သာရိပုတ္တရာႏသွꩻပေႏ

"သာရိပုတ္တရာႏသွꩻပေႏပုဏ္ဏာꩻဝတ္ထု"

၁၀၈။ တရာꩻဂါႏထာႏ ပြန်ႏပအိုဝ်ႏခြေင်ခြေင်- လောကကို မဉ်လꩻကုသိုလ်ႏတဲင် ကားကအဝ်ႏလို့လို့ လွူးအာရုဲင်းဟန် ပူႏဇောႏယဇ်တန်တဲ့နဝ်ꩻ၊ လွူးဆေ့ꩻသေႏသေႏ ပူႏဇောႏယဇ်ပေႏတဲ့နဝ်ꩻ တနေင်ႏလုမ်းလုမ်း လွူးပူႏဇောႏခန်း လိုꩻလမ်းပေါင်ꩻအာတဲ့ယဝ်း၊ ကားကအဝ်ႏနဝ်ꩻတဲ့ တထွꩻနွောင်ꩻတဝ်း ရိုႏသေႏဝုဲင်ႏဗာႏ အရိယာႏကျင်ꩻမျတ်သီးတဲင် ကလꩻဒါႏကုသိုလ်ႏ လစ်ꩻပွန်းတပွန်းနဝ်ꩻသွူ၊ ကွပ်ပွိုးနဝ်ꩻမꩻ ရိုႏသေႏဝုဲင်ႏဗာႏ အရိယာႏကျင်ꩻမျတ်သီးနဝ်ꩻမꩻ မျတ်ငါႏနဝ်ꩻသွူ။

ဟော်ꩻထွားသွဉ်ဗာႏ 'သာရိပုတ္တရာႏသွꩻပေႏပုဏ္ဏာꩻ'ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ကိုꩻကွယ်ႏဆရာႏမာႏ၊ ယွုမ်းဆရာႏမာႏငေါဝ်းနဝ်ꩻ အကျိုꩻအဲဉ်ထဝ်း၊ မျတ်တဝ်း-

၂။ ယွုမ်းဒျာႏဘုရာꩻငေါဝ်းနဝ်ꩻမꩻ မာႏဒါႏတဝ်း၊ အကျိုꩻအဝ်ႏ၊ မျတ်-

၃။ လွူးပူႏဇောႏ လိုꩻလမ်းအာဖြာꩻခန်းတဲ့ယောဝ်း တထွꩻတောဝ်း ရိုႏသေႏဝုဲင်ႏဗာႏ အရိယာႏသံဃာႏ-စတဲင်နုဲင်းနဝ်ꩻ သေထွꩻလꩻသတိꩻအာတန်သွူ။

"အာယုဝဍ္ဎနဝတ္ထု"

၁၀၉။ ကအဝ်ႏဝုဲင်ႏကျင်ꩻဒါႏ သေႏသေႏနားနား အသက် ဂွုဏ်ႏသိက္ခာႏ ကတန်လွိုပုဂ္ဂိုလ်ႏဖုံႏယို ကအဝ်ႏရိုႏသေႏကျင်ꩻသားတာႏ အသက်တန်ꩻတဲ့နဝ်ꩻ၊ သွီႏယာႏယောင်ꩻဆင်ꩻတဲ့နဝ်ꩻ၊ ထာꩻချမ်ꩻသာႏတဲ့နဝ်ꩻ၊ အာႏရဲင်ꩻတဲ့နဝ်ꩻ၊ တရာꩻလစ်ꩻပါꩻဖုံႏနဝ်ꩻ တိုꩻပွာꩻလွစွဉ်ႏသွူ။

ဟော်ꩻထွားသွဉ်ဗာႏ 'အာယုဝဍ္ဎနဝတ္ထု'ယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ စွိုးခွိုꩻလိုꩻမျိုꩻ ဖေႏကထိုꩻမားမွိုန်းနဝ်ꩻ ပွေါးထိန်ꩻခါꩻဗာႏ-

၂။ ကဝုဲင်ႏရိုႏသေႏ ပုဂ္ဂိုလ်ႏတန်နဝ်ꩻ လꩻအီအကျိုꩻတရာꩻလစ်ꩻပါꩻ-

၃။ ပုထုဇဉ်ႏသီးနောဝ်ꩻ အသက်အန္တရာယ်ႏ အောဝ်ႏ/ အဲဉ်ထောဝ်း သေတဝ်း-

၄။ အသက်အန္တရာယ်ႏ အီႏကာႏကွယ်ႏ (ရဲးဖွေါင်ꩻ)ဗာႏနုဲင်းမုဲင်ꩻနဝ်ꩻ နီဗွေႏဘုရာꩻမꩻသေ-

၅။ ပရိတ်တံꩻခိုꩻနောဝ်ꩻ ရဲးဖွေါင်ꩻ ကာႏကွယ်ႏအီနွောင်ꩻ ဘေꩻအန္တရာယ်ႏ-စတဲင်နုဲင်းနောဝ်ꩻ သေထွꩻ လꩻအီသတိꩻအာတန်သွူ။