ဝိသာခါသီးဖါဩဝါဒ(၁၀)ချက်
"ဝိသာႏခါႏ ကသဲင်ꩻလွဉ်ꩻအဝါꩻ အဖါဓနဉ္စယဖေႏ ဩဝါဒ(၁၀)ချက်"
၁။ မေႏအကိုယို ထူႏထန်ႏမွိုန်းအထန်ႏ ၊ ( ဖူဖီဝါꩻခို အပဲစ်ဖုံႏယို အွဉ်ႏဒေါ့ꩻနယ်မွိုးဝင်ꩻ)။ ၂။ ဖေႏအထန်ႏနဝ်ꩻ အီနွို့မွိုန်းအကို၊ ( မဉ်ႏဟွိုန်ဝင်ꩻဒေါ့ꩻ ဖူဖီဝါꩻခို အပဲစ်ယိုတဲ့ အွဉ်ႏဒေါ့ꩻချာမွိုန်း ဖူဖီဝါꩻခို) ၃။ ဝင်ꩻမဉ်ႏဖေႏမꩻ - ဖေႏသွော့ ( ဝင်ꩻမဉ်ႏဖြော်ချာမꩻ - ဖေႏငါႏသွော့) ၄။ ဝင်ꩻမဉ်ႏဖေႏတဝ်းနဝ်ꩻ - ဖေႏမွိုန်း။ ( ဝင်ꩻမဉ်ႏဖြော်ချာတဝ်းနဝ်ꩻ - ဖေႏငါးမွိုန်း) ၅။ ဝင်ꩻဖေႏတဲ့နဝ်ꩻ - ဖေႏတဝ်းတဲ့နဝ်ꩻ ဖေႏသွော့၊ ( ဖူးဝေးစွိုးခွိုꩻ မဉ်ႏခြော မဉ်ႏမော့ꩻထာꩻဒုက္ခနဝ်ꩻ ဖြော်ချာတဲ့နဝ်ꩻ၊ ဖြော်ချာတဝ်းတဲ့နဝ်ꩻ ဖေႏဗဲင်း-ကူႏညီႏစွဲကိုသွော့) ၆။ အုံချမ်ꩻချမ်ꩻသာႏသာႏသွော့ ( မဉ်ႏထီႏ ဖူဖီဝါꩻဆို ဖျော်လွဉ်တဲ့ အုံထွိုင်ႏရိုႏသေႏသွော့၊ ကလိုႏအုံထွိုင်ႏတွင်ꩻနဝ်ꩻ အုံလင်ꩻပီပဲ့မွိုန်း) ၇။ အံႏချမ်ꩻချမ်ꩻသာႏသာႏသွော့ ( အွꩻအံႏရီးမွိုန်း ဖူဖီဝါꩻခို၊ ဝင်ꩻအံႏထွူမꩻ အံႏဆုဲင်ꩻဆုဲင်ꩻသွော့ဝင်ꩻ) ၈။ ဗေင်ႏချမ်ꩻချမ်ꩻသာႏသာႏသွော့ ( ဗေင်ႏရီးမွိုန်း ဖူဖီဝါꩻခို၊ ဖွစ်ꩻဖျိုးဒါဖေႏထွူမꩻ ဗေင်ႏဆုဲင်ꩻဆုဲင်ꩻသွော့ဝင်ꩻ) ၉။ လွူးဝတ်ပတ်သွော့မေႏ ( ထီႏဖူဖီဝါꩻခိုနဝ်ꩻ ငမ်းသွော့နုဲင်းမေႏ၊ ရိုႏရိုႏသေႏသေႏ လွူးဝတ်ပတ်သွော့) ၁၀။ ဝုဲင်ႏသွော့လူꩻလမ်းကို ( ဖူဖီဝါꩻခိုနဝ်ꩻ မတ်သွော့နုဲင်းလူꩻပွေါးလမ်း၊ ရိုႏသေႏဝုဲင်ႏ-သွော့)။ [၁][၂][၃]