အသညတပရိက္ခာရရဟန်ꩻ
"အသညတပရိက္ခာရရဟန်ꩻ"
၁၂၁။ ကမာꩻဒါႏ (ထာꩻမာႏ) အကုသိုလ်ႏကံႏယိုနဝ်ꩻ တစိꩻပေႏဒျာႏ ဆေ့ꩻပေႏလွုမ်ꩻဟ၊ အကုသိုလ်ႏကျိုꩻ အကုဲင်မျိုꩻ တရတွိုႏနွောင်ꩻတဝ်း ယူႏနုဲင်းနဝ်ꩻတဲင် ထာꩻတဟောဝ်တဝ်း အကုသိုလ်ႏယို ထီႏဖွီမွုန်းသေႏသေႏ ထင်းပေႏမွုန်းလာꩻလာꩻ၊ တလဲင်ႏတစဲက် ထီဗဲက်သော့ꩻဒါႏ ခမ်းရာႏနဝ်ꩻနဝ်ꩻ ဗွေလွန်းစွဉ်ႏဖွိုင်ꩻ တဲက်တွိုင်ꩻနယ်ဗာႏ ဥပမာႏနုဲင်းနဝ်ꩻနေနေ၊ ထာꩻကုဲင်ကကျွိုက် ပါꩻလိုꩻမွိုက်နဝ်ꩻ တလဲင်ႏတစိꩻစိꩻပေႏလွုမ်ꩻတဲ့ အစိꩻပေါင်ꩻအာ ခွပ်လာညနေင်ႏ ဆုဲင်ꩻချိန်ႏသူꩻနဝ်ꩻ အကုသိုလ်ႏထာꩻမာꩻ ဗွေဗိတ်စွဉ်ႏဒျာႏခန္ဓာႏ အနမ်း(ဖွိုင်ꩻ)နောဝ်ꩻသွူ။
ဟော်ꩻထွားသွဉ်ဗာႏ "အသညတပရိက္ခာရရဟန်ꩻ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ "ပရိက္ခရာႏ"တခြိုꩻ အသွုံꩻအဆောင်ႏနဝ်ꩻ အွဉ်ႏလွင်ꩻလိန်ꩻဗာႏတဝ်းထာꩻ၊ အခင်ႏလမ်းတွမ်ႏခင်ႏလမ်း အွဉ်ႏသိမ်ꩻဟောဝ်ဟောဝ်ဗာႏ-
၂။ ထာꩻမာꩻမာႏ (အကုသိုလ်ႏ)နဝ်ꩻ ထင်းဖွီထီႏဆေ့ꩻလꩻတောဝ်း၊ ပေါႏအာလဲင်ႏနဝ်ꩻ ထွာဒါႏအမာႏတန်-
၃။ နီထာꩻမာႏယို သွꩻပေႏဖုံႏ မဉ်ႏဖေႏသတိꩻနဝ်ꩻ ဟောဝ်နာႏဒျာႏ၊ ပေါႏတနာႏတဝ်းနဝ်ꩻ တွိုႏဒါႏဆရာႏ (လိုꩻတန်)ထျꩻ-စတဲင်နုဲင်းနောဝ်ꩻ သေထွꩻလꩻသအီသတိꩻအာတန်သွူ။[၁][၂][၃]