အကျင်ꩻသီႏလမဉ်ႏဟောဝ်လွ

အဝ်ႏ ဝီခီပီးဒီးယား ကို

"သီလသုတ် (အကျင်ꩻသီႏလ မဉ်ႏဟောဝ်လွ)" ရဟန်ꩻသီးဖုံႏဟွေး- ၁။ သမ္ပန္နသီလာ ဝိဟရထ- အုံသွော့တွမ်ႏသီႏလနော ၂။ သမ္ပန္နပါတိမောက္ခော- လွောက်ꩻနာႏသွော့ ပါတိမောက်နော ၃။ ပါတိမောက္ခ သံဝရ သံဝုတာ- ခံႏကုဲင်မွုန်း ပါတိမောက်နော ၄။ အာစာရ ဂေါစရသမ္ပန္နာ- မာꩻဟောဝ်ဟောဝ်အကျင်ꩻ၊ လွေꩻအပဲ့စ်ကင်ꩻကင်ꩻနော ၅။ အဏုမတ္တေသု ဝဇ္ဇေသု ဘယဒဿာဝိနော- အပဲ့စ်တတွာထာꩻအီႏ-ထီႏတောသွော့ ဘေꩻရန်ႏအတန်စားနော ၆။ သမာဒါယ သိက္ခာပဒေသု- အုံလွဉ်ꩻသွော့ သိက္ခာႏပုဒ်အတွိုင်ꩻနော ရဟန်ꩻသီးဖုံႏဟွေး- အုံလွဉ်ꩻအချက် နဝ်ꩻသူချက်ထွူတွော့ꩻ အီႏသွုပ်ကီဗာႏထဲင်း နုဲင်းမုဲင်ꩻနဲတဲင် ရဟန်ꩻတပါꩻပါꩻနဝ်ꩻ အဝ်ႏလွေꩻတွင်ꩻ တရိုꩻတဝ်း၊ အဝ်ႏအုံထွိုင်ႏတွင်ꩻ တရိုꩻတဝ်း၊ အဝ်ႏအုံလင်ꩻတွင်ꩻ တရိုꩻတဝ်း၊ အဝ်ႏကိန်ꩻတလွာꩻတွင်ꩻ တရိုꩻတဝ်း အဘိဇ္ဈာ၊ ဗျာပါဒ၊ ထိနမိဒ္ဓ၊ ဥဒ္ဓစ္စ၊ ကုက္ကုစ္စ၊ ဝိစိကိစ္ဆာႏ-အကုသိုလ်ႏတရာꩻဖုံႏယို မဉ်ႏထွာလွဉ်သꩻကိုနဝ်ꩻ နေးတွမ်ႏသတိꩻဟောဝ်ဟောဝ် မဉ်ႏပယ်ႏထိုꩻကုဲင်းကုဲင်းနဝ်ꩻ နမ်းတဲ့ချမ်ꩻသာႏ၊ သꩻတဲ့ချမ်ꩻသာႏ၊ သꩻတဲ့စွူ၊ ရဟန်ꩻအပါꩻနဝ်ꩻနဝ်ꩻ သꩻဝꩻအကုသိုလ်ႏ၊ 'မဉ်လꩻမဂ်ဖိုလ်ႏ ကျိုꩻစာꩻမွေး၊ ရဟန်ꩻနဝ်ꩻ ယံကျငါႏ'အံႏဖြာႏရိုꩻဗာႏ နုဲင်းနောဝ်ꩻသွူ။ ၁။ 'အဘိဇ္ဈာႏ'ကရိုꩻနဝ်ꩻ - မဉ်လꩻဝင်ꩻတခြိုꩻ၊ လောႏဘꩻမျိုꩻ ၂။ 'ဗျာပါဒ'ကရိုꩻနဝ်ꩻ - ကျံႏတကုဲင်ဝင်ꩻ၊ ဒေါႏသꩻမျိုꩻ ၃။ 'ထိန'ကရိုꩻနဝ်ꩻ - သꩻထွူႏဆွို့၊ မဉ်ရုဲင်ꩻတဝ်းထာꩻ ၄။ 'မိဒ္ဓ'ကရိုꩻနဝ်ꩻ - တခေင်ꩻထာꩻ၊ လွꩻလေႏတန် ၅။ 'ဥဒ္ဓစ္စ'ကရိုꩻနဝ်ꩻ - သꩻလော်လယ်၊ သꩻစွူတဝ်း ၆။ 'ကုက္ကုစ္စ'ကရိုꩻနဝ်ꩻ - ဟွူန်မာႏချာ၊ လꩻနောင်ႏတ ၇။ 'ဝိစိကိစ္ဆာႏ'ကရိုꩻနဝ်ꩻ - ဘုရာꩻမွေးဟောင်းနဲး မွေးတဝ်းဟောင်းနဲး-စတဲင် ထာꩻယူႏမာႏ သံႏသယ၊ နဝ်ꩻဖုံႏနွုတ်ꩻမျိုꩻနဝ်ꩻ အကုသိုလ်ႏ(စေတသိက်)ဖုံႏဒျာႏသွူ။ ၁။ စရတော ဘိက္ခုနော ဝိဂတော ဟောတိ- သီအဝ်ႏလွေꩻတွင်ꩻ အကုသိုလ်ႏနဝ်ꩻနွုတ်ꩻပါꩻ ပယ်ႏညာꩻညာꩻနော။ ၂။ ဌိတဿ ဘိက္ခုနော ဝိဂတော ဟောတိ သီအဝ်ႏအုံထွိုင်ႏတွင်ꩻ အကုသိုလ်ႏနဝ်ꩻနွုတ်ꩻပါꩻ ပယ်ႏညာꩻညာꩻနော။ ၃။ နိသိန္နဿ ဘိက္ခုနော ဝိဂတော ဟောတိ- သီအဝ်ႏအုံလင်ꩻတွင်ꩻ အကုသိုလ်ႏနဝ်ꩻနွုတ်ꩻပါꩻ ပယ်ႏညာꩻညာꩻနော။ ၄။ သယာနဿ ဘိက္ခုနော ဝိဂတော ဟောတိ- သီအဝ်ႏကိန်ꩻတလွာꩻတွင်ꩻ အကုသိုလ်ႏနဝ်ꩻနွုတ်ꩻပါꩻ ပယ်ႏညာꩻညာꩻနော။ ရဟန်ꩻသီးဖုံႏဟွေး- 'လွေꩻ၊ ထွိုင်ႏ၊ အုံ၊ ကိန်ꩻ'ဣရိယာႏပုထ်လစ်ꩻပါꩻကို ပေါႏသီထိန်ꩻလꩻလꩻ၊ ပေါႏသီပယ်ႏလꩻလꩻထိုꩻ အကုသိုလ်ႏမျိုꩻ နွုတ်ꩻဗာႏဖုံႏနဝ်ꩻ နမ်းတဲ့အုံဗာႏ သာႏသာႏယာႏယာႏ၊ သꩻတဲ့ရျူႏသျူး ခွꩻကဒဲ့ꩻချမ်ꩻသာႏ ရိုꩻဗာႏရဟန်ꩻယံ ရဟန်ꩻကျနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သီလသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၂၃)