သိုႏသားပုဏ္ဏာꩻ ခွဲးဘုရာꩻ
"ကဋ္ဌဟာရသုတ် (သိုႏသားပုဏ္ဏာꩻ မော့ꩻဗွေႏဘုရာꩻ တခြာတန်ကို)"
အွိုးခꩻတလဲင်ႏ- နီဗွေႏဘုရာꩻအဝ်ႏအုံ ကောသလခမ်း တခြာတန်ကို၊ တွိုႏတနီꩻ ဘာရဒွါဇခွိုꩻဖွါꩻ ပုဏ္ဏာꩻတဖြာꩻတွမ်ႏ အပတပဲ့ꩻလိုꩻအာဖုံႏနဝ်ꩻ လွေꩻမာꩻသိုႏ တခြာကို၊ လွေꩻထီႏဗွေႏဘုရာꩻ- "ယို- ယို ပါစားနဝ်ꩻ- ထွားဗွေႏဘုရာꩻသူꩻမွိုင်ႏ၊ 'အုံတပန်း၊ အွဉ်ႏတနွောင်းနမ်း၊ အွဉ်ႏသတိꩻတိꩻ၊ အားထွုတ်တရာꩻ၊ ပွာꩻမျာꩻကမ္မဋ္ဌာန်ꩻသူꩻ'၊ လွေꩻလောဝ်းနယ် ဆရာႏဟုဲင်း" လွေꩻလောဝ်းနယ် အဆရာႏ၊ အဆရာႏလွဉ်။ အဆရာႏပုဏ္ဏာꩻ ရီဗွေႏဘုရာꩻနုဲင်းယို- "ဩဗွေႏ- နီဗွေႏနဝ်ꩻ လွဉ်တခြာတန်ကိုယို 'အုံတပန်း၊ အွဉ်ႏတနွောင်းနမ်း၊ အွဉ်ႏသတိꩻတိꩻ၊ အားထွုတ်တရာꩻ၊ ပွါꩻမျာꩻကမ္မဋ္ဌာန်ꩻ' ခွေသွဉ်းတပဲ့ꩻ ဒေါ့ꩻလွနုဲင်းနဝ်ꩻ။ ငမ်းခရာႏဟောဝ်ငါႏ တခြာတန်ကိုယို လိုꩻတဖြာꩻဖြာꩻတဲ့ အဲဉ်ထဝ်း၊ နီဗွေႏငမ်းတဝ်းထာꩻ၊ ယေန်ယေန်တေ့ꩻတေ့ꩻ အုံဒျာႏတပါꩻလွုမ်ꩻ၊ ဝင်ႏစာꩻဈာန်ႏနုဲင်းယိုနဝ်ꩻ နီဗွေႏယူႏယံငါႏနဲ့ ဗွေႏဩ။ ဩဗွေႏ- တခြာကိုယိုနဝ်ꩻ သꩻချင်ꩻတဝ်းငေါဝ်း၊ ဒုံႏအူတဝ်း ထမုဲင်ꩻမုဲင်ꩻ၊ နုဲင်းခွေသွဉ်းကယူႏနဝ်ꩻ ယေန်ယစ်လွꩻခရာႏတန်၊ နီဗွေႏအုံ တပါꩻဒျာႏနဝ်ꩻ ပျာႏတန်ဒျာႏနဲ့အော်။ ဩဗွေႏ- လောကကိုယိုနဝ်ꩻ 'ဗျဟ္မာႏနဝ်ꩻ ထွာအတန်၊ ထွာအကယ်ႏ'တဲင် 'နီဗွေႏတဲ့ ကျံႏစယ်ႏ အားထွုတ်နုဲင်းနုဲင်းတရာꩻ၊ ဖေႏကထွာလꩻ ဗျဟ္မာႏတပါꩻ'ခွေသွဉ်းထင်းနုဲင်းနဝ်ꩻဗွေႏအော်။ ဩဗွေႏ- လိုꩻတဖြာꩻဖြာꩻအဲဉ်ထဝ်း၊ ငမ်းခရာႏကေထံ၊ ရူးတန်ထော့ꩻမီꩻ ကအဝ်ႏဒါႏ ရပ်ရာႏတခြာကိုယို ခံႏအုံစွဉ်ႏဒျာႏ တပါꩻတန်ဒျာႏ၊ နီဗွေႏကကံကျင်ꩻ နုဲင်းနဝ်ꩻနဝ်ꩻ 'ဖေႏကတွိုႏ ဗျဟ္မာႏခမ်း'နုဲင်းနဝ်ꩻနဲ့ဗွေႏအော်"ပုဏ္ဏာꩻထာꩻယူႏတကြွား ရီဆွာꩻတရွား ဗွေႏဘုရာꩻနုဲင်းနဝ်ꩻသွူ။ ဗွေႏဘုရာꩻရိုꩻ- "တကာႏပုဏ္ဏာꩻ- ကမဉ်ထီႏတရေꩻ၊ ကမဉ်ဟွုန်တလေ့၊ ကမဉ်နွုမ်ꩻအဟွမ်၊ ကမဉ်အံႏအအွီႏ၊ ကမဉ်ခွေါင်းအချော်ꩻ၊ တဏှာႏရာႏဂ (လောဘ၊ ဒေါသ၊ မောဟ၊ မာန၊ ဒိဋ္ဌိ၊ ဝိစိကိစ္ဆာ၊ ထိန၊ ဥဒ္ဓစ္စ၊ အဟိရိက၊ အနောတ္တပ္ပ) ကိလေႏသာႏ အပါꩻတဆီဖုံႏနဝ်ꩻ ခွေယားလီ ဖွန်ႏကနဉ်ႏလို့လဲဉ်း။ တကာႏပုဏ္ဏာꩻ- ဘုရာꩻခွေယိုနဝ်ꩻ တထွေလွဉ်ꩻဒွုမ် ကာမဂွုဏ်ႏ အာႏရွုံႏငတ်ꩻပါꩻ၊ ကိလေႏသာႏစင်ဖြွစ်ꩻ-ခွေသꩻဗွာလွစ်ꩻဆွစ်ꩻလဲဉ်းသွူ၊ ခွေထွာလဲဉ်းသွူ ရဟန္တာႏ၊ အုံမုဲင်ꩻကိုကိုတဲ့ယဝ်း နန်းခရာႏ၊ ငမ်းခရာႏတအဲဉ်ထောဝ်း"ဟော်ꩻနယ်စတဲင်နုဲင်းနောဝ်ꩻသွူ။ (သုတ္တန်ႏပိဋကတ်၊ သဂါထာဝဂ္ဂသံယုတ်ပါဠိ၊ ကဋ္ဌဟာရသုတ်)[၁][၂]