ်း၊ ဝေးမူႏတန် မွိုးခင်ႏလမ်း။ ၂၄။ ဝုဲင်ႏတောဝ်းဘုရာꩻ၊ မာꩻတောဝ်းကုသိုလ်ႏ၊ တွိုႏဝွေႏဝင်ꩻခိုဝင်ꩻမူႏနဝ်ꩻ ဗွိုန်စွဉ်ႏဒေႏသူႏလဲ့ အောဝ်ႏယူႏသေႏသေႏ၊ အွဉ်ႏဖေင်ꩻဒွုမ်။ ၂၅။ ဝင်ꩻကလွꩻထီႏလဲ့ ဖြောင်းလစ်ꩻစူနုံ၊ ဝင်ꩻကရက်ပဲင်ꩻလဲ့ ဖြောင်းလစ်ꩻစူနုံ။(မီႏခွန်းဒိုႏထွမ်အာငါႏထာꩻလဲ့ ဝင်ꩻဗွိုႏစင်ꩻ၊ ဝင်ꩻလွꩻထီႏတဲင် မီႏဒေါ့ꩻဖြဝ်ႏအွီႏအွီႏသာႏသာႏ ပီယဝါႏစာႏနဝ်ꩻ ဝင်ꩻရက်ပဲင်ꩻ ဝင်ꩻမေတ္တာႏတွိုႏ၊ ရန်ႏဘေꩻအန္တရာယ်ႏလွစ်ကင်ꩻသွူ။) ၂၆။ ဝင်ꩻစူမီႏလွဉ် နီစူလွေꩻ။(ဝင်ꩻမီႏယောင်းလွဉ်စူလဲ့ နီယောင်းနုဲင်းဗာႏ၊ ဝင်ꩻမီႏဖေႏလူႏနီတဲ့ နီဖေႏလူႏနုဲင်းချာသွော့။) ၂၇။ ဝင်ꩻနောဝ်ꩻ ဖွိုင်ꩻတောင်ꩻ နီဖွိုင်ꩻဟံႏ၊ ဖွိုင်ꩻတောင်ꩻမီႏဆင်ႏ ဖွိုင်ꩻဟံႏပꩻ။ ၂၈။ ဝင်ꩻဗွေႏတဖေႏတောဝ်းတခြိုꩻ တွမ်ႏထူႏမွိုန်း၊ ဝင်ꩻဗွေႏစေႏတနာႏမီႏအောဝ်ႏ ဝင်ꩻဖေႏဒျာႏ။ ၂၉။ ဝင်ꩻမီႏသꩻခိုး နီသယ်ꩻခံႏ၊ တထွာတောဝ်းရန်ႏ နီအောင်ႏမျင်ႏ။ ၃၀။ ဝင်ꩻမီႏသꩻခိုး ယွိုန်းယောချာ၊ ဝင်ꩻမီႏသꩻဆာ အွိုန်အောင်ꩻဆွုမ်ႏ။ ၃၁။ ဝင်ꩻမူႏသီးမျိုꩻ ပေါ်ꩻအွဉ်ႏသွူတဲ့ လꩻနောင်ႏတ၊ ဒဲဉ်ဒဝ်သီးမျိုꩻ ပေါ်ꩻအွꩻသွူလဲ့ လꩻနောင်ႏတ၊ ထာꩻတောႏသီးမျိုꩻ ပေါ်ꩻတောႏလောင်ꩻအာလဲ့ ကေန်ꩻမွ။ ၃၂။ ဝင်ꩻမဲ့ဆွဉ်ႏြခာ ဟော့ꩻတထာ၊ ထောင်ကာလွေꩻသော့ꩻ ထင်းအရော့ꩻ။ ၃၃။ ဝင်ꩻမဲ့အေႏနောဝ်ꩻ ထီႏလဲ့ နမ်းမဲ့အေႏနောဝ်ꩻ တထီႏချာေတာဝ်း။(ဝင်ꩻအပဲစ် ဝင်ꩻချို့ꩻယွင်ꩻမုꩻနောဝ်ꩻ ထီႏလဲ့၊ ထွိုင်ႏတွိုႏနမ်းအပဲစ်နမ်းချို့ꩻယွင်ꩻမုꩻနောဝ်ꩻ တထီႏချာတဝ်း၊ ဒေါ့ꩻဖြဝ်ႏကဲ့ꩻရဲ့ꩻ သဲ့ꩻသွမ်ꩻဝင်ꩻရွုမ်ꩻ။) ၃၄။ ဝင်ꩻရိုꩻတဟိုႏ ကြိုႏတထွောင်း။ ၃၅။ ဝင်ꩻရိုꩻသွူ ကေအဲင်ႏလဲ့ အောဝ်ႏရီဒွိုန်းက ဆာတွုံꩻထာꩻနဲ့။ ၃၆။ ဝင်ꩻလဲ့ပီပီ၊ နီလဲ့နုဲင်းနုဲင်း၊ လုဲင်ႏလွဝင်ꩻ လွစ်ထဲင်း။ ၃၇။ ဝင်ꩻသီလဲဉ်းသွူ "ပါꩻနောဝ်ꩻ ဟဝ်တဝ်း"တွမ်ႏဒေါ့ꩻမွိုန်းဒွုမ်အပုမ်ႏ။ ၃၈။ ဝန်ႏဗေးဒုံထန်ႏ တထွꩻတောဝ်း ဝန်ႏဟံႏဒုံကို။ ၃၉။ ဝိဇ္ဇာႏထွာ ယာအေႏ။ ၄၀။ ဝိဇ္ဇာႏသွစ်ꩻမွိုန်ႏ၊ ရသေ့ꩻဟွုန်ႏ။ ၄၁။ ဝေင်ꩻဆွတ်ꩻ(ဝေင်ꩻဖွေါင်ꩻ)အဲဉ်ထောဝ်း၊ ဆေꩻအဲဉ်ထောဝ်း ဟဲ့ꩻလဝ်း"အရည"။ ၄၂။ ဝတ္ထုပါမꩻ ကြေႏ၊ သက်သေႏပါမꩻ တောင်ꩻ။ ၄၃။ ဝွေꩻယံလွိုဝင်ꩻ အပွန်းတဆီ၊ ပါꩻယံလွိုကီ အပွန်းတရျာꩻ။ ၄၄။ ဝဋ်နောဝ်ꩻ ခံႏဆုဲင်ꩻ၊ ငါးရုဲင်ꩻနောဝ်ꩻ လွစ်လꩻ။ ၄၅။ ဝွန်ႏတွမ်ႏအာႏ ခြီႏတွမ်ႏပြာႏ ငံႏဗာႏလွဝင်ꩻ။[၁][၂][၃]