အ
ငေါဝ်းတွိုင်ꩻ(အ) ၁။ အကꩻတူႏမဉ်ရီး အံႏအကတူႏ၊ အမေးမဉ်ရီး အံႏအမေး။ ၂။ အကိုနောဝ်ꩻ ဗန်ႏ၊ အထန်ႏနောဝ်ꩻ ဖြဲꩻ။(အထန်ႏနောဝ်ꩻ ဒေါ့ꩻချော်ꩻ မာꩻချော်ꩻလဲ့ သꩻကိုနဝ်ꩻ တဟောဝ်တဝ်း၊ ကျံႏတꩻကုဲင်ဒါႏထာꩻ။) ၃။ အကဲင်အဆာ အောဝ်ႏမꩻ လုံႏဆုဲင်း ဖီးထူꩻဟုမ်။(ချို့ꩻယွင်ꩻမုꩻ အပဲစ်အဆူႏအနာႏအဝ်ႏမꩻ ဝင်ꩻကဲ့ꩻရဲ့ꩻသဲ့ꩻသွမ်ꩻ ဒေါ့ꩻလွအမဉ်ꩻနောဝ်ꩻသွူ။) ၄။ အကျင်ꩻဟောဝ်နောဝ်ꩻ နန်ꩻသေနာႏ၊ အကျင်ꩻမာႏနောဝ်ꩻ ဒါႏယိုꩻ။ ၅။ အကြောင်းအဗွဉ်ႏ၊ အစွဉ်ႏအစွို့ꩻ၊ ခွုမ်ဖွို့ꩻသွော့ တွမ်ႏတရာꩻ။ ၆။ အခို ခါးလားကလꩻအမူႏနဝ်ꩻ ဟဲ့ꩻ"မူႏမူႏ"၊ ကထွိုင်ႏလꩻထွူ သိုႏတူႏလင်ꩻ၊ အမူႏခါးလားကလꩻ အခိုနဝ်ꩻ ဟဲ့ꩻ"မောင်ႏမောင်ႏ"၊ ကထွိုင်ႏထꩻထွူ သိုႏလောင်ႏလင်ꩻ။ ၇။ အခိုတဖြာꩻ အမူႏတရျာꩻလွို။ ၈။ အခိန်ႏတွိုႏလွဉ် နုဲင်းလာဆန်ꩻ၊ အခန်ꩻတွိုႏလွဉ် နုဲင်းမွူးထန်ႏ။ ၉။ အခိန်ႏတွမ်ႏထီထွတ်ꩻ တအုံပွေါးတဝ်းလိုꩻ။ ၁၀။ အခိန်ႏတွမ်ႏနားရီႏ၊ လိုꩻကောထီႏဝွေꩻ၊ မီႏအွဉ်ႏရေꩻ တခြွေတဝ်းလဲ့ လွစ်ကေန်ꩻခြေား။ ၁၁။ အချိန်ႏသီးမျိုꩻ ပွေါးတောဝ်းလိုꩻ၊ လို့ထိုꩻ တလီးလျာ။ ၁၂။ အခိန်ႏအောဝ်ႏတွင်ꩻ သောင်ႏသာဝင်ꩻ။ ၁၃။ အခွေႏတွိုင်ꩻ မီႏထွာပျꩻ၊ ဖွိုင်ꩻဆꩻလ တဗျသူႏ။ ၁၄။ အခြွီမီႏစဲစ်မွေး အရွီးစီꩻဟံႏ။ ၁၅။ အခြွီမဉ်ႏဟောဝ် အရာႏနွိုး၊ အစွိုးမဉ်ႏဟောဝ် အရာႏအွီႏ။(ကုသိုလ်ႏသꩻစေႏတနာႏ မဉ်ႏဟဝ်မဉ်ႏသန်လဲ့ အကျိုꩻဖေႏသန် ဖေႏဟဝ် ဖေႏတလာ။) ၁၆။ အဆူႏ အောဝ်ႏနုဲင်းခါႏရာႏ၊ အနာႏအောဝ်ႏနုဲင်းခုံꩻခဲ့။ ၁၇။ အဆူႏအဝ်ႏသဲင်ꩻငတ်ꩻရျာꩻ နုဲင်းမောက်ကေင်၊ အဆူႏအောဝ်ႏသဲင်ꩻငတ်ꩻရေင် နုဲင်းမောက်ကြင်ꩻ။(ကီယို နီပွုတ်-လမ်းသား ပိုမာ ပိုဝါꩻ ပိုလီꩻအောဝ်ႏလဲဉ်းသွူ၊ မူႏနံꩻခိုဗင်ႏ လိုꩻလပ် လိုꩻပြွယ် တမွေးတဝ်းဒွုမ်။) ၁၈။ အဆင်ႏေပြႏ အခေႏနေႏပစ်ꩻ။ ၁၉။ အဆွတ်ꩻမဲဉ်လီလီ၊ အထီ မဲဉ်သေ့ꩻသေ့ꩻ၊ သွီႏယာႏဖြို့ꩻပီ မဲဉ်တဝေ့ꩻဝေ့ꩻ။(ဝီရိယအင်္ဂါႏလစ်ꩻပါꩻ- မာꩻထာꩻမာꩻ တမျိုꩻမျိုꩻ နင်းဟွူဖေႏကအောင်ႏလꩻယိုꩻယိုꩻတဲင် ဒေါ့ꩻခြွိုင်ꩻ မာꩻတရုဲင်အီသꩻ။) ၂၀။ အညမ်းမုဲင်ꩻရာꩻ ဝင်ꩻတွိုင်ꩻယာသား။ ၂၁။ အတမဲစ်ꩻထန်ႏပသာႏ တပျꩻယာႏလဲ့ မီႏခွေါင်းဗာႏ အဲင်ႏစွဉ်ႏလိုꩻ။ ၂၂။ အထီတဗွေတောဝ်းဗွီႏ၊ အသွီႏ တဗွေတောဝ်းဝန်ႏ၊ အနမ်းတဗွေတောဝ်းဖွိုင်ꩻ။ ၂၃။ အထျꩻတထာ၊ အနာ တသောင်ꩻ။(မူႏလပထမ အထျꩻအထောင်ꩻနဝ်ꩻ တန်ႏတန်ႏလွုမ်ꩻ၊ အမော့အနာနဝ်ꩻ ဒေါ့ꩻဖြောဝ်ႏခွုမ်မာꩻ လွိုပြဲဉ်ထာꩻ။) ၂၄။ အထွူႏနောဝ်ꩻ အီ၊ အဖွီနောဝ်ꩻ ပက်။ ၂၅။ အနားအဲဉ်ထောဝ်းနုဲင်းယဲ့၊ အမဲ့အဲဉ်ထောဝ်းနုဲင်းကီးရန်ꩻ။ ၂၆။ အနမ်းခုဲင်ႏလꩻအဲဉ်ထဝ်းဒွိုန်း ထဲင်ရီးလဲဉ်းအသိုႏ၊ အဟိုႏခုဲင်ႏလꩻအဲဉ်ထောဝ်းဒွိုန်း ဝန်ႏရီးလဲဉ်း အခြွီ။ ၂၇။ အနမ်း ထင်းခိုဗင်ႏ၊ အခင်ႏ စောင်ႏသဲင်ခဲင်ꩻ။(အသꩻနောဝ်ꩻ အောဝ်ႏဆားဒွိုန်း၊ အောဝ်ႏေြခင်းတပ်ꩻဒွိုန်း အာႏရုံႏငတ်ꩻပါꩻလဲ့ နမ်းကြိုနောဝ်ꩻ ဖြားလဲဉ်းသွူ။) ၂၈။ အနမ်းနောဝ်ꩻ ဝင်ꩻ၊ အသတင်ꩻနောဝ်ꩻ နီ။ ၂၉။ အနမ်းနောဝ်ꩻ ဝင်ꩻအံႏ၊ အဝန်ႏနောဝ်ꩻ နီပသေ။(ကီယို ၂-ပွုတ် ဝင်ꩻနောဝ်ꩻ မော့ꩻအနမ်း၊ အံႏဗာႏအွꩻဗာႏ၊ သွုံꩻဆောင်ႏဗာႏ၊ နီနောဝ်ꩻ မော့ꩻတောဝ်းအနမ်း၊ ဟွိုန်ဗော့ꩻ အသတင်ꩻလွုမ်ꩻ။) ၃၀။ အနမ်း မာꩻယုံꩻယုံꩻ၊ အဟူဆုံꩻ ယူးအေႏသော့ꩻ။(အနမ်းအကြိုနောဝ်ꩻ ကွဉ်ကꩻရင်းခြွိုင်း ဆဲမ်ꩻဆဲမ်ꩻလဲမ်ꩻလဲမ်ꩻလဲ့ တွိုႏတဲင်အံႏအွꩻခရာႏ ဟို့ꩻဆာႏဟို့ꩻခူꩻနဝ်ꩻ ထာꩻမုဲင်ꩻင်ꩻအဲဉ်ထဝ်း။) ၃၁။ အနမ်းအောဝ်ႏမꩻ ထဲင်အသိုႏ၊ အဟိုႏအောဝ်ႏမꩻ ဝန်ႏအြခွီ။ ၃၂။ အနမ်းအဲဉ်ထောဝ်းဒွိုန်း ထဲင်ရီးလဲဉ်း အသိုႏ၊ အဟိုႏအဲဉ်ထဝ်းဒွိုန်း ဝန်ႏရီးလဲဉ်း အခြွီ။ ၃၃။ အနုံꩻအောဝ်ႏသား ကွိုꩻငါႏအနုံꩻလဲ့ အနုံꩻကုဲးထို့ဒါႏ၊ အတမဲစ်ꩻအောဝ်ႏသား ကွိုꩻငါႏအတမဲစ်ꩻလဲ့ အတမဲစ်ꩻကုဲင်းထို့ဒါႏ၊ ပညာႏအဝ်ႏသား ကွိုꩻငါႏပညာႏလဲ့ ထာꩻသေဉာဏ်ႏပညာႏ ကုဲင်းထို့ဒါႏ။ ၃၄။ အနွိုးဆꩻကီ ထောက်ꩻရော်ꩻထဲင်း တောင်းလျက်ꩻထီ။ ၃၅။ အပဲင်လွိုင်ႏ နုဲင်းမောက်ကြင်ꩻ၊ အမင်ꩻလွိုင်ႏနုဲင်းမောက်ꩻကေင်၊ အပီဒွိုန်ထုဲင်ႏနုဲင်းငို၊ ဖီးအွာမဉ်ႏတဒေါက်ꩻ လင်ꩻစွဉ်ႏရားရား။(ယောင်ꩻဆင်ꩻ လောင်ႏလွိုး ကရွူးတကုဲင်တကီႏအတွက်။) ၃၆။ အဖေႏအထူႏအဝ်ႏမꩻ ပေါင်ꩻဖေါႏလꩻ။ ၃၇။ အဗာႏအံႏလဲ့ဝင်ꩻအံႏ၊ အဗာႏခံႏလဲ့ နီခံႏ။ ၃၈။ အမုꩻတန် မာꩻပေႏ၊ အမုꩻပေႏ မာꩻထိုꩻမား။ ၃၉။ အမေးထို့ ယို့မွေးတောဝ်း။ ၄၀။ အမောင်ꩻတဗာႏ အရာႏတရျာꩻ။ ၄၁။ အမူႏမဉ်ႏသီ အွဉ်ႏကုဲင်မွိုန်းပို၊ အခိုမဉ်ႏသီ အွဉ်ႏကုဲင်မွိုန်းနီး။(မဉ်ႏအွဉ်ႏကုဲင်အာပို လွူးခွမ်ꩻယပ်ꩻဆုဲင်ꩻ၊ မဉ်ႏအွဉ်ႏကုဲင်အာနီး တဲဉ်ꩻဖြော်ဆုဲင်ꩻယပ်ꩻ။) ၄၂။ အမျာꩻကေားမာꩻ တဖြာꩻအံႏ၊ အမျာꩻကေားခံႏ တဖြာꩻစံႏ။ ၄၃။ အမျာꩻပေါင်ꩻ အလောင်ꩻထွာ။ ၄၄။ အမျိုꩻတရေꩻ ကွဲးထုိꩻမားမား၊ အမျိုꩻရင်းစား ကွဲးပေါႏပေါႏ။ ၄၅။ အမျိုꩻလုံးေလာင်း ဆို့ꩻဒင်ႏေသင်ႏ၊ အမျိုꩻခြေင်ႏလောင်း အွဉ်ႏယွားဟံး၊ အံႏဗာႏနေဟောင်း။ ၄၆။ အမျိုꩻအဝ်ႏလိုႏကံ သမ်းလွေꩻကျင်ꩻ၊ အမျိုꩻအဝ်ႏလိုႏကျင်ꩻ သမ်းလွေꩻကံ။ ၄၇။ အမွူးတကီႏ အဒီႏတကယ်၊ အမွူးနယ် အပေႏဒါႏ။ ၄၈။ အမွူးတကီႏ အဒီႏတကယ်၊ အမွူးဟယ် အပေႏရွိုင်ꩻ။ ၄၉။ အမွူးတကီႏ အဒီႏတကယ်၊ အမွူးဟယ် အပေႏရွိုင်ꩻ၊ အမွူးထွိုင်ꩻ အပေႏလွꩻ။(ကထွာလိုꩻတန် ဆရာႏသမာꩻ မွိုးဖါသီး နမ်းကျင်ꩻစာရိတ္တ နမ်းဖြောင်းသꩻ မီႏဟောဝ်တောဝ်းနောဝ်ꩻ လိုꩻပေႏဆလ တပဲ့ꩻတꩻပန်ꩻ ပိုလီꩻသီးလဲ့ ထွားနုဲင်းလွဉ်ꩻဒါႏ အကုဲင်ဖဲ့ꩻနောဝ်ꩻသွူ။) ၅၀။ အမွူးတကီႏ - အဒီႏဗွာ။(ကထွာလိုꩻတန်ဆကီသီး နမ်းကျင်ꩻစာရိတ္တ တဟဝ်တဝ်းစွဉ်ႏလဲ့ တွိုႏလိုꩻပေႏဆလသီး နမ်းကျင်ꩻစာရိတ္တ ဟောဝ်နောဝ်ꩻသွူ။) ၅၁။ အမွူးတန် အရာႏကပေႏငါႏနဝ်ꩻ ခြုံႏတွမ်ႏညောင်ႏ၊ ဗော့ꩻမဲ့ကညာꩻငါႏခင်ႏနောဝ်ꩻ ကောင်တွမ်ႏေဆာင်ႏ။ ၅၂။ အမွိုးေမာက်ꩻဒံ၊ ဖါေမာက်ꩻလိန်ႏ၊ ပိုတꩻစိန်ႏခူꩻ။(မွိုးဖါသီး နမ်းကျင်ꩻစာရိတ္တ မီႏကုဲတဲင်ခါ ပိုလီꩻသီးလဲ့ ကုဲင်နုဲင်းဒါႏ။) ၅၃။ အယွ အမွိုင်၊ အထွိုင်ꩻ အဖုဲင်၊ နုက်ꩻယုဲင် တလျူ၊ ပုက်ꩻစျူ ဝီရိယခံႏ။ ၅၄။ အရာႏကအွီႏနောဝ်ꩻ တခေါ့ꩻ၊ အစော့ꩻကအွီႏနဝ်ꩻ နေင်း။ ၅၅။ အရာႏစထင်ႏ ကတောင်တကြန်ႏလဲဉ်း၊ အွဉ်ႏတင်ႏအမဲ့ ကျွားလဲဉ်းထာꩻ။ ၅၆။ အရာႏတမွိုန်ႏ၊ အထွန်ႏတလီး။(လိုꩻပေႏဆလသီးဖုံႏ မဲဉ်အာကားမုဲင်ꩻအာ အဓိက ပဓာနအထျꩻအထောင်ꩻနောဝ်ꩻ လိုꩻတန်ဆꩻကီ တဖြာꩻလွုမ်ꩻ။) ၅၇။ အရာႏနဝ်ꩻ တခေါ့ꩻ၊ အယာႏနဝ်ꩻ ထော့ꩻ၊ အစော့ꩻနောဝ်ꩻ နေင်း။(အွီႏလွိုလဲဉ်းဝင်ꩻခရာႏ။) ၅၈။ အရေꩻတွိုႏမꩻ လွိုးတညိုႏ၊ အခြောင်ꩻတွိုႏမꩻ လွိုးသွိုန်းသင်း။ ၅၉။ အလောင်းလေဟွိုး အခူꩻခါႏ၊ အလောင်းသေႏချာႏ အကိုဖြေင်း၊ အကိုသေ့ꩻခေင်း အထန်ႏချော်ꩻ၊ အာႏရုံႏမက်မော်ꩻ ထာꩻတကုဲင်။ ၆၀။ အသိုတွမ်ႏအကုံႏ ထွားခူခူ။(ဒေါ့ꩻဖြောဝ်ႏငေါဝ်းငွါတွမ်ႏ ခွုမ်မာꩻထာꩻမာꩻနဝ်ꩻ အမာႏယံဖေႏကဆေ့ꩻနဝ်ꩻ ထွားခူခူ ကဉ်ꩻစာꩻရော့ꩻရော့ꩻထွူမꩻ ကွဲးဒေါ့ꩻဖြောဝ်ႏ၊ ကွဲးခွုမ်မာꩻလွေꩻသွော့နေား။) ၆၁။ အသက်ဉာဏ်ႏပွေါး၊ ဥစ္စာႏကံႏပွေါး။ ၆၂။ အသက်တရျာꩻတအုံဗာႏတဝ်းလဲ့ အမုꩻတရျာꩻ ခွဲးကျွုံႏ/တလူႏဗာႏ။ ၆၃။ အဟောဝ်ကျံႏ၊ အမန်ႏဒေါ့ꩻ၊ အရော့ꩻမာꩻ၊ တိုꩻတက်စီꩻပွါꩻ။ ၆၄။ အအေႏလဲဉ်လဲဉ်း နုဲင်းလူးဖွယ်ꩻ။ ၆၅။ အာလဲ့ အာယူးအိုဖွိုꩻဒျာႏထာာꩻ ခရာႏတလꩻတောဝ်း။(လိုꩻနောဝ်ꩻ အာလꩻသွꩻစွဉ်ႏဒျာႏနေနေလဲ့ ေဒါ့ꩻဖြောဝ်ႏ ခြွိုင်ပေါင်ခွုမ်မာꩻထာꩻ တကျင်ႏလျင်ႏလွတောဝ်း၊ တဒီဒါလွတောဝ်း။) ၆၆။ အာႏဆေ့ꩻ ထံႏအနာ၊ အာႏတလာ ထံႏအထျꩻ။(ခြွိုင်ပေါင်ခွုမ်မာꩻ အမုꩻကိစ္စအမျိုꩻမုဲင်ꩻတရိုꩻတဝ်း ဝတ္ထုပစ္စေꩻရွဉ်အဝ်ႏသားနဝ်ꩻ ထုက်ေထသွော့ ရမ်းအာအာနဝ်ꩻမꩻ အောင်ႏမျင်ႏလꩻယိုꩻယိုꩻသွူနေား။) ၆၇။ အာႏနာႏငါႏလဲ့ အာႏပါဒါႏ။ ၆၈။ အာႏနာႏတွော့ꩻ လွောက်ꩻလွဉ်ꩻ၊ တွမ်ႏထင်းမွော့ လိုꩻတငွဉ်ႏ။ ၆၉။ အာႏနောင်ꩻဗာႏဒျာႏယာႏ၊ အာႏနာႏဗာႏဒျာႏနမ်း။ ၇၀။ အာႏပေႏသား ထံႏအနာ၊ အာႏတလာသား ထံႏအထျꩻ။ ၇၁။ အာႏရဲင်ꩻဆေ့ꩻသား ထံႏအနာ၊ အာႏရဲင်ꩻတလာသား ထံႏအထျꩻ။ ၇၂။ အာႏရဲင်ꩻဆေ့ꩻသား ထွဉ်ႏထံႏတဝ်း အနာ၊ အာႏရဲင်ꩻတလာသား ထွဉ်ႏထံႏတောဝ်းအထျꩻ၊ အာႏလꩻတွမ်ႏအာႏပꩻ ယမဲ့ꩻအဒွိုဝင်ꩻ။ ၇၃။ အေႏတွတ်ꩻထဲ့ထီ ပေါ်ကီဆောင်းတဆင်ႏ၊ တုံခြီပြန်ႏ။ ၇၄။ အေႏတွတ်ꩻပေါ်ထီ၊ ညတောဝ်းခြီလီ။ ၇၅။ အေႏဗွို့ꩻစူနုံ တဒွေါ့ꩻခန်းတလꩻတောဝ်း။(ပိုလိꩻတဟဝ်တဝ်းလဲ့ ကထွာမွိုးဖါသီး တပဲႏပက်နွောင်ꩻကြွို့ꩻတဝ်း၊ ပဲႏပက်တလဲဉ်းနွောင်ꩻကြွို့ꩻတောဝ်း။) ၇၆။ အေႏလထွူမꩻ ထုမ်ႏထာꩻတို၊ ပိုလထွူမꩻ တဲင်ဖါႏ။ ၇၇။ အေႏလထွူမꩻ ထုမ်ႏထာꩻတို၊ ပိတ်ငကွံႏသူလဲ့ ကွဉ်ꩻတဗော့ꩻလဲဉ်း။(ကီယို ၂-ပွုတ် မွူးစောဝ်းစောဝ်း အခိန်ႏကအောဝ်ႏတွင်ꩻနောဝ်ꩻ တဝီးယတောင်ႏတာႏ ဝုဲင်းထားသေꩻခါꩻတဝ်းတဲင် အကျိုꩻယွုတ်ယွမ်ꩻထိုꩻ။) ၇၈။ အုဲင်ႏနုဲင်းဝင်ꩻဝါꩻ မဉ်လꩻဒျာႏအစွိုး နုဲင်းဆျာမွူးရွုမ်ꩻ။(ပါꩻမူꩻတဖြာꩻ ဆင်ႏဆင်ႏခွိုꩻခွိုꩻ တောႏလမ်းထာꩻခရာႏ။) ၇၉။ အင်းရေႏတွိုင်ꩻ တစပ်တောဝ်း၊ ချင်းရေႏတွိုင်ꩻ တကပ်တောဝ်း။ ၈၀။ အံႏစွဉ်ႏတသာႏနွိုး မဲဉ်သီသီ၊ အံႏစွဉ်ႏဖိုးနဲဉ်းထီ မဲဉ်ဝွစ်ဝွစ်။ ၈၁။ အံႏတန်တန် ထွာအေႏ၊ အံႏပေႏပေႏ ထွာဖဲဉ်ႏ၊ အံႏမဲဉ်ႏမဲဉ်ႏ ထွာတသီႏ။(အံႏမဲဉ်ႏမဲဉ်ႏ ထွာအာႏ၊ အံႏမဲဉ်ႏမဲဉ်ႏ ထွာသွီႏယာႏ။) ၈၂။ အံႏထတိုႏ ဖြောင်းဒူ၊ အံႏထခူ ဖြောင်းခါႏ၊ တအွီႏထွꩻတဝ်း ဗေယွဉ်ꩻလာႏ။ ၈၃။ အံႏထွူ ထွိုင်ႏမာꩻထာꩻမာꩻ၊ ဗေင်ႏထွူ ထွိုင်ႏကျိုꩻစာꩻ။ ၈၄။ အံႏထွူဗေင်ႏ၊ ဗေင်ႏထွူအံႏ စောင်းအီႏထင်ႏ။ ၈၅။ အံႏထွူအေႏ၊ အေႏထွူအံႏ၊ အံႏချာငါအအေႏလဲ့ တလွုမ်းတဝ်း။ ၈၆။ အံႏထွဉ်ႏရဝ်းပါꩻပိုလဲ့ လို့ဗာႏကတွမ်ႏအပြီꩻ၊ အံႏထွဉ်ႏရဝ်းပါꩻလီꩻလဲ့ လို့ဗာႏကတွမ်ႏအခꩻ၊ တထွꩻတောဝ်းဒျာႏ နီပိုလွꩻ။ ၈၇။ အံႏဒဲဉ်ဆော့ လို့အာဟန်ႏအို၊ နေးလိုꩻမူႏပိုသား လို့အာငေါဝ်း။ ၈၈။ အံႏဒဲဉ် ဆဲင်ဉာဏ်ႏ။ ၈၉။ အံႏပေႏပေႏ အံႏဗာႏသေႏ။ ၉၀။ အံႏဗော့ꩻမေႏ၊ အေႏသော့ꩻဖါႏ။(ထူႏနေးထွူဝင်ꩻထာꩻ၊ အံႏထွူဝင်ꩻဒဲဉ်လဲ့ တသေတဝ်းဝင်ꩻကေꩻဇူꩻ၊ ကေꩻဇူꩻမဲ့ꩻချာဝင်ꩻဗွေႏ၊ လိုꩻတသေတောဝ်းဝင်ꩻကေꩻဇူꩻ။) ၉၁။ အံႏယို့ယာႏ တွမ်ႏထွားမွော့ယို့မဲ့။(အံႏယို့ယာႏ ပွေါ့ꩻထွားစဲင်းချာ ယို့မဲ့နဝ်ꩻ ထီႏသညင်ꩻတဲင် အံႏမျောႏတလဲဉ်းလꩻတဝ်း၊ မာꩻထာꩻမာꩻတမျိုꩻမျိုꩻယို ပေါ်ꩻငဲ့ညာႏချာငါ ယူႏစွုမ်ႏလွဉ်ꩻငါႏထာꩻလဲ့ အောင်ႏမျင်ႏလꩻတောဝ်း။) ၉၂။ အံႏရီးလ၊ အံႏမဆုဲင်ꩻ။ ၉၃။ အံႏလိုꩻ ထိုꩻထွီႏ။ ၉၄။ အံႏလမ်းကီ လဲႏလမ်းခိုႏ။(လမ်းသား လွူးသွူတွမ်ႏဒဲဉ်လဲ့ လဲႏချာ ဒေါ့ꩻရီချာ ဝင်ꩻပိုမူႏ။) ၉၅။ အံႏလွဉ်ꩻငါႏလဲ့ ဝင်ꩻဟဲ့ꩻ"လိုꩻနီးနွာ"၊ အံႏတောဝ်းငါႏလဲ့ ဝင်ꩻဟဲ့ꩻ"လိုꩻသွိုန်းသင်း"။ ၉၆။ အံႏအတွိုင်ꩻ မီႏအွီႏ၊ ထွာသွီႏယာႏ ပြွောင်ႏတန်ဗာႏ။ ၉၇။ အံႏအအွီႏလဲ့ အံႏပီပီ၊ အံႏအတရီလဲ့ အံႏနုဲင်းနုဲင်း။(ထီꩻသင်ꩻညီႏညွတ်နွောင်ꩻစွိုꩻ တဖြတ်ꩻတဖြယ်တဝ်းလွဝင်ꩻခရာႏ။) ၉၈။ အံႏအာအာ ထွာအေႏ၊ အံႏပေႏပေႏ ထွာဖဲဉ်ႏ၊ အံႏမဲဉ်ႏမဲဉ်ႏ ထွာတသီႏ။(ထွာအာႏ၊ ထွာသွီႏယာႏ။) ၉၉။ အောဝ်ႏကြန်ႏကြော့ꩻဒျာႏနုဲင်းဖီး၊ အောဝ်ႏငလီꩻဒျာႏနုဲင်းဒေႏ။(အွꩻအံႏကွဉ်ကꩻ အုံအောဝ်ႏသွုံꩻဆော ၁၀၀။ အောဝ်ႏခေါဝ်မုဲင်ꩻေပါႏ၊ အောဝ်ႏကောႏမုဲင်ꩻလွဉ်၊ အဝ်ႏဖဲ့ꩻမုဲင်ꩻဖြွဉ်။ ၁၀၁။ အောဝ်ႏညာꩻကော့ꩻ၊ အောဝ်ႏဗော့ꩻစင်ꩻ။(တဖူးဝေး မဉ်ႏအုံညီꩻ အောဝ်ႏဗော့ꩻလွဝင်ꩻခါ ရွို့ꩻရန်ႏထေင်ညင်ꩻလွဝင်ꩻ၊ မဉ်ႏဖြတ်ꩻဖ အဝ်ႏညာꩻယန်လွဝင်ꩻခါ ယူႏလꩻသေနန်းလွဝင်ꩻ။) ၁၀၂။ အောဝ်ႏထီႏသွူဆင်နမ်း အောဝ်ႏထုမ်ႏက ဆင်ခင်ႏခြောင်ꩻ။(မော့ꩻသွူအနမ်းလဲ့ အောဝ်ႏထုမ်ႏရီဒွိုန်းက အမဉ်ꩻအသတင်ꩻ။) ၁၀၃။ အောဝ်ႏထံေြဖာင်းကို ထံထေ၊ အောဝ်ႏကေဖြောင်းကို ကေလာꩻ။ ၁၀၄။ အဝ်ႏဒျာႏတွိုင်ꩻတွိုင်ꩻ နုဲင်းယာဖွိုင်ꩻ၊ အဝ်ႏဒျာႏလီꩻလီꩻ နုဲင်းလေက်ꩻစီꩻ။ ၁၀၅။ အဝ်ႏပေႏခါ မွိုးဖါမောင်ꩻအတန်၊ ထွိုင်ႏတန်ထွူ မွိုးဖါမောင်ꩻအသီ၊ လိုꩻစားနောဝ်ꩻ လိုꩻကျင်ꩻဖွီ။ ၁၀၆။ အဝ်ႏပြာႏဆုဲင်ꩻလား၊ အဝ်ႏြဖားချိန်ႏလွဉ်ꩻ။ ၁၀၇။ အောဝ်ႏဗော့ꩻထီ အံႏမထီ။(အောဝ်ႏဗော့ꩻသွူအနမ်းလဲ့ ကွပ်ပွိုးတသောင်ႏသာ ဝီရိယတောဝ်းတဲင် တစံႏစာꩻသွုံꩻဆောင်ႏဗာႏတောဝ်း။) ၁၀၈။ အဝ်ႏဗော့ꩻထီအုံႏ အွꩻထီအုံႏ၊ အဝ်ႏဗော့ꩻထီခြောင် အွꩻထီခြောင်။(အုံအ၀်ႏအရပ်မုဲင်ꩻတဲ့သင် ထွားနုဲင်းထွားဗုဲႏဗဲင်းသွော့ဝင်ꩻ၊ ေလွာက်ꩻစူႏꩻသွော့ ဝင်ꩻထွုံꩻစံႏဓလေ့ꩻ။) ၁၀၉။ အောဝ်ႏလဲ့ အူႏအလေန်ꩻ။ ကေန်ꩻလဲ့ အး ၁၁၀။ အောဝ်ႏလဲ့ အူႏလေန်ꩻ၊ ကေန်ꩻလဲ့ အူႏပတ်။(ပစ္စေꩻဥစ္စာႏအဝ်ႏလဲ့ နန်းခီဗာႏ၊ တအဲဉ်ထဝ်းလဲ့ နန်းခီဗာႏ၊ တသက်သာႏတောဝ်း။) ၁၁၁။ အောဝ်ႏလိုႏခံꩻ ခြေင်းလွဉ်ꩻခံꩻ၊ အောဝ်ႏလိုႏရွဉ် ခြေင်းလွဉ်ꩻရွဉ်၊ အဝ်ႏလိုႏပညာႏ ခြေင်းလွဉ်ꩻပညာႏ။ ၁၁၂။ အေင်ဟတ်ꩻလဲဉ်းခဲဉ်ႏ။(လိုꩻပေႏလိုꩻဆား သေလဲဉ်းဒါႏလဲဉ်း လွိုပြဲဉ်လဲဉ်း လိုꩻဖြားလိုꩻတန်။) ၁၁၃။ အဲဉ်ထဝ်းကော့ꩻကွီ-အဝ်ႏနန်းခီ။ ၁၁၄။ အဲဉ်ထဝ်းလဲ့နန်း-အဝ်ႏလဲ့နန်း။ ၁၁၅။ အွဉ်ႏကုဲင်ဝါꩻတဖြာꩻ ဟဲ့ꩻမဲးရင်း၊ အွဉ်ႏကုဲင်ဝါꩻနီဖြာꩻ ဟဲ့ꩻမဲးရဲင်း၊ မီႏအွဉ်ႏကုဲင်ထဲင်းထဲင်း ဟဲ့ꩻမဲးကွင်။ ၁၁၆။ အွဉ်ငွိုးထာꩻလဲ့ကျ၊ အွဉ်ႏငထာꩻလဲ့ဒါႏ၊ အွဉ်ႏမာႏယာႏထာꩻလဲ့ယံ။ ၁၁၇။ အွဉ်ႏနယ်တွမ်ႏရွဉ်ခံꩻ၊ အွဉ်ႏနယ်တွမ်ႏနန်ꩻတောႏ။ ၁၁၈။ အွဉ်ႏနယ်ဗော့ꩻဗော့ꩻ၊ အွဉ်ႏဒေါ့ꩻဖေႏတွိုက်တွိုက်။ ၁၁၉။ အွဉ်ႏဗဉ်းယို့ꩻ-လို့ꩻဗဉ်ႏတောဝ်း။ ၁၂၀။ အွဉ်ႏမွိုန်းမာႏန ချꩻလင်ꩻဗဲင်း၊ လွိုကဲꩻထဲင်းနာꩻ အောဝ်ႏပြုံႏပြင်ႏ။ ၁၂၁။ အွဉ်ႏလွတ်နုဲင်းဒဲဉ်ပွယ်ꩻ၊ အွဉ်ႏတွဲꩻနုဲင်းဒဲဉ်ပုံ။ ၁၂၂။ အွဉ်ႏသိမ်ꩻနုဲင်းသဲင်လောဝ်၊ အွဉ်ႏဟောဝ်နုဲင်းခံꩻဖွိုင်ꩻ။ ၁၂၃။ အွဉ်ႏသွောင်းအခန်၊ အွဉ်ႏတန်အငိုꩻ၊ ထာꩻအာႏကွိုꩻသꩻဆွော့ꩻအောဝ်ႏလဲဉ်း။ ၁၂၄။ အွဉ်ႏအွိုးတခါꩻစဲင်ႏ နုဲင်းဝေါက်၊ အွဉ်ႏအွိုးတခါꩻစောက် နုဲင်းနံႏ။ ၁၂၅။ အုံကွူꩻထွူသေင်ႏဟေ့ꩻ ဗျာႏထိုꩻေသင်ႏပင်။(အုံကွူꩻသွူလိုꩻတန် သဲ့ꩻသားချာလိုꩻတန်။) ၁၂၆။ အုံခံနုတ်ꩻငါႏမွိုန်းထာꩻ ခင်ႏလမ်းကေန်ꩻခြောကို၊ ယိုꩻရာꩻ လိုႏထုမ်ႏအုံ။ ၁၂၇။ အုံညီꩻစဉ်ႏသား ထွာစဉ်ႏသား၊ အုံညီꩻဒေါဝ်သား ထွာဒေါဝ်သား။ ၁၂၈။ အုံတဒွေႏတဝ်း ဆွေႏကိပ်ꩻ။(အီႏ(မီႏ)အုံစွူစွူနောဝ်ꩻ ဟောဝ်ထဲင်းက၊ ထွိုင်ႏမာꩻထာꩻမာꩻတွော့ꩻ တရော့ꩻတောဝ်း မာႏထိုꩻ။) ၁၂၉။ အုံတန်ထာꩻ ယတဲင်နုံꩻထန်ႏတလား၊ အုံြဖားထာꩻယတဲင် နုံꩻထန်ႏတကိမ်ꩻ။ ၁၃၀။ အုံထွိုင်ႏချင်ꩻ အုံလင်ꩻနုဲင်ႏ။ (သွိုန်ႏသꩻသꩻဖော်ꩻ ဗွိုန်ပီမီႏမျညီႏညွတ်နွောင်ꩻစွိုꩻလွဝင်ꩻ။) ၁၃၁။ အုံဒွိုန်းကဟုဲင်း ထာꩻပုံꩻကို၊ မူဒွိုန်းကဟုဲင်း ဖိုးနုံꩻထို။(တယဝ်းဝွေꩻလုဲင်း ယိုတလဲင်ႏ ခံႏသွုမ်ꩻဗာႏဝွေꩻလဲ့ ဆုဲင်ꩻတလဲင်ႏမဲ့ꩻ အောင်ႏနွောင်ꩻဗာႏရင်ꩻမတောဝ် ဒေါ့ꩻခြွိုင်ꩻငေါဝ်း။) ၁၃၂။ အုံပွေါးထွားယဲက် မူႏနံꩻစဲစ် ကွဲးဆေ့ꩻဆေ့ꩻ၊ အဆုဲင်ꩻသွတ်ꩻနောတ်ꩻ လꩻတေားစွဉ်ႏအတဝေ့ꩻ။ ၁၃၃။ အုံယေန်ထာꩻ ထွာဒါႏသေ့ꩻ၊ အုံတေ့ꩻထာꩻ ထွာဒါႏထွိုင်း။ ၁၃၄။ အုံရောဝ်းသွီႏ အုံရောဝ်းယာႏ၊ အုံညီꩻထာꩻဆာ အောဝ်ႏညီꩻထာꩻသီ။(အီႏသီ အီႏဆာစွော့ꩻမုဲင်ꩻခါ ပါꩻမုဲင်ꩻတသေရီးတဝ်းတဲင် မာႏနတလိုႏထွိုင်ႏတောဝ်း၊ ဒီဟောဝ်မာꩻကုဲင်းကုဲင်းမွိုင်မွိုင် ကုသိုလ်ႏအမျိုꩻမျိုꩻ။) ၁၃၅။ အုံသူႏအောဝ်ႏနွေႏဒျာႏထာꩻ ခရာႏတလꩻတောဝ်း။(ဒါႏနသီႏလ ဘာႏဝနာႏ ကုသိုလ်ႏတန်(၃)မျိုꩻယို တမျိုꩻမျိုꩻလဲ့ တလꩻတဝ်း၊ တထွာတောဝ်း၊ တမာꩻတဝ်း အခိန်ႏသွုမ်ꩻပျင်ႏခြေင်။) ၁၃၆။ အွံထီ ပေ့ꩻလꩻလꩻသွော့ဖြောင်း။[၁][၂][၃]