သာရိပုတ္တတ္ထေရ
"သာရိပုတ္တတ္ထေရဝတ္ထု"
၉၇။ ဂါႏထာႏပြန်ႏပအိုဝ်ႏခြေင်ခြေင်- ပါꩻမုဲင်ꩻတရိုꩻတဝ်း နမ်းသေဒျာႏတရာꩻ ယွုမ်းမွိုꩻမာꩻဝင်ꩻငေါဝ်း မွေးတဝ်း၊ အကျောင်ꩻတရာꩻ ခွုမ်မာꩻမလꩻ ငိမ်ꩻခွꩻအမန်ႏ နိဗ္ဗာန်ႏနဝ်ꩻတဲ့ စင်းစဲ့သေဒျာႏ၊ သံသရာႏဝွဋ်အသွုပ်နဝ်ꩻတဲ့ တဒွေါ့ꩻထဲ့ထိုꩻလဲဉ်း၊ ကုသိုလ်ႏကံႏ အကုသိုလ်ႏကံႏ အံႏခွင်ꩻခံႏခွင်ꩻဖုံနောဝ်ꩻတဲ့ ယားပြင်ꩻထိုꩻလဲဉ်း၊ ကတထဲ့ꩻဒါႏ တဏှာႏတဗော့ꩻနဝ်ꩻတဲ့ ဖြော့ꩻထန်ႏလို့လဲဉ်း၊ ပုဂ္ဂိုလ်ႏနဝ်ꩻနဝ်ꩻ လိုꩻခိုမျတ်စဲစ်စဲစ်ဒျာႏသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ သာရိပုတ္တရာႏမထေရ်ႏဝတ္ထုယိုတဲင်-
၁။ ဝင်ꩻကဒေါ့ꩻငေါဝ်း မဉ်ႏတသေတဝ်း အဓိပ္ပါယ်ႏနဝ်ꩻ ဟဝ်သဲ့ꩻသွမ်ꩻတမွိုꩻတဝ်းဝင်ꩻ၊
၂။ ပေါႏနမ်းတွမ်ႏနမ်း သေစဲင်းသွူတရာꩻနဝ်ꩻ ယွုမ်းတငါတငီတဝ်း ဝင်ꩻငေါဝ်း၊
၃။ ပေါႏထာꩻဝွေႏဖန်ႏဉာဏ်ႏအဲဉ်ထဝ်း၊ ပေါႏတသေတောဝ်း တရာꩻနဝ်ꩻ ယွုမ်းတမွိုꩻတမာꩻဒါႏ ဝင်ꩻငေါဝ်း၊
၄။ "ဥတ္တမ ပုရိသ-လိုꩻခိုမျတ်" ကရိုꩻနဝ်ꩻ "ရဟန္တာႏ"ဒျာႏအကျောင်ꩻ-စတဲင်နုဲင်းနောဝ်ꩻ သေဗာႏ လꩻဗဟုသုတ လꩻအီသတိꩻအာတန်သွူ။[၁][၂][၃]