ဟ

ပအိုဝ်ႏငေါဝ်းတွိုင်ꩻ(ဟ) ၁။ ဟူပေႏတရုပ် ဒွိုႏလွူးနွောင်ꩻ လိုꩻတနယ်ႏ၊ ဟန်ႏပေႏတကလဲႏ ဒွိုႏလွူးနွောင်ꩻ လိုꩻတခမ်း။ ၂။ ဟူဗွာဟူဟဝ် ထောင်းမꩻသေ၊ လိုꩻကုဲင်လုိꩻဟောဝ် ပေါင်ꩻမꩻသေꩻ။ ၃။ ဟူမဉ်ႏအောဝ်ႏသော့ꩻတောဝ်း တခီနဝ်ꩻ ထွာထာꩻဒါႏ၊ ဟူမဉ်ႏအောဝ်ႏသော့ꩻအာ အုံတဲင်တနွောင်းနွောင်ꩻ။ ၄။ ဟူအဲဉ်ထောဝ်း အံႏဗွူအဲဉ်၊ ဒဲဉ်အဲဉ်ထောဝ်း အံႏဗွစ်ꩻနေး။(လိုꩻနုတ်ꩻလိုꩻတွူ လိုꩻထာꩻသူႏေသဆေ့ꩻ၊ တအဲဉ်ထဝ်းလဲ့ အဝ်ႏကွီနွိုင်ႏ။) ၅။ ဟို့ꩻကို အောဝ်ႏငခြေင်ဒျာႏ နုဲင်းညာꩻထီး။(လိုꩻထာꩻဒါႏ ဉာဏ်ႏပညာႏ ဗဟုသုတ တအဲဉ်ထောဝ်းနုဲင်းဝင်ꩻ။) ၆။ ဟို့ꩻခြေ့တွမ်ႏမာႏဆာႏ တသီႏခါႏမꩻ ဟောဝ်။ ၇။ ဟို့ꩻတထာ အံႏစာအဗွေႏ။(ကွပ်ပွိုးဟို့ꩻပေႏတထာအတွက် မဉ်ႏမာꩻတငီႏတငါ ထာꩻတဟောဝ်တောဝ်းနောဝ်ꩻ မဉ်ꩻသတင်ꩻတကုဲင် သေင်ဖုံးဒါႏ။) ၈။ ဟို့ꩻတဖြုံႏကိုထန်ႏ၊ လမ်းတဗာႏချင်ႏအုံ၊ ဒုံတဖြုံႏချင်ႏပီ၊ ခမ်းထီတဗာႏချင်ႏစိုꩻ၊ လိုꩻတမျိုꩻချင်ꩻနုဲင်းနုဲင်းလဲ့ သဖော်ꩻတရာꩻဝါဒ သွိုန်ႏသꩻတပီတောဝ်းလွဝင်ꩻ။ ၉။ ဟို့ꩻတွမ်ႏငင်း ချင်းခေႏဗာႏ။(ဒေါ့ꩻရီငေါဝ်းငွါ တရိုꩻတဝ်း ခွုမ်မာꩻထာꩻမာꩻ တရိုꩻတဝ်းနဝ်ꩻ ချိုꩻချင်းသွော့ချာချာငါငါ။) ၁၀။ ဟို့ꩻဒွဉ်းပူႏယန်ꩻ သေန်ႏကီးရန်ꩻ၊ ကလူꩻဆွဉ်ႏဖြေင်းဗွာ သေန်ႏဆျာအေႏ၊ တငါအောဝ်ႏညာꩻညာꩻတဗီႏ ေသန်ႏဝါးရွို့ဒီႏ။ ၁၁။ ဟို့ꩻပေႏဗုက်ꩻဗုက်ꩻ အဝ်ႏသော့ꩻစွိုင်ꩻ၊ ဟို့ꩻပေႏ လွိုင်ꩻလွိုင်ꩻအဝ်ႏသော့ꩻဉာဏ်ႏ၊ ပါꩻလင် သေတောဝ်း ထင်းဒျာႏအောဝ်ႏသော့ꩻဖဲဉ်ႏ။(စွိုင်ꩻ-လိတ်လုဲင်ꩻ၊ လိုꩻတွိုင်ꩻစွုမ်ႏဖြာꩻအလောင်းယို တလိုႏထင်းဖွီ သွင်ꩻပေါ်ꩻတောဝ်းနော။) ၁၂။ ဟန်ႏတအွီႏတောဝ်း ဟန်ႏေဆာဝ်၊ မွိုးတဟောဝ်တောဝ်း မွိုးပေႏ။ ၁၃။ ဟန်ႏနွန်းပါႏအခြွီ၊ တဒွီ ပါႏအစွိုး၊ လိုꩻပေႏ ပါႏဖါမွိုး။ ၁၄။ ဟန်ႏနွန်းရာႏလဲ့ ဟန်ႏနွန်းအီ၊ တဒွီရာႏလဲ့ တဒွီဟွဲး။(လိုꩻပေႏလိုꩻတန်နွောင်ꩻရာꩻနွောင်ꩻရာꩻ တာႏဝွန်ႏပငါပရာꩻ ကျိုꩻစာꩻထေင်းထံႏ ခွုမ်မာꩻနောဝ်ꩻမꩻ ထာꩻမာꩻအောင်ႏမျင်ႏသွူ။) ၁၅။ ဟန်ႏနွန်း အခြွီ၊ တဒွီအစွိုး၊ လိုꩻပေႏ ဖါမွိုး။(၁၃-တွမ်ႏ ၁၅-ကီယိုနီပွုတ် လိုꩻပေႏသီး ပိုလီꩻသီး တပဲ့ꩻသီး အကျင်ꩻစာရိတ္တဟောဝ် တဟောဝ်တောဝ်းနဝ်ꩻ အထျꩻအောဝ်ႏလိုꩻတန် မွိုးဖါ ဆရာႏသမာꩻသီးသွူ။) ၁၆။ ဟံႏဆွော့ꩻမꩻ ထေꩻ၊ လိုꩻစေꩻမꩻ ခြွေ။ ၁၇။ ဟံႏမျောႏနဝ်ꩻ လိုꩻမျိုꩻတလို့တဝ်းလဲ့ လိုꩻမျိုꩻမျောႏနဝ်ꩻ လိုꩻမျိုꩻလို့။ ၁၈။ ဟံႏမျောႏလိုꩻမျိုꩻ ထိုꩻမားတဝ်း၊ လိုꩻလိုꩻချင်ꩻမျောႏမꩻ လိုꩻမျိုꩻထိုꩻမား။ ၁၉။ ဟံႏယာႏညမ်း လုိႏဖိုးအေႏ၊ လိုꩻကံႏပေႏလိုႏသောင်ႏသာ၊ နာႏအာအာ ဒေါ့ꩻေဆ့ꩻဆေ့ꩻ၊ ကျံႏတေ့ꩻတေ့ꩻ မာꩻမွေးမွေး။ ၂၀။ ဟွမ်ကလာꩻနဝ်ꩻ တသေတဝ်း ကတူႏခင်ႏ၊ မူႏနံꩻခိုဗင်ႏ တသေတဝ်း ဖူးဝေး၊ မေးတကဲင်ႏ နုဲင်းထွီႏ။ ၂၁။ ဟွမ်တေင်ပြာႏ၊ ကမ္ပလာႏတွာ၊ မွဉ်ရိုသေင်ႏ၊ ေဗင်ႏစောဝ်းေစာဝ်း။(လိုꩻကေန်ꩻ လိုꩻခြေား လိုꩻဆင်ꩻရဲꩻ လိုꩻဒုက္ခ လိုꩻထာꩻရာꩻအဲဉ်ထဝ်းသား။)