အပစာယန
ရိုႏသေႏပုဂ္ဂိုလ်ႏ အသက်ဂုဏ်ႏ ကတန်လဲဉ်းနီနဝ်ꩻ ဟဲ့ꩻ"အပစာယန"နောဝ်ꩻသွူ။ "ရိုႏသေႏ"ကရိုꩻနဝ်ꩻ- လွေꩻကျိုႏဆွုမ်ႏ၊ ထူႏဆွုမ်ႏဖေႏတခြိုꩻ၊ ခေါက်ဝုဲင်ႏရိုႏသေႏ၊ ဒါဖေႏအခင်ႏလမ်း၊ ဖုဲင်းဖေႏအခင်ႏလမ်း၊ ဖုဲင်းဖေႏ အတဖူꩻ၊ ဖြေ့ꩻတွမ်ႏဟူဖေါင်း၊ ဖြေ့ꩻတွမ်ႏကဝ်ႏ၊ ဖြစ်ꩻတွမ်ႏနံႏသာႏထီ၊ ဖြစ်ꩻတွမ်ႏနမ်းမန်ꩻဟွမ်-စတဲင် ရိုႏသေႏမုꩻ ကားကအဝ်ႏနဝ်ꩻ ထွာအပစာယနလွဉ်းလွဉ်းနောဝ်ꩻသွူ။ "အပစာယနတွက်တာႏ ငေါဝ်းလင်္ကာႏ" ၁။ မဉ်ႏခွဲလိုꩻကျောင်ꩻ၊ မတ်တောင်ꩻတောင်ꩻ၊ လွေꩻရောင်ꩻတွိုက်မွုန်းနော။ ၂။ လွေꩻကာႏဆꩻငါ၊ ကျင်ꩻရွိုင်ꩻပါ၊ မုဲင်ꩻခါမာꩻမွုန်းနော။ ၃။ မဉ်ႏထိုမ်းခင်ႏဖါႏ၊ ဗွောင်ႏထိုꩻဗာႏ၊ ဘာႏသာႏနီထုံꩻနော။ ၄။ မဉ်ႏခွဲဆရာႏ၊ ဗွောင်ႏခင်ႏဖါႏ၊ ဖေႏဗာႏ ရိုႏသေႏနော။ ၅။ အုံတဖူထျ၊ စူဝုဲင်ႏဝျ၊ ယံကျဟောဝ်ငါႏနော။ ၆။ ခွဲးဗွေႏဗွန်စင်ꩻ၊ တောင်ꩻတောင်ꩻဝင်ꩻ၊ အုံလင်ꩻဝုဲင်ႏသွော့နော။ ၇။ အုံလင်ꩻမဖုဲင်ႏ၊ အုံထွိုင်ႏလုဲင်ႏ၊ စူဝုဲင်ႏရိုႏသေႏနော။ ၈။ စူဝုဲင်ႏနီပင်၊ ဒင်ႏသꩻအင်၊ နောဝ်ꩻယင် ဒေါ့ꩻလဝ်းနော။ ၉။ "ခွေသွဉ်း-နီဗွေႏ"၊ ဒေါ့ꩻသေႏသေႏ၊ ယေန်ႏကေႏဟဝ်ငါႏနော။ ၁၀။ "ခွေခွေ-နာꩻနာꩻ"၊ ငေါဝ်းနဝ်ꩻရာꩻ၊ လာꩻလာꩻဒေါ့ꩻမွုန်းနော။[၁][၂]