အဝ်ႏလိုႏချင်း ရဲးကမ်းနမ်း

အဝ်ႏ ဝီခီပီးဒီးယား ကို

ခေတ်ဟန်ႏသနီꩻ ခေတ်ပညာႏ၊ ခေတ်ထာꩻဒါႏပေါင်ꩻစွုမ်ႏ၊ ခေတ်အင်တာနက် ခေတ်သောက်သဲက်ခေတ်မျိုꩻစွုမ်ႏနောဝ်ꩻသွူ။ ပေါႏရိုꩻဖုန်း၊ အင်တာနက်ယို ပေႏပေႏတန်တန်အောဝ်ႏသွုံꩻလွလဲဉ်းဝင်ꩻစွုမ်ႏဖြာꩻဖြာꩻသွူ။ ယဖြာꩻဖြာꩻသွုံꩻဖုန်းတဲ့ သွုံꩻအဟောဝ်ဖဲ့ꩻအောဝ်ႏ၊ အကုဲင်ဖဲ့ꩻအောဝ်ႏနောဝ်ꩻသွူ။

အဟောဝ်ဖဲ့ꩻကရိုꩻနောဝ်ꩻ ထွုမ်ႏအီစီꩻပွါꩻရေꩻတဲ့အောဝ်ႏ၊ သွဉ်ထူႏပညာႏဗဟုသုတ အင်တာနက်လောင်းတဲ့အောဝ်ႏ၊ ယံကလꩻအီထာꩻသေတရာꩻတဲင် ထွုမ်ႏလွူꩻထွားဝင်ꩻကဒင်ႏလိတ်တဲ့အောဝ်ႏနောဝ်ꩻသွူ။ အကုဲင်ဖဲ့ꩻကရိုꩻနောဝ်ꩻ နမ်းကျိုꩻအတာႏတထွာအီတောဝ်း ခွုမ်ပဆိုးဂိမ်း၊ လိန်ႏလဲဉ်ဝင်ꩻရွဉ် ရိုꩻဒျာႏသွဉ်ဖေႏထာꩻယိုထာꩻနောဝ်ꩻ မာꩻကုဲင်အီဝင်ꩻမဉ်ꩻ၊ မာꩻလွင်ꩻအီဝင်ꩻပွုံႏဖုံႏနောဝ်ꩻသွူ။ ဖုန်း၊ အင်တာနက်ယို နီသွုံꩻမဉ်ႏဒါႏတဲ့ထွာလွဉ်၊ လꩻလွဉ်နမ်းအကျိုꩻ၊ ဝင်ꩻအကျိုꩻသွူ။ တထီႏထွꩻလွဉ်ꩻတောဝ်း လိုꩻသီးသꩻ၊ လိုꩻသီးအကျင်ꩻစာရိတ္တယို အင်တာနက်ခေတ်၊ ဖုန်းခေတ်စွဉ်ႏတဲ့ နမ်းတွမ်ႏနမ်း၊ အစွိုꩻတွမ်ႏအစွိုꩻအောဝ်ႏလိုႏချင်း လိုႏရဲးကမ်းငါႏ နမ်းဖုံႏသွူ။

အောင်ႏမျင်ႏတွိုင်ꩻတဲ့ ပျꩻငါႏမွိုန်းလိုင်းလောင်း၊ တရေꩻတွိုင်ꩻတဲ့ ဒင်ႏခွိုꩻငါႏမွိုန်းပွုံႏ၊ တွိုႏရာꩻအရပ်တဲ့ ဒင်ႏနယ်ငါႏမွိုန်းဝင်ꩻ၊ ရွဉ်အာတွိုင်ꩻတဲ့ ကျွားငါႏမွိုန်း တဖူးဝေးလမ်းကိုကိစ္စတဲ့ခြုဲင်းနယ်မွိုန်းအမျာႏ နီအသောင်အရင်ꩻ၊ နီအထျꩻယို ဝင်ꩻသꩻတကေႏတောဝ်းနီအောဝ်ႏ၊ ဝင်ꩻကလွꩻထီႏနီတဲ့အောဝ်ႏ ဝင်ꩻကမဲဉ်ယားကုဲင်နီအကျောင်ꩻခရာႏဖုံႏအောဝ်ႏနောဝ်ꩻသွူ။ ဥပမာႏ-နီဒင်ႏခွိုꩻနီပွုံႏတွော့ꩻ ဝင်ꩻတကေႏနပ်တောဝ်းနီအောဝ်ႏတဲင် ဝင်ꩻထူႏသွုံꩻသွူနီပွုံႏ ဝင်ꩻမဉ်ႏယားကုဲင်နီဘဝနီအကျောင်ꩻ နီတန်ႏဖိုꩻမွိုင် နီအီႏမာꩻဒွုမ်နုဲင်းမုဲင်ꩻ နီဘဝတန်ႏဖိုꩻယို လုဲင်ႏစွဉ်ႏတွမ်ႏတဒင်္ဂတဆင်ႏတာႏ ထာꩻပျော်ႏခရာႏနဲ့ အီႏတန်ႏနေဟောင်း။ ဖုန်း၊ အင်တာနက်လောင်းကီယို အောဝ်ႏလိုꩻဟောဝ်လွုမ်ꩻတမွေးတောဝ်း၊ လိုꩻကုဲင်ဖုံႏအောဝ်ႏအာတန်ကရိုꩻနောဝ်ꩻ လိုႏသေခါꩻငါႏသွူ။ ထီလိုꩻလွိုးတရေꩻ၊ ထီႏဝင်ꩻရွဉ်အာတဲ့ ယွုမ်းငါႏမွုန်း၊ ထောင်လွဉ်ꩻငါႏမွိုန်း ရွဉ်ဆချာ၊ အဆူႏနာႏဆချာ အကျိုꩻကုဲင်အာတန်ကရိုꩻနောဝ်ꩻ လိုႏသေခါꩻငါႏစွုမ်ႏဖြာꩻဖြာꩻသွူ။

ကွပ်နောဝ်ꩻမꩻ နမ်းကိစ္စ၊ နမ်းဘဝတရိုꩻတောဝ်း၊ အစွိုꩻထာꩻမာꩻအကျောင်ꩻခရာႏတရိုꩻတောဝ်း၊ လမ်းကိုကိစ္စဖုံႏယိုတဲ့တရိုꩻတောဝ်း ဒင်ႏပျꩻနယ်ငါႏမွိုန်း၊ ကျွားတဲးဝါးနယ်ငါႏမွိုန်း မဲ့ꩻနီဘဝတန်ႏဖိုꩻဖုံႏယို ထဲ့သွုမ်ꩻထိုꩻဒါႏနောဝ်ꩻသွူ။[၁]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ခွန်ဆန်ဗွေဟိတ်-ခမ်းတရျက်ꩻ