ဗွေႏဗိုန်တိလောက

မဲင်ꩻခမ်း၊ ဝေင်ꩻနယ်ႏသထွုံႏ အွိုင်ႏကျိုက္ကော်ႏ ဗွေႏဗွန်ကျောင်ꩻထီပုံꩻ ဘဒ္ဒန္တတိလောက (အဂ္ဂမဟာပဏ္ဍိတ) ထေရုပ္ပတ္တိအအဲဉ်ႏ

ဇာႏတိလွူးဖွါꩻ ဒုံရပ်ရာႏတွမ်ႏမွိုးဖါ

ဗွေႏဘဒ္ဒန္တတိလောကယိုနဝ်ꩻ မဲင်ꩻခမ်း၊ ဝေင်ꩻနယ်ႏသထုံႏ၊ ဒုံကျိုက္ကော်ႏ၊ ထီပုံꩻစုရပ်ကို ကအဝ်ႏအုံဒါႏ စင်ꩻဖါပညာ+စင်ꩻမွိုးနေသီး လွူးဖွါꩻလင်ꩻဖေႏ ၁၂၆၇-ဗာႏ၊ ဒဲဉ်ကံဆန်ꩻ (၆)နီꩻ၊ မွူးနီꩻ-စနေႏ မွူးရဝ်ꩻခိုႏ (၇း၀၀)နားရီႏအခိန်ႏ၊ ပို(၉)ဖြာꩻအကို ပဉ္စမအဖြာꩻနဝ်ꩻသွူ။

အုံကျောင်ꩻဗုဲင်သျင်ႏ ခံႏရဟန်ꩻ

၁၂၈၂-ဗာႏ၊ ဒဲဉ်သီႏလာဆန်ꩻ (၈)နီꩻ၊ မွူးနီꩻ-စနေႏ ဝွေꩻဗွေႏသက်ကထင်ႏလꩻ (၁၅)နေင်ႏတဲင် မွိုးဖါနီပါꩻယို ခံႏထူႏပစ္စေꩻလစ်ꩻပါꩻတွော့ꩻ ဝေင်ꩻနယ်ႏသထုံႏ၊ ဒုံကျိုက္ကောႏ၊ ထီပုံꩻစုရပ်၊ ကျောင်ꩻထီပုံꩻ(ဟဲ့ꩻ) ကျောင်ꩻညောင်ႏဝွုန်ꩻ ဗွေႏဆရာႏတောႏ ဦးအာဒိစ္စ ထွာဖေႏဥပဇ္ဈာယ်ႏဆရာႏတဲင် အွဉ်ႏထင်ႏသာႏမဏေႏနဝ်ꩻသွူ။ ၁၂၉၇-ဗာႏ၊ ဝါႏဆိုႏလာဆန်ꩻ (၁၀)နီꩻ၊ မွူးနီꩻ-စနေႏ၊ မွူးရဝ်ꩻခိုႏ (၉)နားရီႏ (၂၇)မိနစ် အခိန်ႏနဝ်ꩻ ကျောင်ꩻရွာကြီးတိုက် ဗွေႏဗွန်ဦးဂန္ဓမာနဝ်ꩻ ခံႏထွာဖေႏဥပဇ္ဈာယ်ႏတဲင် မွိုးဖါနီပါꩻ ခံႏထူႏလွေꩻပါယင်း ပစ္စယာနုဂ္ဂဟတကာႏတွော့ꩻ ဒင်ႏဖေႏယင်းဝွေꩻဗွေႏသိက္ခာႏ ကျောင်ꩻထီပုံꩻ ခဏ္ဍသိမ်ႏကိုနဝ်ꩻသွူ။

ဗွေႏတိလောက ထပ်သိမ်ႏခိန်ႏ ပစ္စယာနုဂ္ဂဟဒါႏယကာႏမဉ်ꩻ-

• ၁။ ဦးအောင်ညွတ်+ဒေါ်မြင့်ရီ မိသားစု၊ ဝေင်ꩻတောင်ႏကီꩻ
• ၂။ စင်ꩻဖါခွန်လုံး+စင်ꩻမွိုးနင်ꩻစံခမ်း တလမ်းလွုမ်း၊ တောင်ႏကီꩻ
• ၃။ ဖါကျောင်ꩻပန်း+မဲကျောင်ꩻဗူး တလမ်းလွုမ်း၊ တောင်ႏကီꩻ၊ ကန်အောင်ရပ်
• ၄။ စင်ꩻဖါခွန်ထွန်းအောင်+စင်ꩻမွိုးနင်ႏနွဲ့ တလမ်းလွုမ်း၊ စျေးတန်းရပ်၊ ဝေင်ꩻတောင်ႏကီꩻ
• ၅။ (ဦးချစ်လယ်)+ဒေါ်ဖြူ၊ မိသားစု၊ တောင်ႏကီꩻ
• ၆။ ဦးကျော်ရွှေ (တိုင်းရင်းဆေးသမားတော်ကြီး)+ဒေါ်စောကြည်၊ မိသားစု၊ ကျိုက္ကော်၊ ပဲခူးစုရပ်
• ၇။ (ဒေါ်အေးမယ်) သမီး-ဒေါ်တင်မြင့် (အငြိမ်းစားဆရာမ) ကျိုက္ကော်၊ အနန်းကုန်းရပ်
• ၈။ ဦးခင်ဦး+ဒေါ်သောင်းရွှေ ဘုရားကြီးလမ်း၊ ကျိုက္ကော်
• ၉။ ဒေါ်ရွှေက တွမ်ႏပိုခို-ခွန်ကြာအောင်၊ တောင်ႏကီꩻ

သွဉ်ထူႏဗာႏ လောကီꩻ လောကုတ္တရာႏပညာႏ

ဗွေႏတိလောကယိုနဝ်ꩻ ပွိုင်းလဲင်ႏပေႏခါ သွဉ်ထူႏခါꩻဗာႏ လောကီꩻပညာႏ ဝေင်ꩻနယ်ႏသထုံႏ၊ ကျိုက္ကော်၊ ဒုံထီပုံꩻ၊ ကျောင်းအင်းဆိပ် ဆရာႏဦးဘိုးလွန်းထျꩻနဝ်ꩻ ဗꩻတွိုႏစတုတ္ထ(၄)တန်ꩻ အောင်ႏမျင်ႏထွူခါ ထင်ႏထွာသာႏမဏေႏ သွဉ်ထူႏထဲင်းလောကုတ္တရာႏပညာႏ ဆရာႏထျꩻဖုံႏနဝ်ꩻ -

• ၁။ ဝေင်ꩻနယ်ႏသထုံႏ၊ ကျိုက္ကော်၊ ကျောင်ꩻထီပုံꩻ၊ ဗွေႏဆရာႏတောႏ ဦးအာဒိစ္စ
• ၂။ နေင်ႏ ၁၂၉၈-ဗာႏနဝ်ꩻ ဧရာဝတီတိုင်း၊ ဖျာပုံခရိုင်၊ သောကြာကျေးရွာ၊ ဗွေႏဗွန်ကျောင်ꩻမှန်ကျောင်းထျꩻယင်
• ၃။ ဝေင်ꩻမန္တလေꩻ၊ ဘေးမဲ့တိုက် ဗွေႏဆရာႏတောႏထျꩻယင်
• ၄။ ဝေင်ꩻရန်ႏကုန်ႏ၊ ခြောက်ထပ်ဘုရားကြီးကျောင်းတိုက် လိတ်ချꩻပုဂ္ဂိုလ်ႏ ဆရာႏတောႏထျꩻဖုံႏယင် ပါတွမ်ႏကေꩻဇူꩻဗွေႏ (နယူပဒေသကျမ်ꩻပျုဆရာႏတောႏ ဘဒ္ဒန္တသူရိယ (နှောင်းခေတ်) အဘိဓဇမဟာရဋ္ဌဂုရုတွမ်ႏ ဖြဝ်ꩻခမ်း၊ ဝေင်ꩻတောင်ႏကီꩻ၊ ပထမကျောင်ꩻတန်မွဉ်ခြဲင်လိတ်သွဉ်တွိုက် ဘဒ္ဒန္တနရိန္ဒ (အဂ္ဂမဟာပဏ္ဍိတ)စတဲင် ပိဋကတ်မဉ်ꩻကျောႏ ဆရာႏတောႏတန်ထျꩻဖုံႏ၊ ပါဠိ၊ အဋ္ဌကထာ၊ ဋီကာစတဲင် ကျမ်ꩻအမျိုꩻမျိုꩻဖုံႏလဲ့ သွဉ်ထူႏလေ့လာဒျာႏနဝ်ꩻသွူ။

နဲင်ႏငန်ႏတောႏလူႏကပ် ဘွဲ့တောႏမျတ်

ဗွေႏတိလောကယို ဓူရနီပါꩻ ကျိုꩻစာꩻတသေႏသေႏ အဝ်ႏသောင်ႏသာဖေႏ သာႏသနာႏအတွက်တာႏတဲင် နေင်ႏ ၁၃၅၈-ဗာႏ၊ ဒဲဉ်စေင်လာလောင်း (၁၀)နီꩻ၊ မွူးနီꩻ-တနင်္နွေႏ(သက်တောႏလꩻ (၉၂)၊ (၆၂)ဝါႏနဝ်ꩻ နဲင်ႏငန်ႏတောႏကပ်လူႏပူႏဇောႏထင်ႏဖေႏဝွေꩻဗွေႏ ဘွဲ့တောႏမဉ်ꩻ "အဂ္ဂမဟာပဏ္ဍိတ"နဝ်ꩻသွူ။

ဗွေႏတိလောက ဆောင်ႏရွက်လွေꩻဗာႏ သာႏသနာႏထာꩻမာꩻ

• ၁။ ဖြဝ်ꩻခမ်း၊ ဝေင်ꩻတောင်ႏကီꩻ၊ ပထမကျောင်ꩻတန်မွဉ်ခြဲင်လိတ်သွဉ်တွိုက် ကေꩻဇူꩻတန် ဗွေႏဘဒ္ဒန္တနရိန္ဒ (အဂ္ဂမဟာပဏ္ဍိတ) ဆရာႏတောႏကူꩻနိဗ္ဗာန်ႏထွူနဝ်ꩻ ဗွေႏတိလောက ဆောင်ႏရွက်ခွုမ်မာꩻကိုဗာႏ ပဓာနနာယက။
• ၂။ မဲင်ꩻခမ်း၊ ဝေင်ꩻနယ်ႏသထုံႏ၊ ကျိုက္ကော်၊ ဝင်းပတောင်ကြားကျေးရွာꩻ ရေတွင်းကြီးကျောင်းတိုက်နဝ်ꩻလဲ့ ဆောင်ႏရွက်ခွုမ်မာꩻကိုဗာႏ ပဓာနနာယက
• ၃။ ကျိုက္ကော်၊ ကျောင်ꩻထီပုံꩻ (ဟဲ့ꩻ) ကျောင်ꩻညောင်ႏဝွုန်ꩻနဝ်ꩻလဲ့ သောင်ႏသာခွုမ်မာꩻဖေႏဗာႏ ပဓာနနာယက
• ၄။ ဝေင်ꩻနယ်ႏသထုံႏ၊ ဒုံမိုးကောင်း၊ ကျောင်ꩻမိုးကောင်းနဝ်ꩻလဲ့ သောင်ႏသာခွုမ်မာꩻဖေႏဗာႏ ပဓာနနာယက
• ၅။ ဒုံဆောင်ႏရပ်ကွက်ကို သံဃနာယကအစွိုꩻဥက္ကဋ္ဌ
• ၆။ ဝေင်ꩻနယ်ႏသထုံႏ၊ ကျိုက္ကော်၊ သိမ်ဆိပ် ပရိယတ္တိသဒ္ဓမ္မဟိတ ပြန်ႏလိတ်ဥက္ကဋ္ဌ
• ၇။ ဝေင်ꩻနယ်ႏသထုံႏ၊ ကျိုက္ကော်၊ ရွှေဘုံသာစေႏတီႏတောႏမျတ် ဩဝါဒါစရိယ
• ၈။ သိမ်ဆိပ်တိုက်နယ်လုံးဆိုင်ရာ "သုဓမ္မာ မဟာနိဿယ"ဂဏဥက္ကဋ္ဌ
• ၉။ "တိုက်နယ်ဂိုဏ်း"ပေါင်ꩻစွုမ်ႏ ဩဝါဒါစရိယ စတဲင်သာႏသနာႏတာႏဝွန်ႏဖုံႏနဝ်ꩻသွူ။

ဗွေႏတိလောက ငဝ်းဩဝါဒ

လောကကိုကအဝ်ႏအုံဒါႏ တကာႏ တကာႏမသီးဖုံႏဟွေး ထာꩻရွိုး၊ ထာꩻပင်ႏပန်ꩻမျိုꩻ၊ ထာꩻယပ်ꩻမျိုꩻဖုံႏယိုနဝ်ꩻ တွမ်ႏငမ်းမွုန်းတဝ်းဟုဲင်း၊ ငမ်းဒျာႏသွော့ ထာꩻဆင်ꩻရယ်ꩻ၊ ထာꩻဒုက္ခ ကအီႏသဲင်ꩻတွိုး နီထျꩻယိုဟုဲင်း။ နုဲင်းနဝ်ꩻမꩻ နီနမ်းယို ကအဝ်ႏလိုႏဒါႏ နီကမဲဉ်လꩻဒါႏ လောကီချမ်ꩻသာႏ၊ လောကုတ္တရာႏချမ်ꩻသာႏမျိုꩻဖုံႏယို အီႏလꩻနွောင်ꩻသွူ။