ကောဒဏ္ဍညမထေရ်ႏ

"ကောဒဏ္ဍညမထေရ်ႏဝတ္ထု"

၁၁၁။ ပါꩻမုဲင်ꩻတရိုꩻတောဝ်း ထာꩻသေပညာႏအဲဉ်ထောဝ်း၊ သမာႏဓိအဲဉ်ထဝ်း အသက်ထိုဆွာꩻ အနေင်ႏတရျာꩻ၊ လိုꩻထာꩻသေပညာႏ ကအဝ်ႏဒါႏ အုံအဝ်ႏကျိုꩻစာꩻ သမထဝိပသ် ပုဂ္ဂိုလ်ႏမျတ်အတာႏ အသက်အုံဗာႏ တနီꩻဒျာႏလဲ့ မျတ်လဲဉ်းက လိုꩻပညာႏအဲဉ်ထောဝ်းလာꩻလာꩻ ကအုံဗာႏနေင်ႏတရျာꩻနဝ်ꩻသွူ။

ဟော်ꩻထွားသွဉ်ဗာႏ 'ကောဒဏ္ဍညမထေရ်ႏ'ဝတ္ထုယိုတဲင် "လꩻဗဟုသုတ၊ လꩻအီသတိꩻနုဲင်းယို"

၁။ မဉ်ႏအားထွုတ်မွေးတရာꩻနဝ်ꩻ ထွာနွောင်ꩻဒျာႏ ရဟန္တာႏ-

၂။ စွန်သားခန်းတဲ့ယဝ်း မဉ်ႏနာႏဗာႏတရာꩻနဝ်ꩻ သဒ္ဓါႏတရာꩻ မဉ်ႏအဝ်ႏနဝ်ꩻ ထွာနွောင်ꩻဒျာႏ ရဟန္တာႏ-

၃။ အုံသူႏအုံနွေႏထာꩻ အနေင်ႏတရျာꩻနဝ်ꩻ ထွꩻတဝ်း အုံတွမ်ႏထာꩻသေတရာꩻတနီꩻအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။

"သပ္ပဒါသမထေရ်ႏ"

၁၁၂။ ပါꩻမုဲင်ꩻရိုꩻတဝ်း လွꩻတန် ဝီရိယအဲဉ်ထဝ်း အသက်ထိုဆွာꩻ အနေင်ႏတရျာꩻ ဝီရိယခွေါင်ခွေါင် ကျိုꩻစာꩻကုသိုလ်ႏ ပုဂ္ဂိုလ်ႏနဝ်ꩻအတာႏ အသက်အုံဗာႏ တနီꩻဒျာႏလဲ့ မျတ်လဲဉ်းက လိုꩻလွꩻသက်ဆွာꩻ နေင်ႏတရျာꩻနဝ်ꩻသွူ။

ဟော်ꩻထွားသွဉ်ဗာႏ 'သပ္ပဒါသမထေရ်ႏ'ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ သွဉ်း-နဝ်ꩻ ငမ်းအဗွေႏ ဘဝယိုလွုမ်ꩻမွေးတောဝ်း၊ လꩻသွူနီသွံဘဝတဲ့ အဝ်ႏငမ်းနေကဒျာႏ-

၂။ အကုသိုလ်ႏတဲ့ အကုသိုလ်ႏ အကျိုꩻဖေႏခေါ်ခေါ်၊ ကုသိုလ်ႏတဲ့ ကုသိုလ်ႏအကျိုꩻ ဖေႏခေါ်ခေါ်ဒျာႏ-

၃။ လိုꩻလွꩻမာꩻကုသိုလ်ႏနဝ်ꩻ အသက်ဆွာꩻ နေင်ႏတရျာꩻခန်းတဲ့ယဝ်း တထွꩻတဝ်း လိုꩻကုဲင်းမာꩻကုသိုလ်ႏ အသက်အုံတနီꩻအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။