သီႏလအဲဉ်ထဝ်း-ထွာငဝ်းတဝ်း

"ဒုဿီလသုတ် (သီႏလအဲဉ်ထောဝ်း-ထွာငေါဝ်းတောဝ်း)" ရဟန်ꩻသီးဖုံႏဟွေး- ပေါႏသီႏလကုဲင်၊ ပေါႏသီႏလအဲဉ်ထဝ်းနဝ်ꩻ သꩻစွူမဲဉ်ႏမွေး-သမ္မာသမာဓိ တထွာတဝ်း၊ ပေါႏသမ္မာသမာဓိ တထွာတဝ်းနဝ်ꩻ အမွေးအမွေးအတွိုင်ꩻ ကသေဒါႏ-ယထာဘူတဉာဏ်ႏ တထွာတဝ်း၊ ပေါႏယထာဘူတဉာဏ်ႏ တထွာတဝ်းနဝ်ꩻ ဗွိုႏအန်ꩻတထဲ့ꩻကင်ꩻ-နိဗ္ဗိဒါဝိရာဂ တထွာတဝ်း၊ ပေါႏဗွိုႏအန်ꩻတထဲ့ꩻကင်ꩻ တထွာတဝ်းတဝ်းနဝ်ꩻ အဝ်ႏကိလေႏသာႏလွစ်ထန်ႏ-ဝိမုတ္တိဉာဏဒဿနဉာဏ်ႏ တထွာတဝ်း။ 'ဥပမာႏ-'သေင်ႏလာႏသေင်ႏပင် မဉ်ႏသဲင်ထိုꩻနဝ်ꩻ အပီအဖေ့ꩻသဲင်၊ ပေါႏအပီအဖေ့ꩻသဲင်နောဝ်ꩻ သေင်ႏမွူးသဲင်ပါစွဉ်ႏနောဝ်ꩻသွူ။ ယိုတဲ့ နုဲင်းနဝ်ꩻနေနေ၊ ပေါႏသီႏလကုဲင်တဲ့ သꩻစွူတဝ်း-သမာႏဓိထွာတဝ်း၊ ပေါႏသꩻစွူတောဝ်း-သမာႏဓိထွာတဝ်းတဲ့ အမွေးအမွေးအတွိုင်ꩻ သေတဝ်း-ယထာဘူတဉာဏ်ႏ ထွာတဝ်း၊ (ခန္ဓာႏအထွာအကုဲင်သေတဝ်း)၊ ပေါႏအမွေးအမွေးအတွိုင်ꩻသေတဝ်း (ခန္ဓာႏအဌွာအကုဲင်သေတဝ်း)နဝ်ꩻ တဗွိုႏအန်ꩻနွောင်ꩻတဝ်း ခန္ဓာႏ(အဝ်ႏတထဲ့ꩻဒျာႏခန္ဓာႏ)၊ ပေါႏတဗွိုႏအန်ꩻတဝ်းခန္ဓာႏ(ပေါႏအဝ်ႏတထဲ့ꩻဒျာႏခန္ဓာႏ)နဝ်ꩻ ကိလေႏသာႏ တဖေ့တဝ်း၊ ပေါႏကိလေႏသာႏတဖေ့တဝ်းနဝ်ꩻ ထွာနွောင်ꩻတဝ်း ရဟန္တာႏနောဝ်ꩻသွူ။ ရဟန်ꩻသီးဖုံႏဟွေး- သီႏလကအဝ်ႏဒါႏ 'သီလဝန္တပုဂ္ဂိုလ်ႏ'နဝ်ꩻ သꩻစွူမဲဉ်ႏမွေး-သမ္မာသမာဓိထွာ၊ ပေါႏသꩻစွူမဲဉ်ႏမွေး-သမ္မာသမာဓိထွာနဝ်ꩻ အမွေးအမွေးအတွိုင်ꩻ ကသေဒါႏ-ယထာဘူတဉာဏ်ႏထွာ၊ ပေါႏအမွေးအမွေးအတွိုင်ꩻ ကသေဒါႏ-ယထာဘူတဉာဏ်ႏထွာနောဝ်ꩻ (ပေါႏသေထီႏ ခန္ဓာႏအထွာအကုဲင်နောဝ်ꩻ) ဗွိုႏအန်ꩻ-တထဲ့ꩻကင်ꩻ-နိဗ္ဗိဒါဝိရာဂထွာ၊ ပေါႏဗွိုႏအန်ꩻ တထဲ့ကင်ꩻ-နိဗ္ဗိဒါဝိရာဂထွာနဝ်ꩻ အဝ်ႏကိလေႏသာႏလွစ်ထန်ႏ-ဝိမုတ္တိဉာဏဒဿနဉာဏ်ထွာ။ ဥပမာႏ-သေင်ႏလာႏသေင်ႏပင် သဲင်တဝ်းနဝ်ꩻ သေင်ႏပီသေင်ႏဖေ့ꩻသဲင်တဝ်း၊ ပေါႏအပီအဖေ့ꩻသဲင်ထိုꩻတဝ်းနဝ်ꩻ သေင်ႏမွူးတဲ့ တသဲင်နွောင်ꩻတောဝ်း။ ယိုတဲ့ နုဲင်းနဝ်ꩻနေနေ၊ ပေါႏသီႏလအဝ်ႏတဲ့ သꩻစွူ-သမာဓိအဝ်ႏ၊ ပေါႏသꩻစွူ-သမာဓိအဝ်ႏတဲ့ အမွေးအမွေးအတွိုင်ꩻသေ-ယထာဘူတဉာဏ်ႏပေါႏ၊(ဉာဏ်ႏကသေ ခန္ဓာႏအထွာအကုဲင်ပေါႏ)၊ ပေါႏသေခန္ဓာႏ အမွေးအမွေးအတွိုင်ꩻ (ခန္ဓာႏအထွာအကုဲင်အတွိုင်ꩻ)တဲ့ ဗွိုႏအန်ꩻခန္ဓာႏ၊ တထဲ့ꩻဒွုမ်ခန္ဓာႏ၊ ပေါႏဗွိုႏအန်ꩻခန္ဓာႏ၊ တထဲ့ꩻဒွုမ်ခန္ဓာႏတဲ့ ကိလေႏသာႏဖေ့လဲဉ်း၊ ပေါႏကိလေႏသာႏဖေ့တဲ့ (လောဘ၊ ဒေါသ၊ မောဟ၊ မာန၊ ဒိဋ္ဌိ၊ ဝိစိကိစ္ဆာႏ၊ ထိန၊ ဥဒ္ဓစ္စ၊ အဟိရိက၊ အနောတ္တပ္ပ) ကမာꩻခိုးဒါႏသꩻ၊ ကမာꩻဒုက္ခဒါႏနမ်း ကိလေႏသာႏတရာꩻညမ်း အပါꩻတဆီယို အဲဉ်ထဝ်းဒွုမ်သꩻကို၊ ပေါႏကိလေႏသာႏ အပါꩻတဆီယို အဲဉ်ထဝ်းဒွုမ်တဲ့ ထွာရဟန္တာႏ လꩻနိဗ္ဗာန်ႏချမ်ꩻသာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဒုဿီလသုတ်)