ဟဲ့ꩻရိုꩻပညတ်ပုဂ္ဂိုလ်ႏမျတ်

အဝ်ႏ ဝီခီပီးဒီးယား ကို

"ဝဿကာရသုတ် (ဟဲ့ꩻရိုꩻပညတ် ပုဂ္ဂိုလ်ႏမျတ်တရာꩻ ၄-ပါꩻ)" ဝဿကာရပုဏ္ဏာꩻ လောဝ်းနီဗွေႏဘုရာꩻနုဲင်းယို- "ဩဗွေႏ ဘုရာမျတ်ဗွေႏဩ- လိုꩻပေါႏဗွေတွမ်ႏ တရာꩻလစ်ꩻမျိုꩻနဝ်ꩻ 'ပညာႏသားလိုꩻခိုမျတ်၊ နီသွဉ်းသီးပညတ်' နီသွဉ်းသီးသတ်မတ် နုဲင်းနဝ်ꩻ ဗွေႏဩ၊ လစ်ꩻမျိုꩻကရိုꩻနောဝ်ꩻ- ၁။ ဗဟုဿုတော ဟောတိ- 'လိုꩻဗဟုသုတအဝ်ႏ'လိုꩻဒါႏပညာႏ၊ လိုꩻအဟွူန်အာ၊ အထီႏအာ။ ၂။ ဘာသိတဿ အတ္ထံ ဇာနာတိ- ကဒေါ့ꩻဒါႏငေါဝ်းအမျိုꩻမျိုꩻ၊ အရိုꩻနုဲင်းယို၊ အရိုꩻနုဲင်းနဝ်ꩻ သေလို့ငေါဝ်းနဝ်ꩻ အနက်အဓိပ္ပါယ်ႏ။ ၃။ သတိမာ ဟောတိ- လိုꩻသတိꩻဟောဝ်၊ ကမာꩻဖိုထာꩻမာꩻ၊ ကဒေါ့ꩻဖိုငေါဝ်းနဝ်ꩻ မဉ်ညနုဲင်းမုဲင်ꩻည တောင်ꩻလို့ချာဒျာႏ။ ၄။ ဂဟဋ္ဌကာနိ ဒက္ခော ဟောတိ အနလသော- လိုꩻဘဝတောႏလမ်း၊ လွူးနမ်းတွက်တာႏ၊ ဒါႏငါႏယံကျ၊ ကိစ္စမုဲင်ꩻယောဝ်း လွꩻတောဝ်းလာꩻလာꩻ။ နဝ်ꩻလစ်ꩻပါꩻဖုံႏသွူဗွေႏဩ၊ 'မဉ်ႏယံတဲ့အံႏဖြာႏ၊ မဉ်ႏမာႏတဲ့ ပယ်ႏထိုꩻသွော့ ဗွေႏဩ"။ "တကာႏပုဏ္ဏာꩻဟွေး- 'နာꩻငေါဝ်းနဝ်ꩻ အံႏဖြာႏတဲ့ ခွေတအံႏဖြာႏတဝ်း၊ ပယ်ႏတဲ့ ခွေတပယ်ႏထိုꩻတဝ်း'၊ ခွေတဲ့ ပညတ်၊ လိုꩻမျတ်ဟဲ့ꩻရိုꩻ၊ လစ်ꩻမျိုꩻနေနေ၊ လစ်ꩻမျိုꩻကရိုꩻနောဝ်ꩻ- ၁။ ဗဟုဇနဟိတာယ ပဋိပန္နော ဟောတိ ဗဟုဇန သုခါယ လိုꩻအမျာꩻတာႏ ယံကစီꩻပွါꩻ၊ ဖေႏနေးကချမ်ꩻသာႏ မာꩻဖေႏဒါႏ။ ၂။ ဗဟုဿ ဇနတာ အရိယေ ဉာယေ ပတိဋ္ဌာပိတာ လိုꩻအမျာꩻ ဖေႏကမာꩻအာအာကုသိုလ်ႏ၊ ဖေႏကတွိုႏလꩻဖိုလ်ႏမဂ်၊ ဝွေꩻဆောင်ႏရွက်မာꩻဖေႏဒါႏ။ ၃။ စတုန္နံ ဈာနာနံ နိကာမ လာဘီ ဟောတိ မီႏမဉ်အုံ ချမ်ꩻချမ်ꩻသာႏသာႏထာꩻ၊ နေးဈာန်ႏလစ်ꩻပါꩻ၊ မာꩻမုဲင်ꩻခါလꩻ၊ လိုႏမုဲင်ꩻခါလꩻ။ ၄။ စေတော ဝိမုတ္တိံ သစ္ဆိကတွာ ဥပသမ္ပဇ္ဇ ဝိဟရတိ လꩻအရဟတ္တဖိုလ်ႏ၊ ထွာရဟန္တာႏပုဂ္ဂိုလ်ႏ။ ပုဏ္ဏာꩻဟွေး- နာꩻငေါဝ်းနဝ်ꩻ 'အံႏဖြာႏတဲ့ ခွေတအံႏဖြာႏတဝ်း၊ ပယ်ႏတဲ့ ခွေတပယ်ႏထိုꩻတဝ်း'၊ ခွေတဲ့ပညတ်၊ လိုꩻမျတ်ဟဲ့ꩻရိုꩻ၊ လစ်ꩻမျိုꩻနုဲင်းနောဝ်ꩻနေနေသွူ"။ "ဩဗွေႏ ဘုရာꩻမျတ်ဗွေႏဩ- နီဗွေႏကပညတ်၊ လိုꩻမျတ်ဟဲ့ꩻရိုꩻ၊ လစ်ꩻမျိုꩻနဝ်ꩻ ယိန်းယံငါႏဗွေႏဩ၊ နီဗွေႏနဝ်ꩻ ဗွေတွမ်ႏတရာꩻနဝ်ꩻလစ်ꩻပါꩻ ခွေသွဉ်းယွုမ်းအံႏခါꩻနုဲင်းနောဝ်ꩻ ဗွေႏဩ"ဝဿကာရပုဏ္ဏာꩻ လောဝ်းချာဗွေႏဘုရာꩻနုဲင်းနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဝဿကာရသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၂၇)