အကျိုꩻယံမဲတ် ထွာလိုꩻစဲတ်

အကျိုꩻယံမဲတ် ထွာလိုꩻစဲတ်

လိုꩻတောမ်ႏ တိရစ္ဆာန်ႏနဝ်ꩻ ဘဝဇာတ်ရဲန်ႏ ပီပီဝင်ꩻ။ "လွူးဖွာꩻလွောန်၊ သီလွေꩻချာယင်း"။ လိုꩻလဲ့ နုဲးနဝ်ꩻ၊ တိရစ္ဆာန်ႏလဲ့ နုဲးနဝ်ꩻနေနေ။

ကွဲႏတွော့ꩻ ဘဝမူန်ဗန်နဝ်ꩻ တပီတဝ်းဝင်ꩻ။

လိုꩻနဝ်ꩻ သေအဟဝ်+အကုဲ။ 

တိရစ္ဆာန်ႏနဝ်ꩻ သေတဝ်း အဟဝ်+အကုဲ။

ပွိုးတမုဲꩻ? ကောပ်ထာꩻချင်းခေႏမုꩻ အဲန်ထဝ်း။

နဝ်ꩻမꩻ ထွာသွူလိုꩻ ထာꩻချင်းခေႏမုꩻ မီဉ်ႏတအဲန်ထဝ်းနဝ်ꩻ ဟဲ့ꩻဗာႏ "လိုꩻတိရစ္ဆာန်ႏ"နဝ်ꩻသွူ။

လိုꩻနဝ်ꩻ ထာꩻဝင်ꩻသꩻ၊ ထာꩻငမ်း အဝ်ႏ။ တိရစ္ဆာန်ႏနဝ်ꩻ ထာꩻဝင်ꩻသꩻ၊ ထာꩻငမ်း အဲန်ထဝ်း။

ပွိုးတမုဲꩻ? ကောပ် လောကပါလတရာꩻ အဲန်ထဝ်း။

နဝ်ꩻမꩻ ထွာလိုꩻထွူ လောကပါလတရာꩻ မီဉ်ႏတအဲန်ထဝ်းနဝ်ꩻ ဟဲ့ꩻဗာႏ "လိုꩻတိရစ္ဆာန်ႏ"နဝ်ꩻသွူ။

လိုꩻနဝ်ꩻ သေဒျာႏ ဝင်ꩻတာႏနမ်းတာႏ။ တိရစ္ဆာန်ႏနဝ်ꩻ သေတဝ်း ဝင်ꩻတာႏနမ်းတာႏ။

ပွိုးတမုဲꩻ? သꩻထာꩻစာႏနာႏချာနမ်း အဲန်ထဝ်း။

နဝ်ꩻမꩻ ထွာလိုꩻထွူ သꩻစာႏနာႏချာနမ်း မီဉ်ႏတအဲန်ထဝ်းနဝ်ꩻ ဟဲ့ꩻဗာႏ "လိုꩻတိရစ္ဆာန်ႏ"နဝ်ꩻသွူ။

သဲင်ꩻထွာလိုꩻ အကျိုꩻယံကအဝ်ႏတာႏ အဝ်ႏလိုႏကံကျင်ꩻငါႏ နုဲးလိုꩻ။ ကံကျင်ꩻနုဲးလိုꩻမꩻ ထွာလိုꩻဆꩻ၊ လိုꩻစဲတ်။

ထွာလိုꩻဆꩻ၊ လိုꩻစဲတ်မꩻ ဘဝအဆင်ႏရန်း အီႏထင်ႏထိုမွေးတဝ်းနဲ့။

သုခိတာ ဟောထ၊ ဒုက္ခာ မုစ္စထ။