သီကျာꩻတွမ်ႏနင်ꩻလူꩻမူႏ

အဝ်ႏ ဝီခီပီးဒီးယား ကို

"သက္ကုဒါနသုတ် (သိကျာꩻတွမ်ႏနင်ꩻလူꩻမူႏ လူႏဗွေႏမဟာကဿပသွမ်ꩻ"

အွိုးခꩻတလဲင်ႏ ဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ကျောင်ꩻဝေဠုဝွန်ႏကိုအတွင်ꩻ ဗွေႏမဟာကဿပနဝ်ꩻ အဝ်ႏအုံ "ပိပ္ပလိထမ်း"ကို၊ ဝွေꩻဗွေႏယို အုံရျူႏထာꩻ၊ ဝင်ႏစာꩻနိရောဓသမာႏပတ်၊ အုံလင်ꩻပဒတ်-အုံတပန်းနေး နွုတ်ꩻနီꩻဗွေဗွေစွဉ်ႏနောဝ်ꩻသွူ။ အဝ်ႏနိရောဓသမာႏပတ်၊ အုံပဒတ်ထိုင်ႏ၊ ထောင်ချာထောင်ငါတဖူꩻ၊ ယူႏစိတ်ကူꩻပါနုဲင်းယို- "အီႏလွေꩻတွုံꩻဗာႏသွမ်ꩻ မုဲင်ꩻကိုယို၊ ခွေမဉ်ႏလွေꩻတွုံꩻသွမ်ꩻ ဝေင်ꩻရာႏဇဂျိုဟ်ႏကိုနဝ်ꩻ ရအဆင်ႏပြေႏဟောဝ်ငါႏမွော့ဟွေး"ယူႏစွေးထွူခါ ရွုံႏသင်္ကန်ꩻ၊ ထူႏသပိတ်၊ ကျွꩻလွေꩻဝေင်ꩻရာႏဇဂျိုဟ်ႏကိုနောဝ်ꩻသွူ။ တဖူꩻလောင်းနဝ်ꩻ နင်ꩻလူꩻမူႏသီး အိႏလောင်ꩻဆွုမ်ႏသွမ်ꩻတဲင် ဗွေႏမဟာကဿပရိုꩻ- "နင်ꩻလူꩻမူႏဖုံႏဟွေး- သီဖုံႏနဝ်ꩻ ဇာတ်ကရီးပန်အွဉ် လူႏလွဉ်ဗာႏအာ၊ ယိုခါ ထွာနင်ꩻလူꩻမူႏ၊ သီလူႏမွုန်းဒွုမ်၊ လိုꩻခြောဒုက္ခဖုံႏ ဖေႏကလူႏဗာႏနုဲင်းနုဲင်း၊ သီဖုံႏနဝ်ꩻ သဲင်ꩻထိုꩻခန်းဟုဲင်း" ဗွေႏမဟာကဿပ ဝါးသဲင်ꩻထိုꩻနုဲင်းနဝ်ꩻသွူ။ ဗွေႏမဟာကဿပ သညင်ꩻငါႏ လိုꩻခြောခြော လိုꩻဒုက္ခဒုက္ခ၊ ဝွေꩻသီးတဲ့ ဖေႏကလူႏဗာႏသွမ်ꩻ၊ ဝွေꩻသီးဒဲဉ်တနျာႏ တသာႏတရီတဲ့ယဝ်း၊ ခွန်သဌေꩻသီး အိုအွီႏဒဲဉ်ဟောဝ်တဲ့ယဝ်း ဗွေႏမဟာကဿပ လက်ခံႏနေးဒျာႏ ဒဲဉ်တနျာႏ တသာႏတရီ၊ ပင်ႏထိုဖေႏဒျာႏ တကာႏခွန်နင်ꩻ ကခြောခြောလဲဉ်းဝင်ꩻဖုံႏနောဝ်ꩻသွူ။ ဝွေꩻဗွေႏလွေꩻထီႏခန်း လမ်းပေႏယယောက်ကို အဝါꩻခွမ်ꩻလာꩻသဲ့သဲ့သသနဝ်ꩻ အဝ်ႏထꩻထာꩻ၊ အမာခွမ်ꩻလာꩻတဖြဲက်တဖြက်နဝ်ꩻ အောဝ်ႏလိန်းလူႏ၊ ဝွေꩻဗွေႏကယူႏအတွိုင်ꩻ 'ပါꩻတမာဝါꩻယိုတဲ့ အခြောအဒုက္ခနေနေ၊ ဝွေꩻသီးတဲ့ ဖေႏကလောင်ꩻဗာႏသွမ်ꩻ'ယူႏနုဲင်းနောဝ်ꩻသွူ။ ကွပ်နဝ်ꩻမꩻ အဝ်ႏတဖူꩻကို ကျွꩻလွဉ်လမ်းငါ၊ ပါꩻတမာဝါꩻနဝ်ꩻတဲ့ အဝါꩻအီဒဲဉ်၊ အမာအီဟန်ႏ၊ အဝ်ႏလမ်းကိုထန်ႏလွဉ်၊ ဗွေႏမဟာကဿပ ဗွောင်ဖေႏသပိတ်၊ အဝါꩻလောင်ꩻသော့ꩻသွမ်ꩻ၊ အမာလောင်ꩻသော့ꩻ ဟန်ႏထွူတဲင် အုံလင်ꩻဝုဲင်ႏရိုႏရိုႏသေႏသေႏ ဗွေႏမဟာကဿပနောဝ်ꩻသွူ။ "ဒဲဉ်လွီး-ဟန်ႏလွီးယို သမ်းနုဲင်းစွဉ်ႏ လူꩻသာသီး ဒဲဉ်ဟန်ႏလွီးတန်နဲး-ပါꩻစားယို ပါꩻမုဲင်ꩻဖုံႏနဲး"နေးတွမ်ႏဉာဏ်ႏထွားတဲင် တောႏဒျာႏ "ခွန်သိကျာꩻတွမ်ႏ နင်ꩻသုဇာ"သီးတွော့ꩻ- "တကာႏကောသိယ- သီဖန်ဆင်ꩻနေးလမ်းယ၊ သီဖန်ဆင်ꩻနေးနမ်း ဒုက္ခပွုံႏဟ၊ သီလဲဉ်လꩻလဲဉ်းခွေ၊ တွိုႏဆုဲင်ꩻ-မာꩻမွုန်းဒွုမ်နုဲင်းယိုနေား" ငပယွုမ်းပါထာꩻ၊ မိန်းခါꩻနုဲင်းနောဝ်ꩻတဲင် ခွန်သိကျာꩻရိုꩻ- "နီသွဉ်းသီး မဉ်လꩻကုသိုလ်ႏဟဗွေႏ၊ လꩻရာꩻမာꩻဗာႏသနယ် ဗွေႏဩ" လောဝ်းချာနုဲင်းနောဝ်ꩻထွူတဲင် "နီဒါႏနမျတ်ငါႏ၊ နီလူႏဗာႏလဲဉ်းသွမ်ꩻ၊ နီလောင်ꩻဗာႏလဲဉ်းသွမ်ꩻ"အောဝ်ႏပစိုႏသဲင်ꩻစွဉ်ႏ မို့ꩻလောင်းနုဲင်းနဝ်ꩻသွူ။ (သုတ္တန်ႏပိဋကတ်၊ ဥဒါနပါဠိ၊ နန္ဒဝဂ်၊ သက္ကုဒါနသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. လိတ်ဗွောင်မဲ့နား(၃၄)
  2. ဗွေႏဗွန်-ကောဝိဒ(သီႏသဲင်ႏ)