ငေါဝ်းဆုꩻတောင်ꩻတရာꩻတောႏ

တရာꩻအွဉ်ႏသွတ်ꩻ

နဝ်ꩻမတဲင် ဟန်ႏသနီꩻယို ဗွေႏစင်ꩻကဟော်ꩻနယ်လင်ꩻဒါႏ ငေါဝ်းဓမ္မေႏ၊ ဗွေႏစင်ꩻကခြုဲင်ႏနယ်ဖေႏတကာႏသီး တရာꩻယို၊ စိန္တေႏဗွန်ထိုဟော်ꩻနယ်ဒျာႏကွေးနေား တွမ်ႏကျမ်ꩻဂန်ႏ၊ နီဗွေႏဘုရာႏဟော်ꩻထန်ႏဒျာႏကွေႏနေား တွမ်ႏ ပိဋကတ်၊ ဒီဟောဝ်တောင်ꩻမတ်ယိုတတွယ်ꩻ၊ ဗွေႏစင်ꩻထေခွယ် တွမ်ႏပအိုဝ်ႏ ဗွေႏစင်ꩻပစိုႏဖေႏတွမ်ႏ နီနာꩻငွါ၊ အမာႏမဉ်ႏပါ ယံခွင်ꩻလွစ်၊ ဆူႏနာႏမဲဉ်ႏခြွစ် ယံသယ်ꩻခံႏ၊ ဟန်ႏသနီꩻတန်ယို ဗွေႏစင်ꩻကဟော်ꩻနယ်ဒါႏတရာꩻငေါဝ်း၊ မဉ်ႏတနွို့နားတောဝ်း အွဉ်ႏလင်ꩻချာ၊ ယံဗာႏခွိုင်းဆာ မရေႏရော်ႏ ၊ ပွိုးစွဉ်ႏဉာဏ်ႏမဟောႏသဓာႏ တအဲဉ်ထောဝ်းတဲင် အလုဲင်ꩻရွောင်၊ အလင်္ကာဒိန်ႏဒွေါင် မပေါးတဲပ်၊ ပွိုးစွဉ်ႏမဆဲစ်နဲစ်ငါႏတွော့ꩻ မဉ်ႏမော့ꩻဒါႏအမင်ꩻ ၊ မတ်ဒျာႏပိုရင်ꩻ ဖေႏသတိ၊ အွဉ်ႏသꩻခိꩻခိꩻ ဆုံꩻမသွဉ်၊ နေးတွမ်ႏငေါဝ်ႏဟွံ ကွီတောင်ꩻပြန်ႏ ၊ နေႏတွမ်ႏပန်သေꩻကောဝ်ႏတင်ႏ ကွီလွစ်ခွင်ꩻ၊ ယိုခါယံတွင်ꩻ ဗွေႏစင်ꩻကဟော်ꩻလင်ꩻဖေႏဒါႏ တရာꩻငေါဝ်ႏဓမ္မေႏ ၊ ဗွေႏစင်ꩻကခြဲင်ႏနယ်ဖေႏ တရာꩻထီ၊ ထီႏငါႏနာꩻနီ သတ္တဝါႏ၊ ငမ်ႏသꩻယူႏမာႏ တရွို့ꩻကွင်၊ ကအေဝ်ႏစဲႏခံ ထီဟံႏဗော့ꩻ၊ ကအေဝ်ႏအုံသော့ꩻ ထီနောင်ကို၊ ပေႏတန်မူႏခို ယံကာႏနွောင်ꩻ ၊ ထာꩻယူႏခိန်ꩻခွဉ်ꩻ ယံကစွဉ်ႏ၊ ခေႏမာႏတွူးဗောင်ႏ သင်ꩻဖော်ꩻဆိတ်၊ ယံဖျော်ဟဲ့ꩻဖစ် တွမ်ႏကုသိုလ်ႏ၊ ယံတွိုႏအွဉ်ႏဟွိုန် တွမ်ႏပုည၊ ပွိုးစွဉ်ႏဗုဒ္ဓငတ်ရိန် သာႏသနာႏ၊ အောဝ်ႏနေကဒျာႏ အယံတွင်ꩻ ၊ ဘဝနာႏကမ္မဋ္ဌာန်ꩻ ကုသိုလ်ႏခြွီ၊ တဖူꩻလွေꩻအီ ထွာရိက္ခာႏ တဖူꩻလွေꩻတာႏ ထွာဒဲဉ်လွမ်၊ ဒီဟောဝ်စုရွမ် နီနာꩻခြွိုင်း၊ ဘုရာꩻပွင်ꩻလဲဉ်ႏသွူနဝ်ꩻ နုဲင်းသုဲင်ꩻဗွာ၊ နီနာꩻမပါ ပွိုးသꩻနုတ်ꩻ၊ ပွိုးစွဉ်ႏမာꩻယွိုက်ꩻငါႏထာနဝ်ꩻမ နီဗွေႏဘုရာꩻလဲင်ꩻကျွꩻရီး၊ ဖြော်မွိုင်းဒျာႏနီး အောဝ်ႏကုဲင်လꩻ၊ ဗွေႏဘုရာꩻထိုꩻနꩻ ကိလေႏသာႏခြꩻတဏှာႏဆွိုင်ꩻ၊ လွစ်တဝ်းဝွဋ်ဖွိုင်ꩻ လောကဘုံႏ၊ တထန်ႏနွောင်ꩻတောဝ်ႏအာႏရွုံႏ အောဝ်ႏခံစဲး၊ သောင်ခြင်ꩻငွိုးယွဲး မဲ့ထီယို၊ ပင်ႏလယ်ႏအကို လဲင်ꩻတဖြွတ်၊ နီနာꩻအဆွတ်ꩻ မဲဉ်ႏအွဉ်ႏပြုံႏ၊ ထီႏဒွုမ်အဆွုမ်ႏ ထိုလဲဉ်းမျင်ꩻမိုရ်ႏကောင်၊ ထီဒွုမ်အဆောင် ထိုလဲဉ်ႏဟံႏ၊ ထီႏထွꩻနွောင်ꩻဒွုမ်အဆောင် အာလဲဉ်ႏဟံႏ၊ ယံကလွစ်ထန်ႏ ပွိုးအောဝ်ႏကီ၊

ဟန်ႏသနီꩻယိုဗွေႏစင်ꩻခွုမ်တွမ်ႏဝီꩻတဲင် ဟော်ꩻသဂျိုဟ်ႏ၊ ယံကဟွိုန်ဗွိုႏ ခန္ဓာႏနမ်း၊ ယံကဟွိုန်ငမ်း ရုပ်နာမ်ႏပွိုင်၊ ဗွေႏစင်ꩻထေခြွိုင် အလုဲင်ꩻဆꩻ၊ ဗွေႏစင်ꩻနယ်ပျꩻ တဖူꩻဟောဝ်၊ ယံကတွိုႏဖျော် ခမ်းမဂ်ဖိုလ်ႏ၊ ယံဖေႏကတွိုႏ ခမ်းဝေင်ꩻရောင်း၊ ကိလေႏသာႏစင်ꩻကြောင်း တဏှာႏဝုဲင်ꩻ၊ ဘဝထီယုဲင်ꩻ ယံပသို့ꩻ၊ ဘဝထီဗို့ꩻ ယံထိုꩻမာႏ၊ ကျိုꩻစာꩻဒွူႏတွောင်သွော့ဝင်ꩻမျာꩻတကာႏသီးယာ လိုꩻအာတဖုံႏ အားလုံးတဉ်ဟွေး ။