သုခသာႏမဏေႏ

"သုခသာႏမေဏႏဝတ္ထု" (က) ဣစ္ဆိတံ ပတ္တိတံ- ကလိုႏအပ်ဒါႏ ကကော့ꩻမောင်ꩻဒါႏ (ဆုꩻချမ်ꩻသာႏတွမ်ႏတရာꩻ) အမျိုꩻနဝ်ꩻ နာꩻအတာႏ မွိုင်မွေးယိုခါ လိုႏတွိုင်ꩻမော့ꩻ ကော့တွိုင်ꩻဗွေစွဉ်ႏသွော့နော၊ ခွုင်းကားတဲင် နာꩻထာꩻကျံႏဟောဝ်ဖုံႏနဝ်ꩻ ဗွေစွဉ်ႏသွော့ယိုခါ ဖေႏကနုဲင်းစွဉ်ႏ လာဗွေတဆီငတ်ꩻဟာနဝ်ꩻနော။

(ခ) ကလိုႏအပ်ဒါႏ ကကော့ꩻမောင်ꩻဒါႏ (ဆုꩻချမ်ꩻသာႏတွမ်ႏတရာꩻ) အမျိုꩻနဝ်ꩻ နာꩻအတာႏ မွိုင်မွေးယိုခါ လိုႏတွိုင်ꩻမော့ꩻ ကော့ꩻတွိုင်ꩻဗွေစွဉ်ႏသွော့နော၊ ခွုင်းကားတဲင် နꩻထာꩻကျံႏဟောဝ်ဖုံႏနဝ်ꩻ ဖေႏကဗွေလွန်းစွဉ်ႏထာꩻ၊ ဖေႏကနုဲင်းစွဉ်ႏ 'မဏိဇောတိပတ္တသဲင်ပတ္တမျာꩻ လိုႏရာꩻအမျိုꩻမုဲင်ꩻလꩻ'နဝ်ꩻနော။

၁၄၅။ ဂါႏထာႏပြန်ႏပအိုဝ်ႏခြေင်ခြေင်- လိုꩻကကြောက်ꩻ ထီသားဖုံႏနဝ်ꩻ ထူႏထီလꩻဒျာႏ၊ လိုꩻကမာꩻစွဉ်ႏ ပြာႏသားဖုံႏနဝ်ꩻ မာꩻစွဉ်ႏပြာႏလꩻဒျာႏ၊ ရွာꩻသေင်ႏသားဖုံႏနဝ်ꩻ ရွာꩻပဲဉ်လꩻဒျာႏ၊ လိုꩻနာႏငေါဝ်းသားဖုံႏနဝ်ꩻ မဂ်ဖိုလ်ႏယံကလꩻ ဆွုံꩻမꩻချာဒျာႏ အနမ်းဖုံႏသွူ။

ဟော်ꩻထွားသွဉ်ဗာႏ "သုခသာႏမဏေႏ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ လိုꩻကမက်မွေး အအွီႏအဟောဝ်နောဝ်ꩻ ပေါႏထီႏဗာႏအနမ်း ပေါႏနွုမ်ꩻဗာႏအလွီးတဲ့ "ရသတဏှာႏ-ဆောင်ႏတဆွာႏ"တဲင် အုံဒါႏဒီႏဒွုမ်၊ မဉ်အံႏမွေးစွဉ်ႏ-

၂။ ပေါႏမဉ်အံႏမွေးမုဲင်းသွူတဲ့ အံႏဗာႏငါမန်ႏထွူ မဉ်ထွာနုဲင်းမုဲင်ꩻထွာ ယူႏချာငါဒွုမ်ထာꩻ၊ ဝင်ꩻသꩻဝင်ꩻသိဒွုမ်ပါꩻ-

၃။ ကွပ်ထာꩻ(မဲဉ်)အံႏတဲင် နမ်းတဲ့ဒုက္ခ၊ ပိုမာတဲ့ ဒုက္ခဗာႏ-

၄။ မဉ်ႏယူႏ ဘဝယိုလွုမ်ꩻနဝ်ꩻ လိုႏအံႏအာအာ (နုဲင်းဂန္ဓ)၊ မဉ်ႏယူႏပါ ဘဝငါတာႏနဝ်ꩻ လိုႏလူႏအာအာ(နုဲင်းဘတ္တဘတိက)-

၅။ အွဉ်ႏသꩻကြောင်းကြောင်းစင်စင် မဉ်လူႏနဝ်ꩻ ခွꩻရျူႏဆုဲင်ꩻဗာႏ၊ ချမ်ꩻသာႏထွာအတန်-

၆။ ဒါႏနကုသိုလ်ႏနဝ်ꩻ မာꩻခြွေခြာႏလိုꩻလွုမ်ꩻ တကာႏတောဝ်း ဖေႏကလꩻမွိုင်မွိုင် မဂ်ဖိုလ်ႏတဲ့ ဝွေꩻဖေႏလွိုပိုႏ အစွဲအကမ်းတဲ့ အာတန်-

၇။ ပုဂ္ဂိုလ်ႏတပါꩻပါꩻ တောငါလꩻဒါႏ တရာꩻငါ လူꩻသိကျာꩻ ဗွေႏဘုရာꩻသီး ထွားကိုဒျာ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။