ဥပါႏသကာႏငတ်ꩻရျာꩻ

အဝ်ႏ Wikipedia ကို
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

"ဂဝေသီသုတ် (ဥပါႏသကာႏငတ်ꩻရျာꩻ ထွာရဟန္တာႏ)" အွိုးခꩻတလဲင်ႏ- နီဗွေႏဘုရာꩻတွမ်ႏ ရဟန်ꩻသံဃာႏဖုံႏ ကျွꩻလွေꩻကောသလခမ်း၊ တွိုႏလွေꩻ အင်းချင်းတခြာတန်ကို၊ နီဗွေႏဘုရာꩻ ငပယွုမ်းထာꩻ၊ ဗွေႏအာနန္တာႏရီ- "နီဗွေႏဘုရာꩻ ကငပယွုမ်းထာꩻနဝ်ꩻ အကျောင်ꩻအခရာႏ အဝ်ႏနုဲင်းမုဲင်ꩻ ဗွေႏဩ" "အာႏနန္တာႏဟွေး- ယိုကိုရပ်နဝ်ꩻ မော့ꩻလဲင်ႏစခါ ထွာဖိုဝေင်ꩻတန်တဝေင်ꩻ၊ တခြိုꩻစွုမ်ႏ၊ လိုꩻခြွေအာ၊ လိုꩻမျိုꩻပေါင်ꩻစွုမ်ႏ၊ လိုꩻကွုန်ꩻတန်၊ ဗွေႏဘုရာꩻကဿပနဝ်ꩻ အဝ်ႏအုံသတင်ꩻသွုံꩻဝေင်ꩻကိုယိုသွူ။ အတွင်ꩻမော့ꩻနဝ်ꩻခါ ကမဉ်ꩻဒါႏ တကာႏ'ဂဝေသီ'နဝ်ꩻအွဉ်ငါ ထွာဥပါႏသကာႏစွိုꩻ လိုꩻအဝ်ႏငတ်ꩻရျာꩻ၊ စစနဝ်ꩻနဝ်ꩻတဲး အကျင်ꩻတပေါႏခြေင်းငါႏတဝ်း၊ တကာႏဂဝေသီနဝ်ꩻ ယူႏနုဲင်းယို 'ခွေနဝ်ꩻ ထွာဝင်ꩻအတန်၊ အွဉ်ဝင်ꩻတဲင် သီႏလမဲဉ်ႏအောဝ်ႏလဲဉ်းဝင်ꩻမꩻယံ၊ ခွေအီႏကျင်ꩻယံယံကမꩻ'ချꩻသꩻနုဲင်းနဝ်ꩻ၊ ကျင်ꩻမွေးနုဲင်းနဝ်ꩻ၊ အလိုꩻဖုံႏတဲ့ ကျင်ꩻလွဉ်ꩻနုဲင်းနောဝ်ꩻသွူ။ ဂဝေသီကျင်ꩻလွိုတော 'ဗြဟ္မစရိယသိက္ခာႏပုဒ်'၊ သျောင်ႏညာꩻထိုꩻ မူႏခိုကိစ္စ(မေထုနအမုꩻ)၊ အလိုꩻဖုံႏတဲ့ သျောင်ႏနုဲင်းနုဲင်းနောဝ်ꩻသွူ။ ဂဝေသီကျင်ꩻလွိုတော 'ဝိကာလဘောဇနသိက္ခာႏပုဒ်'၊ မွူးခွယ်မာꩻငါ ခံႏအံႏတဝ်းထမုဲင်ꩻမုဲင်ꩻ၊ အလိုꩻဖုံႏတဲ့ ကျင်ꩻလွဉ်ꩻနုဲင်းနုဲင်း၊ မွူးခွယ်မာꩻငါ အံႏတာတောဝ်းထမုဲင်ꩻမုဲင်ꩻ။ ဂဝေသီကျင်ꩻလွိုတော 'ခံႏအံႏတနီꩻတတာႏလွုမ်ꩻ'၊ အလိုꩻဖုံႏတဲ့ ကျင်ꩻလွဉ်ꩻနုဲင်းနုဲင်း၊ အံႏတနီꩻတတာႏလွုမ်ꩻနေနေ၊ အဆရာႏဂဝေသီ ကျင်ꩻလွိုနုဲင်းမုဲင်ꩻတဲ့ အလိုꩻဖုံႏ ကျင်ꩻလွဉ်ꩻကျင်ꩻလွဉ်ꩻ နုဲင်းနောဝ်ꩻသွူ။ တွိုႏတနီꩻတွော့ꩻ- ဥပါႏသကာႏဂဝေသီနဝ်ꩻ လွေꩻထေ့ဗွေႏဘုရာꩻကဿပ၊ ကွီဗုဲင်သျင်ႏ၊ ကွီခံႏစင်ꩻ၊ ထွာစင်ꩻထွူတွော့ꩻ လွေꩻအုံထာꩻယေန်ယေန်ကို တပါꩻဒျာႏ၊ အားထွုတ်မွေး ဝိဿပနာႏတရာꩻ၊ ကျိုꩻစာꩻမွေး ဘာႏဝနာႏတဲင် ထွာစွဉ်ႏရဟန္တာႏနောဝ်ꩻသွူ။ အလိုꩻဖုံႏနဝ်ꩻတဲ့ ယူႏနုဲင်းယို- 'နီဆရာႏဂဝေသီနဝ်ꩻ ကျင်ꩻလွိုနီသီႏလ၊ နီကျင်ꩻလွဉ်ꩻနုဲင်းနုဲင်းဝွေꩻဗွေႏ၊ ကျင်ꩻလွိုနီဗြဟ္မစရိယ၊ နီကျင်ꩻလွဉ်ꩻနုဲင်းနုဲင်းဝွေꩻဗွေႏ၊ ကျင်ꩻလွိုနီ မွူးခွယ်အံႏတဝ်းထမုဲင်ꩻမုဲင်ꩻ၊ နီကျင်ꩻလွဉ်ꩻနုဲင်းနုဲင်း၊ ဝွေꩻဗွေႏအံႏ တနီꩻတတာႏလွုမ်ꩻ၊ နီတဲ့ အံႏနုဲင်းနုဲင်း တနီꩻတတာႏလွုမ်ꩻ။ ယိုခါနဝ်ꩻ- ဗွေႏဂဝေသီ နီဆရာႏဗုဲင်သျင်ႏ၊ ခံႏစင်ꩻ အားထွုတ်လဲဥ်းတရာꩻ၊ 'ယိုတဲ့ နီမာꩻလွဉ်ꩻနုဲင်းနုဲင်းမꩻ'ချꩻသꩻနုဲင်းနဝ်ꩻဖုံႏတဲင် အလိုꩻဖုံႏတဲ့ ဗုဲင်နုဲင်းနုဲင်းသျင်ႏ၊ ထင်ႏနုဲင်းနုဲင်းစင်ꩻ၊ အားထွုတ်နုဲင်းနုဲင်းတရာꩻ၊ ကျိုꩻစာꩻနုဲင်းနုဲင်း ဝိပဿနာႏတွော့ꩻ ကားကအဝ်ႏ ထွာလို့စွဉ်ႏဒျာႏ ရဟန္တာႏဖုံႏနောဝ်ꩻသွူ။ အာႏနန္တာႏဟွေး- သီတဲ့ ကျင်ꩻထင်ႏတရန်းထွူတရန်း ဖေႏကထွာခန်း ရဟန္တာႏ၊ ကျင်ꩻဗာႏနုဲင်းဝွေꩻသီးနောဝ်ꩻနော"ဗုဒ္ဓေါဗွေႏဘုရာꩻ မိန်းခါꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဂဝေသီသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၀၆)