အသက်အာႏမခံႏ

ဘဝတသက်တာႏ အသက်အာႏမခံႏကရိုꩻနဝ်ꩻ ထေရောႏဖေႏခိန်ႏမုဲင်ꩻ

(၁) မဥ်ႏသီအကျိုꩻခံႏစာꩻခွင်ꩻ (Death Benefit) - မဥ်ႏသီနဝ်ꩻ ရွဥ်ယို ထေရောႏဖေႏလို့ (၂) မဥ်ႏထွာထိုꩻ ဒုက္ခိတတဲ့ ထေရောႏဖေႏလို့နေနေ

    အခေႏနုဲင်ႏမုဲင်ꩻနဝ်ꩻ ဟဲ့ꩻဒုက္ခိတ -ပွိုးအကျောင်ꩻတစွိုးစွိုး’တဲင် တဲႏစူခဲဥ်းဆွꩻစူမာꩻငါ စူနီပင်လွုမ်း တဒွေါ့ꩻထိုꩻဗာႏ ၊ တဲႏခင်ႏတူႏမာꩻငါ ခင်ႏနီပင်လွုမ်း တဒွေါ့ꩻထိုꩻဗာႏ၊  မဲ့နီဖြုံႏလွုမ်း 

ထီႏတဝ်း (တဝ်းလဲ့) မဲ့တပင်+စူတပင် သွုမ်ꩻထိုꩻ။ နဝ်ꩻထွူတကာႏတဝ်း ထွာထိုꩻ(ကိုမာ) ၊ ငန်ꩻဆွမ်ꩻတဲင် တသက်လွုမ်းဟဝ်ချာတဝ်းဒွုမ် အခေႏနေႏ မဥ်ႏအဝ်ႏ လိုꩻနုဲင်းနဝ်ꩻ အွဥ်ႏထွော့အခိန်ႏ အုံပွေါႏထွားတဲင် အွဥ်ႏထွော့လွေꩻဖေႏဒုက္ခိတ(Total Permanent Disability) တဲင် ထေဖေႏရွဥ်ယောႏနဝ်ꩻသွူ။

လိုꩻအသက်သီတဝ်းစွဥ်ႏတဲ့ ဘဝသီတဲင် နီနားဟွိုန်စု နဝ်ꩻ ထူႏရွဉ်အာႏမခံႏကို ကလꩻဒါႏ ရွဥ်ယောႏနဝ်ꩻ တဲင် သုတ်သင်ႏမာꩻဖေႏနီလꩻနဝ်ꩻသွူ။ ဗွိန်နုဲင်းနီခြွိုင်ႏသန်ꩻရေꩻအဝ်ႏဟဝ်ခိန်ႏ နီစွဲးကမ်းနွောင်ꩻ နီနားဟွိုန်စု နဝ်ꩻသွူ။

 (၃) မဥ်ႏထွာကင်ဆာတဲ့ ရောႏဖေႏဒျာႏ - ထွာသန်လဲဥ်း(တဝ်းလဲ့) ကင်ဆာအရွီး လယ်ႏလဲဥ်းထာႏ ဆရာႏဝွန်ႏလဲ့ ထောက်ခံႏလဲဥ်း မဥ်ႏသေႏချာႏနဝ်ꩻ ဥပမာႏ - ဒင်ႏသွင်ꩻအာႏမခံႏငိုꩻ(ကြေး) သိန်ႏပေါင်ꩻ (၁၀၀၀) သားနဝ်ꩻ ၂၅%ကထွာဒါႏ သိန်ႏ (၂၅၀)နဝ်ꩻထေကျိုꩻဖေႏနဝ်ꩻသွူ။ မဥ်ႏသီထိုꩻနဝ်ꩻတဲ့ ကအဝ်ႏကုဲင်ဒါႏ သိန်ႏ(၇၅၀)ဆီနဝ်ꩻ ထေဖေႏဒျာႏသွူ။

  (၄) လိုꩻတဆွဥ်းတဝ်းယာလိပ် မဥ်ႏသီထိုꩻနဝ်ꩻ ဒင်ႏသွင်ꩻအာႏမခံႏငိုꩻ(ကြေး) ၁၀%ယို နားဟွိုန်စုအတာႏ အွဥ်ႏကုဲင်လွိုဖေႏနွောင်ꩻနဝ်ꩻသွူ။ ဥပမာႏ- ဒင်ႏသွင်ꩻအာႏမခံႏငိုꩻ(ကြေး)သိန်ႏ(၁၀၀၀+၁၀၀)နဝ်ꩻသွူ။ ကဒေါ့ꩻခါꩻ နုဲင်းဆꩻကီꩻယိုနဝ်ꩻ ပရီမီယံငိုꩻ(ကြေး)ယို သော့ꩻခါꩻ ခွိုင်ႏမုဲင်ꩻမုဲင်ꩻတယဝ်း ရောႏဖေႏဒျာႏနဝ်ꩻသွူ။ 

          အွဥ်ႏဒေါ့ꩻနယ်ဗာႏ အခွဲးအကျုံႏမဲဥ်ႏတဗာႏ သက်(၃၀)လွို ဖူးမူႏပေႏတဖြာꩻ နဝ်ꩻ တနေင်ႏယို သော့ꩻခါꩻရွက် (၁၈)သိန်ႏလွို ထူႏလုဲင်ႏသိန်ႏ (၈၀၀)အရဲးအကမ်းသားနဝ်ꩻ ထွိုင်ႏတွိုင်ႏ ကိုဗစ်တတိယ အလဲင်ႏနဝ်ꩻ သီထိုꩻတဲင် အာႏမခံႏရွဥ် သိန်ႏ(၈၀၀+ဆွဥ်းတဝ်းယာလိပ် သိန်ႏ(၈၀) စုခြွဥ်း သိန်ႏ(၈၈၀)၊ (အာႏမခံႏ သက်တန်စအဝ်ႏ (၈)လာ တဲင် ကလိုႏအပ်ဒါႏ အာႏမခံႏအခွဥ်ႏ (၉)သိန်ႏ နုတ်ꩻခါꩻထွူတဲင် အဝ်ႏကုဲင် နားဟွိုန်စုထျꩻယို ရောႏလွေꩻဖေႏ သိန်ႏ (၈၇၀)လွိုနဝ်ꩻသွူ။ ယိုနဝ်ꩻ ထွာဒျာႏ မွိုးတဖြာꩻထာꩻရက်မေမတ္တာႏသွူ။ ဝွေꩻထာꩻရေႏရွယ်ႏချက်နဝ်ꩻ ထဲင်းယင်း အနေင်ႏ(၁၅) ဝွေꩻပိုခို သက်မဥ်ႏတွိုႏ(၁၈)နေင်ႏခိန်ႏ ဖေႏကလꩻ သွဥ်ပညာႏတရိတ်ꩻ ရေႏရွယ်ႏနုဲင်းနဝ်ꩻတဲင် တထင်ႏတဝ်း ပွိုးစွဥ်ႏကပ်ရောႏဂါႏတဲင် တဖူꩻတထာꩻဝ အွဥ်ႏကုဲင်ဗာႏလဲဥ်းနားဟွိုန်စု ရိုꩻကီနုဲင်းနဝ်ꩻတဲင် ကွပ်စွဥ်ႏဒျာႏ ထာꩻထီႏလုဲင်း တနေင်ႏနဝ်ꩻ သော့ꩻဗာႏဒျာႏ သိန်ႏ(၁၈)လွုမ်ꩻ ရိုꩻကီလဲ့ ပိုခိုပညာႏရေꩻတာႏ အွဥ်ႏကုဲင်ဖေႏနွောင်ꩻလဲဥ်း သိန်ႏ (၈၇၀) ဖေႏကအွဥ်ႏကုဲင် နွောင်ꩻနုဲင်းယိုနဝ်ꩻ အဝ်ႏဒျာႏအသက်အာႏမခံႏလွုမ်ꩻနဝ်ꩻသွူ။ မဥ်ႏအွဥ်ႏဘဏ်နဝ်ꩻ (၁၈ သိန်ႏ+ အတိုꩻ) လꩻနဝ်ꩻလွုမ်ꩻသွူ။ နဝ်ꩻထွူတကာႏတဝ်း Saving ကအဝ်ႏဒါႏရွဥ်ကားကအဝ်ႏတဲ့ သော့ꩻပေါင်ꩻရောႏ ဖေႏဒျာႏသွူ။ 

  Saving ကရိုꩻနဝ်ꩻတမုဲင်ꩻ၊ အသက်အာႏမခံႏရွဥ်စုတာႏ နီကသွင်ꩻဒါႏ ပရီမီယံငိုꩻ(ကြေး) Protection +Saving နွို့နီထွောင်း။ နဝ်ꩻကိုနဝ်ꩻ စွုမ်ႏနေင်ႏ အာႏမခံႏအသွုံꩻတရိတ်ꩻ နုတ်ꩻထိုꩻကအဝ်ႏကုဲင်နဝ်ꩻ နွို့လွေꩻ Savingထျꩻနဝ်ꩻသွူ။ နေင်ႏအစနဝ်ꩻ နုတ်ꩻထိုꩻ အာႏမခံႏအသွုံႏတရိတ်နဝ်ꩻသွူ။ နဝ်ꩻမꩻ နေင်ႏဒွေါင်ႏ ကထေချာဒါႏ သားနဝ်ꩻ Policy မဥ်ႏအုံပဆာႏနဝ်ꩻ ကုဲင်သွုမ်ꩻထိုꩻဒါႏနဝ်ꩻသွူ။ 

အာႏမခံႏကရိုꩻနဝ်ꩻ နီရွဥ်နွို့ အပွမ်ႏ(၁၀) (၁)ပွမ်ႏလွုမ်ꩻ နီမဥ်ႏအဲဥ်ထဝ်းခိန်ႏ နီနားဟွိုန်စုတာႏ ဖေႏကပြဲ့ꩻစွုံႏတဲင် စေႏတနာႏမေတ္တာႏအဝ်ႏမꩻ စီႏရင်ႏသင်ꩻသွူ။ သော့ꩻယိုခါ ထေယိုခါ မဥ်ႏမဲဥ်ထွာနဝ်ꩻတဲ့ သော့ꩻဘဏ်ကိုလꩻဒျာႏနဝ်ꩻသွူ။ Saving ကို ခွိုင်းကနွို့ဒါႏရွဥ်အတိုꩻနဝ်ꩻ အတိုꩻနဝ်ꩻ ဖေႏ ၆.၆%နဝ်ꩻသွူ။ သဖော်ꩻကတူႏခါꩻအတွိုင်ꩻ အရင်ꩻအတိုꩻ ဖေႏပေါင်ꩻလို့ဝင်ꩻတဲင် အုံမဥ်ႏအဝ်ႏဟဝ်ဒျာႏနဝ်ꩻ သော့ꩻထွူ(၁၀)နေင်ႏ(၁၅)နေင်ႏမꩻ မဥ်ႏထေချာနဝ်ꩻ ထေ့လꩻ နီကသော့ꩻခါꩻရွဥ်ထွူတကာႏတဝ်း လꩻပါဒွိုန်းကတွမ်ႏ အတိုꩻနဝ်ꩻသွူ။ နဝ်ꩻမဥ်ႏတမွေးတဝ်း ဗꩻတွိုႏအသက်(၁၀၀)တာႏ သွင်ꩻခါꩻပရိမီယံငိုꩻ(ကြေး)တဲင် အသက်(၁၀၀)တာႏ ဒင်ႏသွင်ꩻအာႏမခံႏငိုꩻအတွိုင်ꩻ အရဲးအကမ်းဖေႏဒျာႏနဝ်ꩻသွူ။ စီႏမံႏခါꩻ အမွေႏသဖော်ꩻရိုꩻနုဲင်းနဝ်ꩻတဲ့ အဝ်ႏ ဒျာႏသွူ။ ရဲးကမ်းခါꩻဖေႏ ဗꩻတွိုႏသက်(၁၀၀)နဝ်ꩻသွူ။ နဝ်ꩻလွုမ်ꩻတကာႏတဝ်း သော့ꩻဗာႏ တာႏဆွာꩻ (နေင်ႏ)တဲင် ၃-နေင်ႏခွပ်မာꩻငါ ထေသွုံꩻခွင်ꩻ၊ ၃-နေင်ႏခွပ် သော့ꩻသမ်းထဲင်း ပရီမီယံငိုꩻ(ကြေး)၊ ၃-နေင်ႏခွပ် ထပ်သမ်းယင်း အသက်အာႏမခံႏငိုꩻ (၅)နေင်ႏခွပ် အုံပဆား ဆောင်း စတဲင်နုဲင်းနဝ်ꩻတဲ့ မာꩻလꩻဒျာႏသွူ။ အရဲးအကမ်းတကုဲင်တဝ်း အဝ်ႏလꩻလွေꩻဒျာႏသွူ။ အီႏသေႏလို့လို့တဲ့ တယိုꩻတဝ်း ဖဉ်းလွုမ်ꩻတဲ့ အွဥ်ႏမွိုန်းတဝ်းအာႏမခံႏ ယွုမ်းလွုမ်ꩻတဲ့ အွဥ်ႏမွိုန်းတဝ်းအာႏမခံႏ ကာႏကွယ်ႏဖေႏတမုဲင်ꩻ မဥ်ႏထွာနုဲင်းမုဲင်ꩻမꩻ လꩻရွဥ်ေရယောႏ မဥ်သေစဲင်းထွူနုဲင်းနဝ်ꩻမꩻ အွဥ်ႏသွော့ မဥ်ႏတမွေႏတဝ်းနဝ်ꩻ သွုမ်ꩻတိန်ꩻထိုꩻဒါႏထွာမုဲင်ꩻနဲးတဲင် သော့ꩻလွေꩻဗာႏ တာႏဆွာꩻနေင်ႏဆွာꩻနဝ်ꩻမꩻ ထာꩻရက် မေတ္တာႏမဥ်ႏတတန်တဝ်းနဝ်ꩻ သွုမ်ꩻခြေင်ထိုꩻဒါႏနဝ်ꩻသွူ။

<Ref > ခွန်းထွန်းဦး အသက်အာႏမခံႏ လိတ်အုပ်ကို <ref>