သာရိပုတ္တရာႏမွိုးဖူးခိုပို

"ဗွေႏသာရိပုတ္တရာႏ မွိုးဖူးခိုပုဏ္ဏာꩻဝတ္ထု"

၁၀၆။ တရာꩻဂါႏထာႏ ပြန်ႏပအိုဝ်ႏခြေင်ခြေင်- ပါꩻမုဲင်ꩻရိုꩻတဝ်း အနေင်ႏတရျာꩻဗွေဗွေ စွုမ်ႏလာစွုမ်ႏလာ ခံႏလို့ခြေင်ခြေင် ရွဉ်တရေင်တွော့ꩻ လူႏပူႏဇောႏ လိုꩻလမ်း တက္ကတွဉ်ꩻဖုံႏသွူ၊ ပါꩻမုဲင်ꩻရိုꩻတဝ်း ပွါꩻမျာꩻကမ္မဋ္ဌာန်ꩻ ရဟန်ꩻသံဃာႏဖုံႏယို လူႏဗာႏတလဲင်ႏငါတဲ့ယဝ်း၊ ပူႏဇောႏဗာႏ တဆင်ႏပေႏငါတဲ့ယဝ်း ကလူႏပူႏဇောႏဒါႏ တကာႏဝင်ꩻနီကိုနဝ်ꩻ၊ ကလူႏသံဃာႏ ကပူႏဇောႏဒါႏ ရဟန်ꩻနောဝ်ꩻ မျတ်ဟဝ်ငါႏသွူ၊ ကလူႏ ကပူႏဇောႏထိုꩻ လိုꩻတက္ကတွဉ်ꩻအနေင်ႏတရျာꩻနဝ်ꩻ မျတ်တဝ်းလာꩻလာꩻသွူ။

ဟော်ꩻထွားသွဉ်ဗာႏ သာရိပုတ္တရာႏ မွိုးဖူးခိုပုဏ္ဏာꩻဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ကိုꩻကွယ်ႏဆရာႏမာႏ၊ ယွုမ်းဆရာႏမာႏငေါဝ်းနဝ်ꩻ အကျိုꩻအဲဉ်ထောဝ်း၊ မျတ်တောဝ်း-

၂။ ယွုမ်းဒျာႏဘုရာꩻငေါဝ်းနဝ်ꩻမꩻ မာႏဒါႏတဝ်း၊ အကျိုꩻအဝ်ႏ၊ မျတ်-

၃။ လူႏ လိုꩻတက္ကတွဉ်ꩻ အနေင်ႏတရျာꩻနဝ်ꩻ မျတ်တဝ်း၊ လူႏရဟန်ꩻတလဲင်ႏ၊ ပူႏဇောႏသံဃာႏ တဆင်ႏပေႏနဝ်ꩻ မျတ်ငါႏ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။

"ဗွေႏသာရိပုတ္တရာꩻ မွိုးဖူးခိုပိုပုဏ္ဏာꩻဝတ္ထု"

၁၀၇။ တရာꩻဂါႏထာႏ ပြန်ႏပအိုဝ်ႏခြေင်ခြေင်- ပါꩻမုဲင်ꩻရိုꩻတောဝ်း ပူႏဇောႏမေႏယို တခြာကို အနေင်ႏတရျာꩻဗွေဗွေ၊ ပါꩻမုဲင်ꩻရိုꩻတောဝ်း ပွါꩻမျာꩻကမ္မဋ္ဌာန်ꩻ ရဟန်ꩻဖုံႏယို လူႏဗာႏတလဲင်ႏငါတဲ့ယဝ်း၊ ပူႏဇောႏဗာႏ တဆင်ႏပေႏငါတဲ့ယဝ်း ပူႏဇောႏမေႏတွမ်ႏ ပူႏဇောႏသံဃာႏ နီဗာႏကိုနောဝ်ꩻ ကလူႏဗာႏသံဃာႏ ကပူႏဇောႏဒါႏရဟန်ꩻနဝ်ꩻ မျတ်ဟဝ်ငါႏနောဝ်ꩻသွူ၊ တလာတဗာႏ ကမာꩻသီဒါႏထာꩻသား ကပူႏဇောႏဒါႏမေႏ အနေင်ႏတရျာႏနောဝ်ꩻ မျတ်တဝ်းလာꩻလာꩻနဝ်ꩻသွူ။

ဟော်ꩻထွားသွဉ်ဗာႏ သာရိပုတ္တရာႏ မွိုးဖူးခိုပိုဝတ္ထုယိုတဲင် - "လꩻဗဟုသုတ၊ လꩻသတိꩻနုဲင်းယို"

၁။ ကိုꩻကွယ်ႏဆရာႏမာႏ ယွုမ်းဆရာႏမာႏငေါဝ်းနဝ်ꩻ အကျိုꩻအဲဉ်ထဝ်း၊ မျတ်တဝ်း-

၂။ ယွုမ်းဒျာႏဘုရာꩻငဝ်းနဝ်ꩻမꩻ မာႏဒါႏတဝ်း၊ အကျိုꩻအဝ်ႏ၊ မျတ်-

၃။ မာꩻသီထာꩻသား တလာတဗာႏ ကပူႏဇောႏဒါႏမေႏ အနေင်ႏတရျာꩻပဉ်နဝ်ꩻ မျတ်တဝ်း၊ လူႏဗာႏရဟန်ꩻ တလဲင်ႏလွုမ်ꩻ၊ ပူႏဇောႏသံဃာႏ တဆင်ႏပေႏလွုမ်ꩻနဝ်ꩻ မျတ်ငါႏ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။