အထွုံꩻစံႏလꩻမဂ်မွေး'မွေးတဝ်း
"သမ္ပတ္တနိယာမသုတ် (အထွုံꩻစံႏ လꩻမဂ်မွေးတဝ်းငတ်ꩻမျိုꩻ၊ အထွုံꩻစံႏ လꩻမဂ်ငတ်ꩻမျိုꩻ)" ရဟန်ꩻသီးဖုံႏဟွေး- ပါꩻမုဲင်ꩻတဲ့ယဝ်း ပေါႏစူꩻအချက်ငတ်ꩻချက်ယိုနဝ်ꩻ တလꩻနွောင်ꩻတဝ်း အရိယာႏမဂ်၊ ငတ်ꩻချက်ကရိုꩻနဝ်ꩻ- ၁။ ကထံ ပရိဘောတိ- 'အံႏသွင်ꩻတဝ်းတရာꩻ၊ ထီႏဖွီတရာꩻ၊ တရာꩻထမုဲင်ꩻတန်နဝ်ꩻ'ရိုꩻနုဲင်းနောဝ်ꩻ၊ လိုꩻပေါႏထီႏဖွီတရာꩻနုဲင်းနဝ်ꩻနဝ်ꩻ နာႏစွဉ်ႏသူႏတောႏကောင်ꩻ တရာꩻတဲ့ယဝ်း ထွုံႏစံႏအတွိုင်ꩻ သေႏချာႏ အီႏလꩻအရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။ ၂။ ကထိကံ ပရိဘောတိ- 'အံႏသွင်ꩻတဝ်းဟော်ꩻတရာꩻသား၊ ထီႏဖွီဟော်ꩻတရာꩻသား၊ အဒါႏကဲထမုဲင်ꩻတန်နဝ်ꩻ'ရိုꩻနုဲင်းနဝ်ꩻ၊ လိုꩻပေါႏထီႏဖွီ ဟော်ꩻတရာꩻသားနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။ ၃။ အတ္တာနံ ပရိဘောတိ- 'ထီႏဖွီချာအနမ်း'၊ လိုꩻနုဲင်းခွေယို တသေနာႏနွောင်ꩻတဝ်းတရာꩻ'ရိုꩻနုဲင်းနဝ်ꩻ၊ လိုꩻပေါႏထီႏဖွီချာ အနမ်းနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။ ၄။ ဝိက္ခိတ္တစိတ္တော- နာႏတရာꩻသꩻစွူတဝ်း၊ ယူႏမွိုင်းတောဒျာႏအလင်၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။ ၅။ အယောနိသော မနသိကာရော- နာႏတရာꩻတဲ့ တရာꩻနဝ်ꩻ တလဲဉ်းသော့ꩻတဝ်းသꩻကို၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ တထွာတဝ်း၊ တထွိုက်တန်ႏတောဝ်းနောဝ်ꩻသွူ။ ရဟန်ꩻသီးဖုံႏဟွေး- ၁။ န ကထံ ပရိဘောတိ- ထီႏဖွီတဝ်းတရာꩻ (ယွုမ်းအံႏဒျာႏတရာꩻ)၊ ပေါႏထီႏဖွီတဝ်းတရာꩻ နုဲင်းနဝ်ꩻနဝ်ꩻ သေႏချာႏအီႏ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။ ၂။ န ကထိကံ ပရိဘောတိ- ထီႏဖွီတဝ်း ဟော်ꩻတရာꩻသား၊ ပေါႏထီႏဖွီတဝ်း ဟော်ꩻတရာꩻသားနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။ ၃။ န အတ္တာနံ ပရိဘောတိ-ထီႏဖွီချာတဝ်းနမ်း (ယွုမ်းအံႏဒျာႏနမ်း) ပေါႏထီႏဖွိချာတဝ်းနမ်းနောဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။ ၄။ အဝိက္ခိတ္တစိတ္တော- နာႏတရာꩻ သꩻစွူ၊ ယူႏတဝ်းအလင်၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ၊ အရိယာႏမဂ်တာႏ ထွာနွောင်ꩻဒျာႏ၊ ထွိုက်တန်ႏဒျာႏနောဝ်ꩻသွူ။ ၅။ ယောနိသော မနသိကာရော- နာႏတရာꩻနဝ်ꩻ တရာꩻလဲဉ်းသော့ꩻသꩻကို၊ ပေါႏထွာနုဲင်းနဝ်ꩻနဝ်ꩻ သေႏချာႏအီႏလꩻ အရိယာႏမဂ်တာႏ ထွာနွောင်ꩻဒျာႏ ထွိုက်တန်ႏဒျာႏနောဝ်ꩻသွူ။ လိုꩻပေါႏဗွေတွမ်ႏအ ချက်ယိုငတ်ꩻချက်နဝ်ꩻ နာႏဗာႏသူႏတောႏကောင်ꩻတရာꩻတဲင် ထွုံꩻစံႏအတွိုင်ꩻ သေႏချာႏအီႏလꩻ အရိယာႏမဂ်တာႏ ထွိုက်တန်ႏငါႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ သမ္မတ္တနိယာမသုတ်)[၁][၂]