သွုံꩻတကာႏသွမ်ꩻတာႏမာꩻခရာႏ

အဝ်ႏ ဝီခီပီးဒီးယား ကို

"ကုသိနာရသုတ် (သွုံꩻတကာႏသွမ်ꩻအတွက်တာႏ မာꩻဗာႏနုဲင်းယို)"

နီဗွေႏဘုရာꩻအဝ်ႏအုံ ကုသိနာႏရွုံႏခမ်း 'ဗဟိဟရဏ'တခြာတန်ကို ဟော်ꩻဖေႏရဟန်ꩻသီး တရာꩻနုဲင်းယို- ရဟန်ꩻသီးဖုံႏဟွေး- ရဟန်ꩻ (တပါꩻပါꩻ)နဝ်ꩻ သွမ်ꩻ(စတဲင်ပစ္စေꩻလစ်ꩻပါꩻ)အတွက်တာႏ အာႏကွိုꩻတကာႏ ဒုံပေႏတရိုꩻတောဝ်း၊ အာႏကွိုꩻတကာႏ ဒုံတန်တရိုꩻတဝ်း အုံ(ကျောင်ꩻ)နောဝ်ꩻကို။ သဌေꩻနမ်းတရိုꩻတဝ်း၊ သဌေꩻပိုတရိုꩻတဝ်း အီႏကပ်သွမ်ꩻမွူးရောဝ်ꩻတာႏ ထင်ႏပင်ꩻသေꩻဟန်ႏဟာ၊ ကမဉ်ကျွꩻဒါႏ ရဟန်ꩻတပါꩻနဝ်ꩻ လက္ခံႏ၊ အီႏကျွꩻဖေႏဒျာႏ အာႏမခံႏတကာႏနုဲင်းနဝ်ꩻ။ နုဲင်းမွူးရောဝ်ꩻ အခိန်ႏကျွꩻနဝ်ꩻ ရွုံႏသင်္ကန်ꩻ၊ ထူႏသပိတ်ကျွꩻသဲင်ꩻ၊ တွိုႏသဲင်ꩻလမ်းတွော့ꩻ တကာႏကျိုႏဆွုမ်ႏပင်ꩻဆွုမ်ႏ၊ ပင်ꩻသော့ꩻထာꩻဒါကို၊ ဝွေꩻဗွေႏအုံသော့ꩻထာꩻဒါကို၊ တကာႏဝုဲင်ႏရိုႏရိုႏသေႏသေႏ၊ ဒေါ့ꩻရီအွီႏအွီႏနွိုးနွိုး၊ ကပ်သွမ်ꩻဟောဝ်၊ ကပ်ဟန်ႏအွီႏ၊ သွုံꩻဗာႏကွို့ꩻကွို့ꩻ၊ အဝ်ႏတွမ်ႏအလွန်းအလွို။ ရဟန်ꩻနဝ်ꩻသꩻကိုနဝ်ꩻယူႏ- 'တကာႏကေႏညိုႏ ရိုႏသေႏမွေးစွဉ်ႏခွေ၊ ဒွိုႏဖေႏစွဉ်ႏခွေ ဒဲဉ်ဟောဝ် ဟန်ႏအွီႏ၊ တွိုႏဆုဲင်ꩻဆုဲင်ꩻ အမဉ်ႏကပ်ယင်းနုဲင်းယို၊ ခွေမဉ်ႏသွုံꩻဗာႏယင်း အွီႏအွီႏနုဲင်းယိုနဝ်ꩻ-ယံငါႏဟွေး'သꩻယူႏနုဲင်းနောဝ်ꩻသွူ။ ကွပ်သꩻယူႏနုဲင်းနဝ်ꩻတဲင်- - ထွာထိုꩻလောႏဘꩻ ဗွို့ꩻခြꩻမွေး ဒဲဉ်ဟောဝ်ဟန်ႏအွီႏလောင်း၊ - အီႏထွာလောႏဘꩻ အီႏထွာအပဲ့စ်တဲ့ ရဟန်ꩻနဝ်ꩻ သယူႏယာႏဒွုမ်၊ - ခွေကသွုံꩻဗာႏသွမ်ꩻယိုနဝ်ꩻ အိႏမာꩻအီ သာႏသနာႏတာႏဒျာႏ သေယူႏယာႏဒွုမ်၊ - ခွေကသွုံꩻသွမ်ꩻယိုနဝ်ꩻ အီႏအားထွုတ်အီ တရာꩻတာႏဒျာႏ နေးတွမ်ႏပညာႏ တသေယူႏယာႏဒွုမ်၊ - ကထွာဗာႏနုဲင်းနဝ်ꩻနဝ်ꩻ သတိꩻတရာꩻ ကင်ꩻညာꩻထိုꩻ ရဟန်ꩻနဝ်ꩻနမ်း၊ - ရဟန်ꩻနဝ်ꩻနဝ်ꩻ နေးတဝ်းဆင်ႏချင်ႏပညာႏ သွုံꩻပရီႏပရာႏ တကာႏသီးသွမ်ꩻ၊ ကွပ်နဝ်ꩻမꩻ တကာႏကလူႏသွမ်ꩻနဝ်ꩻနဝ်ꩻ အကျိုꩻတန်တဝ်းꩻ ကသွုံꩻသားရဟန်ꩻတဲ့ အပဲ့စ်ကင်ꩻတဝ်း။ ရဟန်ꩻခꩻတပါꩻနဝ်ꩻ- - တွိုႏဆုဲင်ꩻကော့ꩻမောင်ꩻထဲင်းတဝ်း၊ ကာႏကွို့ꩻကထွိုက်ရာꩻ၊ ဝွေꩻဗွေႏအွဉ်ႏဒျာႏ သꩻနုဲင်းနဝ်ꩻ၊ - လောႏဘꩻဗွို့ꩻခြꩻတဝ်း ဒဲဉ်ဟောဝ်ဟန်ႏအွီႏလောင်း၊ သꩻကြောင်းစင်ပေႏဒျာႏ၊ - ဝွေꩻဗွေႏဆင်ႏချင်ႏနေးဒျာႏ ပစ္စဝေက္ခဏာႏ၊ ပသာဒျာႏမေတ္တာႏ သွမ်ꩻတကာႏအလောင်း၊ - ခွေကသွုံꩻသွမ်ꩻယိုနဝ်ꩻ 'အီႏမာꩻအီဒျာႏ သာႏသနာႏတာႏ'ယူႏဒျာႏနုဲင်းနဝ်ꩻ၊ - ခွေကသွုံꩻသွမ်ꩻယိုနဝ်ꩻ 'အီႏအားထွုတ်အီဒျာႏတရာꩻ'ဆင်ႏချင်ႏဒျာႏနုဲင်းနဝ်ꩻ၊ - နေးတွမ်ႏဆင်ႏချင်ႏပညာႏ သွုံꩻပရီႏပရာႏတောဝ်း တကာႏသီးသွမ်ꩻ၊ - နေးတွမ်ႏသတိꩻတရာꩻ သွုံꩻဒျာႏ အပဲ့စ်ကင်ꩻကင်ꩻနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻအပါꩻဆုဲင်ꩻနဝ်ꩻ ဆင်ႏချင်ႏပစ္စဝေက္ခဏာႏ၊ ပသာမေတ္တာႏ၊ နေးတွမ်ႏသတိꩻတရာꩻ သွုံꩻအပဲ့စ်ကင်ꩻကင်ꩻတဲင် တကာႏကပ်သွမ်ꩻ အပါꩻဆုဲင်ꩻနဝ်ꩻနဝ်ꩻ အကျိုꩻတန်၊ ကသွုံꩻသားတဲ့ အပဲစ်ကင်ꩻနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ကုသိနာရသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၁၄)