ကိံဖလဇာတ်
"ကိံဖလဇာတ်" ထွားသွဉ်ဟော်ꩻကျပ် ကိံဖလဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ နေးတွမ်ႏဉာဏ်ႏ ဝွေႏဖန်ႏထွူခါ အံႏတငါတငီမွုန်းထာꩻမꩻ အန္တရာယ်ႏကင်ꩻလꩻအကျောင်ꩻ၊
၂။ ရိက္ခေႏချင်းဒါႏ ပညာႏအောဝ်ႏမꩻ ကထွာလိုꩻဆꩻချာ အကျိုꩻအာ အန္တရာယ်ႏကင်ꩻအကျောင်ꩻ၊
၃။ အမွူး အလာႏ အရာ အရသာႏဗွိုန်ကီတဲ့ အံႏတငါတငီ လꩻတောဝ်း၊ သီစောဝ်းထိုꩻဒါႏအကျောင်ꩻ၊
၄။ သေတဝ်း ရီဆရာႏမꩻ၊ နာႏဆရာႏငေါဝ်းမꩻ၊ ဆရာႏတဲ့ ယံမꩻ အန္တရာယ်ႏကင်ꩻအကျောင်ꩻ၊
၅။ ထွားအနမ်း၊ ထွားအသောင်အရင်ꩻ၊ ထွားအခေႏအနေႏထွူတွော့ꩻ နေးတွမ်ႏဉာဏ်ႏ ဝွေႏဖန်ႏဒေါ့ꩻမꩻ မဲဉ်ႏတနꩻအကျောင်ꩻ၊
၆။ ရက်တဝ်းလိုꩻ မက်ဒျာႏတခြိုꩻ၊ "ပါꩻမဉ်သီသီ နီလꩻတခြိုꩻငါ"ကအွဉ်ႏသꩻနုဲင်းဒုံသားဖုံႏနဝ်ꩻ "ဝိသမလောဘ-လောဘလွဉ်ꩻချိုꩻသား"ဖုံႏဒျာႏ၊ လိုꩻယွုတ်တန်ဖုံႏဒျာႏအကျောင်ꩻ-စတဲင်နုဲင်းနဝ်ꩻဖုံႏသွူ။
"ပဉ္စာဝုဓဇာတ်" ထွားသွဉ်ဟော်ꩻကျပ် ပဉ္စာဝုဓဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏထာꩻသေတရာꩻဖုံႏနဝ်ꩻ-
၁။ စူခွုမ်လက်နက်-ကရိုꩻနဝ်ꩻ ရဲအီဒျာႏ ရန်ႏသူႏ၊ ထူႏအီဒျာႏ ကာႏကွယ်ႏရေꩻ၊ အံႏနွောင်ꩻအီဝင်ꩻ မွေးတဝ်းအကျောင်ꩻ၊
၂။ ပေါႏပညာႏအဝ်ႏနဝ်ꩻ ငမ်းသဲင်တခြစ်ꩻတဝ်းပါꩻ၊ ထာꩻယူႏပစ်ꩻတဝ်းလာꩻလာꩻ အကျောင်ꩻ၊
၃။ နေးတွမ်ႏထာꩻရုဲင်းဟန် အစွန်ꩻသတ္တိꩻတဲင် သေယူႏထေထူႏဒါႏ သꩻဓာတ်ရေꩻရာႏ အနယ်ꩻတသာ ဗျူဟာဟဝ်နဝ်ꩻမꩻ နွောင်ꩻလꩻရန်ႏသူႏအကျောင်ꩻ၊
၄။ ဘီလူꩻတန်သွူမဉ်ႏတဲ့ ဆွုံꩻမꩻလꩻ၊ ခံႏထူႏက သီႏလငတ်ꩻပါꩻ နီနာꩻယိုနောဝ်ꩻ သီႏလငတ်ꩻပါꩻ တရာꩻဗွို့ꩻနမ်းမꩻ အရန်းထိုလဲဉ်း ဘီလူꩻအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]