သူႏတောႏတရာꩻထိုꩻမားအီ

အဝ်ႏ ဝီခီပီးဒီးယား ကို

"သုဂတနိယသုတ် (သူႏတောႏကောင်ꩻတရာꩻ ကုဲင်အီ ထိုꩻမားအီ အကျောင်ꩻလစ်ꩻမျိုꩻ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- ခွေအဆွုံꩻအမꩻ သူႏတောႏကောင်ꩻတရာꩻ ကကုဲင်အီ ကထိုꩻမားဗာႏနဝ်ꩻ အကျောင်ꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနောဝ်ꩻ- ၁။ ပရိယာပုဏန္တိ ဒုန္နိက္ခိတ္တေဟိ ပဒဗျဉ္ဇနေဟိ- ပုဒ်ဗျည်း အက္ခရာႏမာႏ (လိတ်ဖြုံႏမာႏ) သွဉ်လွဉ်ꩻမာႏမာႏမီႏမီႏ။ ၂။ ဘိက္ခူ ဒုဗ္ဗစာ ဟောန္တိ အက္ခမာ အနုသာသနိံ- ရဟန်ꩻဖုံႏ အွဉ်ႏဒေါ့ꩻယပ်ꩻငါႏ၊ နာႏတောဝ်း ဘုရာꩻငေါဝ်း။ ၃။ တေ န သက္ကစ္စံ သုတ္တန္တံ ပရံ ဝါစေန္တိ- ဆရာႏချꩻလိတ်သားဖုံႏနဝ်ꩻ ချꩻဟောဝ်ဟောဝ်ဖေႏတောဝ်း တပဲ့ꩻဖုံႏလိတ်။ ၄။ ထေရာ ဘိက္ခူ ဗာဟုလိကာ ဟောန္တိ- ရဟန်ꩻတန်ဖုံႏနဝ်ꩻ ရွမ်အာတခြိုꩻ၊ ကျိုꩻတဝ်းတရာꩻ၊ သူႏတောႏကောင်ꩻတရာꩻ ကကုဲင်ထိုꩻမားဗာႏနဝ်ꩻ ယိုလစ်ꩻမျိုꩻနောဝ်ꩻသွူ။ ရဟန်ꩻသီးဖုံႏဟွေး- ၁။ ပါဠိ၊ ပုဒ်ဗျည်း အက္ခရာႏမာႏတဲင် အီႏသေဗာႏ အနက်အဓိပ္ပါယ်ႏယိုꩻတဝ်း၊ ပါဠိမာႏ၊ ပုဒ်ဗျည်းမာႏ၊ သွဉ်လွဉ်ꩻမာႏယိုနဝ်ꩻ ထွာအီသူႏတောႏကောင်ꩻတရာꩻ ကုဲင်ကီထိုꩻမား ပထမအကျောင်ꩻတရာꩻနဝ်ꩻသွူ။ ၂။ ရဟန်ꩻသီးဖုံႏနဝ်ꩻ ဒေါ့ꩻသွဉ်ယပ်ꩻ၊ နာႏတဝ်းဘုရာꩻငေါဝ်း၊ နာႏတဝ်းဆရာႏ အဆွုံꩻအမꩻ၊ ယိုနောဝ်ꩻ ထွာအီသူႏတောႏကောင်ꩻတရာꩻ ကုဲင်ကီထိုꩻမား ဒုတိယအကျောင်ꩻတရာꩻနောဝ်ꩻသွူ။ ၃။ ရဟန်ꩻကဒါႏ ပိဋကတ်သား၊ ကဒါႏလိတ်သားဖုံႏနဝ်ꩻ သွဉ်ဟောဝ်ဟောဝ်ဖေႏတဝ်းဝင်ꩻ၊ သွဉ်ဟောဝ်ဟောဝ်ဖေႏတဝ်းတပဲ့ꩻ၊ ယိုနဝ်ꩻ ထွာအီသူႏတောႏကောင်ꩻတရာꩻ ကုဲင်ကီထိုꩻမား တတိယအကျောင်ꩻတရာꩻနောဝ်ꩻသွူ။ ၄။ ကထွာရဟန်ꩻတန်ဖုံႏနဝ်ꩻ မာꩻမွိုင်းဒျာႏ လာဘ်သပ္ပကာႏ ဖေႏနေးကအာ၊ ဖေႏကလꩻမဂ်ဖိုလ်ႏနောဝ်ꩻ ကျိုꩻစာꩻအားထွုတ်တဝ်း၊ ယိုနဝ်ꩻ ထွာအီသူႏတောႏကောင်ꩻတရာꩻ ကုဲင်ကီထိုꩻမား စတုတ္ထအကျောင်ꩻတရာꩻနောဝ်ꩻသွူ။ ရဟန်ꩻသီးဖုံႏဟွေး- ၁။ ပါဠိပုဒ်ဗျည်းတဲ့မဲဉ်ႏ၊ သွဉ်လွဉ်ꩻမဲဉ်ႏမဲဉ်ႏတဲ့နဝ်ꩻ ၂။ ရဟန်ꩻသီးဖုံႏ ဒေါ့ꩻသွဉ်ယပ်ꩻတဝ်း၊ မဉ်ႏနာႏဘုရာꩻငေါဝ်း ဆရာႏငေါဝ်းတဲ့နဝ်ꩻ ၃။ ကဒါႏလိတ်သား မဉ်ႏချꩻဟောဝ်ဟောဝ်လိတ်တဲ့နဝ်ꩻ ၄။ ရဟန်ꩻတန်သီးဖုံႏ မဉ်ႏရွမ်တောဝ်းလာဘ်၊ မဉ်ႏကျင်ꩻမွေးတရာꩻ၊ မဉ်ႏမာꩻမွေးကုသိုလ်ႏတဲ့နောဝ်ꩻ ယိုလစ်ꩻမျိုꩻနဝ်ꩻ သူႏတောႏကောင်ꩻတရာꩻ တဉ်ႏခွေါင်အီ အကျောင်ꩻတရာꩻလစ်ꩻပါꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သုဂတဝိနယသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၅၅)