အမာႏအဝ်ႏမꩻ ပျုပျင်ႏလꩻ

အဝ်ႏ ဝီခီပီးဒီးယား ကို

လောကကို ကထွာဒါႏ၊ ဓမ္မတာႏ အသဖော်ꩻ၊ လိုꩻမျိုꩻနော် ကအဝ်ႏအာ၊ အဝ်ႏပေႏခါ ပထမ၊ ကျိုꩻစာꩻလွ ဉာဏ်ႏပညာႏ၊ ဒုတိယအရွယ်ႏခါ ရွဉ်တောင်ꩻအာ ယံကလꩻ၊ တတိယအရွယ်ႏတွိုႏ၊ မီႏအုံခိုႏ တွမ်ႏတရာꩻ၊ ဗွေႏဘုရာꩻ မိန်းတောႏမူႏ၊ မတ်နေးထူႏ ခွေတွမ်ႏနာꩻ၊ လိုꩻမျိုꩻချာꩻ ဝင်ꩻလိုꩻအာ၊ ပညာႏခါ ထွာအထျꩻ၊ ဆုဲင်ꩻဆုဲင်ꩻမꩻ ထုမ်ႏရွမ်ခန်း၊ တဲႏထောင်ႏလမ်း အုဲႏပိုမာ၊ ပစ္စေꩻအာ ဉာဏ်ႏလဲ့လုဲး၊ သꩻလဲ့ရုဲး လွူးဝင်ꩻဒါႏ၊ သꩻချံꩻသာႏ ပျောႏသွင်ႏသွိုꩻ၊ ကထွာမွိုး ဗပိုမူႏ၊ အဝါꩻကူႏ ယွော့ပိုခို၊ မူႏတွမ်ႏခို တမာဝါꩻ၊ မာမဲ့ငါ ဝါꩻလဲ့ထွား၊ ဝါꩻမဲ့ငါ မာလဲ့ယဲက်၊ သင်ႏအဲက်အဲက် ငထေ့ဝင်ꩻ၊ ကပျောႏသွင်ႏ လိုꩻလောက၊ ကွပ်ဓန ပစ္စေꩻအာ၊ ပညာႏအာ အထျꩻနော၊ မျာꩻကူꩻကော မတ်ထဲင်းခြာ၊ ခိုပေႏခါ တဆီသွစ်ꩻ၊ မူႏနင်ꩻဒွစ်ꩻ ဆီသူနေင်ႏ၊ တောႏလမ်းချိန်ႏ သတ်မတ်သေꩻ၊ ဥပဒေႏ ကမ္ဘာႏလောင်း၊ မတ်တောင်ꩻင်ꩻနုဲးနဝ်ꩻသွူ။ ကွိုꩻငဝ်းတွူ မွေးတဝ်းဗာႏ၊ ပအိုဝ်ႏယာႏ နီနာꩻခွိုꩻ၊ ပညာႏမျိုꩻ သေနာႏဆေ့ꩻ၊ မဲ့နားပေ့ꩻ နုဲးတဝ်းဝင်ꩻ၊ လိုႏသွဉ်လင်ꩻ ဉာဏ်ႏပညာႏ၊ အချိန်ႏခါႏ နဝ်ꩻအတွင်ꩻ၊ မွိုးမူႏနင်ꩻ ဖါဗွေႏစဝ်း၊ အွဉ်ႏလွေꩻရဝ်း သွို့ꩻခြံကို၊ ပွိုဟံႏယို တွယ်ႏဟံႏလောင်ႏ၊ တခြာခြောင်ႏ ယူးဝါးခြာ၊ ပနားပါ ဖိုးတွမ်ႏသေ၊ မောင်ꩻထာꩻလေ တီလွဉ်ꩻဗာႏ၊ လောက်ꩻလေးရာႏ ဆဲင်တောင်းပွို၊ အံႏငအွို လဲႏခꩻဝါး၊ လꩻထာꩻသား မွိုးဟွုန်ရက်၊ ပိုအာႏတက် ဖါဖေႏအာႏ၊ အချိန်ႏခါႏ သွဉ်လိတ်လဲ့၊ ကကီးတဲ့ မသေနာႏ၊ အက္ခရာႏ မသေဗဲင်း၊ ယူႏစဲင်းင်း သꩻလဲင်ꩻဆာ၊ ပအိုဝ်ႏခါ နီသွီႏယာႏ၊ ဉာဏ်ႏပညာႏ သူႏပေ့ꩻခြေား၊ ယိုတဲ့နော တစားဒျာႏ၊ အခရာႏ လွဉ်နုဲးယို၊ ပအိုဝ်ႏကို အချင်ꩻချင်ꩻ၊ တောႏလမ်းဝင်ꩻ ဟဝ်ယူႏစွေး၊ ဆေ့ꩻငါႏမွေး ထာꩻသူႏသေ၊ အဝ်ႏပေႏနေ အသက်ရွယ်ႏ၊ လောကနဲႏ ပိုမာတာႏ၊ အီႏကျင်ꩻဗာာႏ ဝွတ္တရာꩻ၊ ထွာပိုဝါꩻ ပီနဝ်ꩻနေ၊ ယံကခြွေ ယံကခြာႏ၊ ယံအံႏဗာႏ ကွဉ်ကꩻတွက်၊ အိန်ႏထောင်ႏဖက် တမာဝါꩻ၊ ယံစီꩻပွာꩻ ယံချမ်ꩻသာႏ၊ မယူႏဒါႏ မကျမ်ႏဒါႏ၊ ကိလေႏသာႏ သꩻပူလီ၊ နမ်းလောင်းကီ သꩻရူႏရာႏ၊ အဖြားဆား မရွေꩻခေႏ၊ အတန်ပေႏ မရေႏတွက်၊ အုဲႏမပ်မပ် ထူႏစွဉ်ႏဒျာႏ၊ ကိလေႏသာႏ တဏှာႏရွိုး၊ သဲင်ꩻထေ့မွိုး သဲင်ꩻထေ့ဖါ၊ ပိုမူႏခါ မုဲးရင်းပေႏ၊ ပိုခိုပေႏ ပေါရင်းဆား၊ ယိုတစား နာႏလို့ဝင်ꩻ၊ ထွာပေါရင်း နီသွံပန်၊ သက်လဲ့တန် သွံလစ်ꩻဆီ၊ နမ်းလောင်းကီ ပီရူႏရာႏ၊ ယားကုဲဒျာႏ လိုꩻမူႏပေႏ၊ အုဲႏသေႏသေႏ တမွေးတဝ်း၊ အုဲႏဖြီးဖြဝ်း အုဲႏဆောင်းဒျာႏ၊ အွဉ်ႏကုဲပြာႏ ထုမ်ႏတေားတေား၊ လိုꩻမူႏနော နမ်းလောင်းခါ၊ ဟို့ꩻလဲ့ပါ ပိုပေႏဗ၊ ဗွူတဖျ ရွဉ်ကျပ်ဗီႏ၊ မမော့ꩻထီႏ ကေန်ꩻဒုက္ခ၊ လိုꩻခိုမွ ကနိစ္စက်၊ လိုꩻမျိုꩻတွက် မထင်ႏထို၊ ပစ္စေꩻယို မတိုꩻပွါꩻ၊ နီတွံႏနာꩻ လိုꩻမျိုꩻကို၊ မေတ္တာႏယို ဟဝ်အွဉ်ႏငါႏ၊ လိုꩻမျိုꩻဒျာႏ အချင်ꩻချင်ꩻ၊ ဟွုန်သညင်ꩻ သꩻနဝ်ꩻခါ၊ စောင်ꩻသျောက်ဗာႏ အမျိုꩻယို၊ နီလိုꩻခို တာႏဝွန်ႏဒျာႏ၊ ယံသေနာႏ လိတ်စောင်ႏကို၊ ပါစွုမ်ႏယို ဟော်ꩻသွော့ဝင်ꩻ၊ နိုꩻဆောႏလင်ꩻ တွမ်ႏသွꩻလုဲး၊ ဟော်ꩻကုဲင်းင်း ဝွေႏဖန်ႏသွော့၊ တဖေင်ꩻမွော့ မတ်နေးထူႏ၊ ခိုတွမ်ႏမူႏ နိလိုꩻမျိုꩻ၊ ယံထင်ႏထို ယံတိုꩻတက်၊ ဟွုန်ဟဝ်ရက် ကျမ်ႏဖန်ႏတဲမ်း၊ အမာႏမဲဉ်ႏ အဝ်ႏနီဗာႏ၊ ယံခွယ်ꩻချာꩻ နေးထူႏလွ၊ ထာꩻကေန်ꩻမွ ထွာအီဒါႏ၊ ဝေါင်းထိုꩻဗာႏ နုဲင်ႏထိုꩻညာꩻ၊ အဟဝ်စား လွိုက်ထူႏနော၊ မျာꩻကူꩻကော လိတ်ဟော်ꩻသားသီးယာဟွေး။[၁][၂][၃]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. အမာႏအဝ်ႏမꩻပျုပျင်ႏလꩻ
  2. စင်ꩻတန်ဓမ္မသာမိ
  3. ငဝ်းတယ်ႏအွဉ်