အနုရုဒ္ဓါႏမထေရ်ႏ
"အနုရုဒ္ဓါႏမထေရ်ႏဝတ္ထု"
၉၃။ ဂါႏထာႏပြန်ႏပအိုဝ်ႏခြေင်ခြေင်- ပုဂ္ဂိုလ်ႏမုဲင်ꩻယဝ်းအတာႏ အာသဝေါလစ်ꩻပါꩻဖုံႏနောဝ်ꩻ လို့သေ့ꩻလဲဉ်းသွူ၊ အာဟာႏရလောင်းနဝ်ꩻတဲ့ တဏှာႏဒိဋ္ဌိ တစိꩻငါတဲ့ တဗွို့ꩻတဝ်း၊ သုညတဝိမောက္ခ နိဗ္ဗာန်ႏတဲ့နဝ်ꩻ၊ အနိမိတ္တဝိမောက္ခ နိဗ္ဗာန်ႏတဲ့နဝ်ꩻ ပုဂ္ဂိုလ်ႏနဝ်ꩻအတာႏ ထွာဒျာႏကျွꩻအံႏခရာႏ အာႏရွုံႏနဝ်ꩻသွူ၊ မို့ꩻလောင်းကီ ဝါးသီးခင်ႏခြောင်ꩻယို သေဗာႏတယိုꩻတဝ်း၊ နုဲင်းနဝ်ꩻနေနေ ရဟန္တာႏသီး ကွုတ်ဘွုံႏမုဲင်ꩻကျောင်ꩻ အခင်ႏခြောင်ꩻယို သေနွောင်ꩻဖြီႏဖြီႏ တထီႏနွောင်ꩻတဝ်းလာꩻလာꩻသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ 'အနုရုဒ္ဓါႏမထေရ်ႏဝတ္ထု'ယိုတဲင်-
၁။ အနုရုဒ္ဓါႏ အဝ်ႏဒျာႏအရင်ꩻ ဝင်ꩻသွမ်ꩻသဲ့ꩻ လွစ်တဝ်း၊
၂။ ထီႏမဲ့ဝွေႏဖန်ႏ နေးတွမ်ႏဉာဏ်ႏ သွမ်ꩻသဲ့ꩻဝင်ꩻနဝ်ꩻ ထွာဒါႏ အမာႏ၊
၃။ မာဟဝ်မာဒါႏ အမေတ္တာႏနဝ်ꩻ အဝ်ႏခါႏသွူ ကားမုဲင်ꩻပန်ပန်တဲ့ အဝ်ႏတန်စွူစွူဒျာႏသွူ၊
၄။ ရဟန္တာႏသီးသꩻနဝ်ꩻ အဝ်ႏဝွို့ခြꩻဒျာႏ နိဗ္ဗာန်ႏချမ်ꩻသာႏလွုမ်ꩻ-စတဲင်နုဲင်းနဝ်ꩻ သေထွꩻ လꩻဗဟုသုတ၊ လꩻအီသတိꩻအာတန်သွူ။[၁][၂][၃]