အွဉ်ငါသားတွမ်ႏထောင်လွဉ်ꩻသား

အွဉ်ငါသားတွမ်ႏ ထောင်လွဉ်ꩻသား

အွဉ်ငါသား မဲဉ်ယံနုဲင်းမုဲင်ꩻယံ ပေါႏထောင်လွဉ်ꩻသား တယံတောဝ်းတဲ့ ထွာဒျာႏအတယံလို့တောဝ်းထာꩻနေနေ .. ထောင်လွဉ်ꩻသားမဲဉ်ယံ နုဲင်းမုဲင်ꩻယံ ပေါႏအွဉ်ငါသားတယံတောဝ်းတဲ့ အလူးကြုံႏညီꩻဒါႏဒျာႏဝင်ꩻနေနေ .. အွဉ်ငါသားတဲ့ယံ ထောင်လွဉ်ꩻသားတဲ့စွို့ꩻ မဉ်ႏညီႏဝင်ꩻမ့ꩻ ကရေႏတွိုင်ꩻလ့ယိုꩻ ထွာယိုꩻသွူ ... လိုꩻယဟန်ႏနောဝ်ꩻ နမ်းတယံတောဝ်းရာႏရာႏ နမ်းတကျတောဝ်းရာႏရာႏ ယွူးတေားပါꩻအမာႏ ယွူးတေား ပါꩻယံတောဝ်း စားနောဝ်ꩻတဲ့အောဝ်ႏ ယဟန်ႏနောဝ်ꩻ...ပါꩻတယံတောဝ်း ပါꩻတကျတောဝ်းရင်ꩻမꩻ အမာꩻထဲ့ဖွိုႏပါတေားနီ အမာꩻသွုမ်ꩻပါတေားနီ နောဝ်ꩻစားတဲ့အောဝ်ႏဒါႏဒျာႏရင်ꩻနေနေသွူ ...

နောဝ်ꩻမ့ꩻ ...ထောင်လွဉ်ꩻပါꩻတဲ့နောဝ်ꩻ ပါꩻထောင်လွဉ်ꩻနီတဲ့နောဝ်ꩻ လိုႏငါႏ နမ်းတွမ်ႏနမ်းယိုလဲ့ ဆင်ႏချင်ႏ ဝွေႏဖန်ႏချာဒါႏဒါႏသွူ .. မဉ်ႏထောင်လွဉ်ꩻပါꩻဆ့ꩻချာလဲ့ ဝွေꩻကအွဉ်တဖူꩻယို မွေးနဲ့ မွေးတောဝ်းနဲ့ ထောင်လွဉ်ꩻ သင်ꩻနဲ့ သင်ꩻတောဝ်းနဲ့ အရီးသွတ်ꩻ နမ်းတွမ်ႏနမ်း လိုႏသေနေနေသွူ .. မဉ်ႏထွာအွဉ်ငါသားလဲ့ လိုႏငါႏ တွမ်ႏသ့ꩻရင်ꩻ အစဲစ်အမဲဉ်ႏတဗာႏတဲင် တဖူꩻမဲဉ်ႏမဲဉ်ႏ အွဉ်ငါလွေꩻသွူ အွဉ်ငါသား တွမ်ႏ ထောင်လွဉ်ꩻသားယို လိုႏဒေါ့ꩻရီတွိုင်ႏပင်ႏ ဖေႏကျမ်ႏချာငါ ခွိုꩻခွိုꩻငါႏလို့ဝင်ꩻသွူ ... အွဉ်ငါသား တွမ်ႏ ထောင်လွဉ်ꩻသားယို မဉ်ႏညီႏသွိုဝင်ꩻမ့ꩻ ကရေႏအတွိုင်ꩻ တဖူꩻယို တွိုးယိုꩻ ဗ့ꩻယိုꩻ အောင်ႏမျင်ႏထင်ႏထိုယိုꩻသွူ ... ပေါႏအွဉ်ငါသား တွမ်ႏ ထောင်လွဉ်ꩻသားယို တညီႏမျတောဝ်းတဲ့ ကဲဉ်းအာ ညာꩻထိုꩻယင်းဒျာႏ ထာꩻရေႏရွယ်ႏ အောင်ႏမျင်ႏမုꩻ ကောဝ်ႏထွန်ႏသူꩻနေနေသွူ ... အွဉ်ငါသားတွမ်ႏ ထောင်လွဉ်ꩻသားကရိုꩻယို အမိဉ်ꩻနောဝ်ꩻ ငါတွမ်ႏချာလဲ့ အမဲဉ်ႏမွေးတဗာႏနောဝ်ꩻ အလွေꩻတသွိုန်ဗာႏဒျာႏလို့ဝင်ꩻ နုဲင်းဖိုးလေားမ့ꩻသွူ ....။

ခွန်ဟွိုန်ဟဝ်