သူႏတောႏကောင်ꩻတရာꩻထိုꩻမားအီ

"ပဌမသဒ္ဓမ္မသမ္မောသသုတ် (သူႏတောႏကောင်ꩻတရာꩻ ထိုꩻမားအီ အကျောင်ꩻတရာꩻငတ်ꩻပါꩻ)" ရဟန်ꩻသီးဖုံႏဟွေး- ၁။ ဣဓ ဘိက္ခဝေ ဘိက္ခူ န သက္ကစ္စံ ဓမ္မံ သုဏန္တိ- သာႏသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ နာႏတဝ်းတရာꩻ၊ နဝ်ꩻနဝ်ꩻ သူႏတောႏကောင်ꩻတရာꩻဖေ့ကုဲင် ထိုꩻမားပျောက်အီ ပထမအကျောင်ꩻတရာꩻသွူ။ ၂။ န သက္ကစ္စံ ဓမ္မံ ပရိယာပုဏန္တိ- သာသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ သွဉ်တောဝ်းတရာꩻ (လိတ်ပိဋကတ်)၊ နောဝ်ꩻနောဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ ဒုတိယအကျောင်ꩻတရာꩻသွူ။ ၃။ န သက္ကစ္စံ ဓမ္မံ ဓါရေန္တိ- သာသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ ဆောင်ႏအွံတဝ်းတရာꩻ (လိတ်ပိဋကတ်)၊ နဝ်ꩻနဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ တတိယအကျောင်ꩻတရာꩻသွူ။ ၄။ န သက္ကစ္စံ ဓါတာနံ ဓမ္မာနံ အတ္ထံ ဥပပရိက္ခန္တိ- သာသနာႏကိုယို ရဟန်ꩻဖုံႏနဝ်ꩻ ကဆောင်ႏအိုမ်ခါꩻတရာꩻ အနက်အဓိပ္ပါယ်ႏနောဝ်ꩻ နေးတွမ်ႏဉာဏ်ႏ ရိုႏရိုႏသေႏသေႏ တထောင်လွဉ်ꩻတဝ်း၊ တယူႏဆင်ႏချင်ႏချာတဝ်း၊ နဝ်ꩻနဝ်ꩻ သူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ စတုတ္ထအကျောင်ꩻတရာꩻသွူ။ ၅။ န သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ- သာသနာႏကိုယို ရဟန်ꩻဖုံႏနဝ်ꩻ သေအနက်အဓိပ္ပါယ်ႏထွူတဲင် (လောကုတ္တရာႏ)တရာꩻအတွိုင်ꩻ ရိုႏရိုႏသေႏသေႏ တကျင်ꩻလွဉ်ꩻတောဝ်း၊ နဝ်ꩻနဝ်ꩻသူႏတောႏကောင်ꩻတရာꩻ ဖေ့ကုဲင်ထိုꩻမားပျောက်အီ ပဉ္စမအကျောင်ꩻတရာꩻသွူ။ ရဟန်ꩻသီးဖုံႏဟွေး- ၁။ ဣဓ ဘိက္ခဝေ ဘိက္ခူ သက္ကစ္စံ ဓမ္မံ သုဏန္တိ- သာႏသနာႏကိုယို ရဟန်ꩻဖုံႏနဝ်ꩻ ရိုႏရိုႏသေႏသေႏ နာႏလွတရာꩻ၊ နဝ်ꩻနဝ်ꩻ သူႏတောႏကောင်ꩻတရာꩻတဉ်ႏခွေါင်အီ ထိုꩻမားပျောက်တဝ်း ပထမအကျောင်ꩻတရာꩻသွူ။ ၂။ သက္ကစ္စံ ဓမ္မံ ပရိယာပုဏန္တိ- သာသနာႏကိုယို ရဟန်ꩻဖုံႏနောဝ်ꩻ ရိုႏရိုႏသေႏသေႏ သွဉ်လွတရာꩻ (လိတ်ပိဋကတ်)၊ နောဝ်ꩻနောဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း ဒုတိယအကျောင်ꩻတရာꩻသွူ။ ၃။ သက္ကစ္စံ ဓမ္မံ ဓါရေန္တိ- သာသနာႏကိုယို ရဟန်ꩻဖုံႏနောဝ်ꩻ ရိုႏရိုႏသေႏသေႏ ဆောင်ႏအွံလွ၊ ကျပ်အိုမ်လွ (လိတ်ပိဋကတ်)၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း တတိယအကျောင်ꩻတရာꩻသွူ။ ၄။ သက္ကစ္စံ ဓါတာနံ ဓမ္မာနံ အတ္ထံ ဥပပရိက္ခန္တိ- သာသနာႏကိုယို ရဟန်ꩻဖုံႏနဝ်ꩻ ကဆောင်ႏအွံခါꩻတရာꩻ အနက်အဓိပ္ပါယ်ႏနောဝ်ꩻ နေးတွမ်ႏဉာဏ်ႏ ရိုႏရိုႏသေႏသေႏ ထောင်လွဉ်ꩻ၊ ယူႏဆင်ႏချင်ႏချာဒျာႏ၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီ ထိုꩻမားပျောက်တဝ်း စတုတ္ထအကျောင်ꩻတရာꩻသွူ။ ၅။ သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ- သာသနာႏကိုယို ရဟန်ꩻဖုံႏနောဝ်ꩻ သေအနက်အဓိပ္ပါယ်ႏထွူတဲင် ရိုႏရိုႏသေႏသေႏ ကျင်ꩻလွဉ်ꩻ၊ နဝ်ꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီဖေ့ကုဲင်ထိုꩻမားပျောက်တဝ်း ပဉ္စမအကျောင်ꩻတရာꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ပဌမသဒ္ဓမ္မသမ္မောသသုတ်)