ကျိုꩻစာꩻကီကီထင်ႏဗာႏ

"သမထသုတ် (ကျိုꩻစာꩻကီကီထင်ႏဗာႏတရာꩻ)" ရဟန်ꩻသီးဖုံႏဟွေး- 'ကမာꩻခွꩻသꩻ သမထနဝ်ꩻ ခွေလꩻနေနဲ၊ အဓိပညာႏ ဓမ္မဝိပဿနာႏနဝ်ꩻ ခွေလꩻနေနဲ'မဉ်ႏယူႏလꩻဆင်ႏချင်ႏနုဲင်းနဝ်ꩻ ကုသိုလ်ႏထွာအာတန်။ ၁။ ခွေယိုနဝ်ꩻ လꩻဒျာႏ ကမာꩻခွꩻသꩻ သမထလွုမ်ꩻ၊ အဓိပညာႏ ဓမ္မဝိပဿနာႏနဝ်ꩻ လꩻတောဝ်းဒွိုန်း၊ ပေါႏသေနုဲင်းနဝ်ꩻတဲ့ ဖေႏကလꩻ အဓိပညာႏ ဓမ္မဝိပဿနာႏနဝ်ꩻ ကျိုꩻစာꩻဗာႏ။ ၂။ ခွေယိုနဝ်ꩻ လꩻဒျာႏ အဓိပညာႏ ဓမ္မဝိပဿနာႏလွုမ်ꩻ၊ ကမာꩻခွꩻသꩻ သထမနောဝ်ꩻ လꩻတဝ်းဒွိုန်း ပေါႏသေနုဲင်းနဝ်ꩻတဲ့ ဖေႏကလꩻ ကမာꩻခွꩻသꩻ သမထနဝ်ꩻ ကျိုꩻစာꩻဗာႏ။ ၃။ ခွေယိုနဝ်ꩻ ကမာꩻခွꩻသꩻ သမထတဲ့ လꩻတဝ်း၊ အဓိပညာႏ ဓမ္မဝိပဿနာႏတဲ့ လꩻတဝ်း၊ ပေါႏသေနုဲင်းနဝ်ꩻနဝ်ꩻ ဖေႏကလꩻ နဝ်ꩻနီမျိုꩻနဝ်ꩻ ကျိုꩻစာꩻဗာႏ။ ၄။ ခွေယိုနဝ်ꩻ ကမာꩻခွꩻသꩻ သမထတဲ့ လꩻလဲဉ်း၊ အဓိပညာႏ ဓမ္မဝိပဿနာႏတဲ့ လꩻလဲဉ်း ပေါႏသေနုဲင်းနဝ်ꩻနဝ်ꩻ အာသဝတရာꩻဖေႏကလို့၊ ဖေႏကထွာရဟန္တာႏနဝ်ꩻ ကျိုꩻစာꩻဗာႏနောဝ်ꩻသွူ။ ၅။ 'သင်္ကန်ꩻယိုနဝ်ꩻ ဟောဝ်ဗုဲင်၊ သင်္ကန်ꩻယိုနဝ်ꩻ ဟောဝ်ဗုဲင်တဝ်း'အဝ်ႏနီမျိုꩻ၊ နီမျိုꩻကိုနဝ်ꩻ အကုသိုလ်ႏထွာအာ၊ ကုသိုလ်ႏယွမ်ꩻထိုꩻ သင်္ကန်ꩻအမျိုꩻနဝ်ꩻ လိုႏဗုဲင်တဝ်း၊ လိုႏဗုဲင်ဒျာႏ ကုသိုလ်ႏထွာအာ၊ အကုသိုလ်ႏယွမ်ꩻထိုꩻ သင်္ကန်ꩻအမျိုꩻနောဝ်ꩻသွူ။ ၆။ သွမ်ꩻအဝ်ႏနီမျိုꩻကိုနဝ်ꩻ- 'အကုသိုလ်ႏထွာအာ၊ ကုသိုလ်ႏယွမ်ꩻထိုꩻ'သွမ်ꩻအမျိုꩻနဝ်ꩻ လိုႏသွုံꩻတဝ်း၊ လိုႏသွုံꩻဒျာႏ 'ကုသိုလ်ႏထွာအာ၊ အကုသိုလ်ႏယွမ်ꩻထိုꩻ'သွမ်ꩻအမျိုꩻနောဝ်ꩻသွူ။ ၇။ ကျောင်ꩻအောဝ်ႏနီမျိုꩻကိုနောဝ်ꩻ- 'အကုသိုလ်ႏထွာအာ၊ ကုသိုလ်ႏယွမ်ꩻထိုꩻ'ကျောင်ꩻအမျိုꩻနဝ်ꩻနဝ်ꩻ လိုႏအုံသော့ꩻတဝ်း၊ လိုႏအုံသော့ꩻဒျာႏ 'ကုသိုလ်ႏထွာအာ၊ အကုသိုလ်ႏယွမ်ꩻထိုꩻ'ကျောင်ꩻအမျိုꩻနဝ်ꩻသွူ။ ၈။ ဒုံတန်(ဝေင်ꩻတန်) အဝ်ႏနီမျိုꩻကိုနဝ်ꩻ- 'အကုသိုလ်ႏထွာအာ၊ ကုသိုလ်ႏယွမ်ꩻထိုꩻ'ဒုံတန်(ဝေင်ꩻတန်)အမျိုꩻနဝ်ꩻနဝ်ꩻ လိုႏအုံတဝ်း၊ လိုႏအုံဒျာႏ 'ကုသိုလ်ႏထွာအာ၊ အကုသိုလ်ႏယွမ်ꩻထိုꩻ'ဒုံတန်(ဝေင်ꩻတန်)အမျိုꩻနောဝ်ꩻသွူ။ ၉။ ဒုံပေႏ(ဝေင်ꩻပေႏ)အဝ်ႏနီမျိုꩻကိုနဝ်ꩻ- 'အကုသိုလ်ႏထွာအာ၊ ကုသိုလ်ႏယွမ်ꩻထိုꩻ'ဒုံပေႏ(ဝေင်ꩻပေႏ)အမျိုꩻနဝ်ꩻနဝ်ꩻ လိုႏအုံတဝ်း၊ လိုႏအုံဒျာႏ 'ကုသိုလ်ႏထွာအာ၊ အကုသိုလ်ႏယွမ်ꩻထိုꩻ'ဒုံပေႏ(ဝေင်ꩻပေႏ)အမျိုꩻနောဝ်ꩻသွူ။ ၁၀။ ပုဂ္ဂိုလ်ႏ အဝ်ႏနီမျိုꩻကိုနဝ်ꩻ- 'အကုသိုလ်ႏထွာအာ၊ ကုသိုလ်ႏယွမ်ꩻထိုꩻ'ပုဂ္ဂိုလ်ႏအမျိုꩻနဝ်ꩻနဝ်ꩻ လိုႏကွိုက်ꩻတဝ်း၊ လိုကွိုက်ꩻဒျာႏ 'ကုသိုလ်ႏထွာအာ၊ အကုသိုလ်ႏယွမ်ꩻထိုꩻ'ပုဂ္ဂိုလ်ႏအမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ သမထသုတ်)