ငေါဝ်ႏပင်ꩻဘုရာꩻ လာ−တင်ꩻကျွစ်ဗွေ

ဩကာသ၊ဩကာသ၊ဩကာသ၊ ဗွန်ထိုစီနစေဝ်ႏဘုရာꩻ၊ ရောင်ႏတောႏသူပါꩻတင်ႏလေလင်း၊ စွစ်ထီတိုꩻခမ်ႏ ကယ်ꩻမွုးလာ၊ ဘွုံꩻထူꩻဘဂဝါမန်ႏကင်ꩻစော့ꩻ၊ လိုꩻလူꩻချွစ်သော့ꩻ ပသာဗာႏ၊ ဝွေႏနေယျသတ္တဝါႏ အနန္တ၊ ယိုခါကာလ သွဉ်းတကာႏ၊ ခိန်ႏတွိုႏအခါႏတင်ꩻကျွစ်လာ၊ တဆီလစ်ဟာ သွဉ်းဖစ်ပင်ꩻ၊ ယံဖေႏကြွꩻလင်ꩻသွဉ်းပင်ꩻလေဝ်း၊ ယာစိတောငေါဝ်း သွဉ်းတောင်ꩻပြန်ႏ ဟူဖောင်ႏကေဝ်ႏတလင်ႏ ခွုမ်ယွော့ꩻဖင်ꩻ၊ ခွေ−ဗွေႏသွဉ်းပင်ꩻ ယံကြွကာ၊ အာႏရုံႏလေဗွာ ဆꩻကွဉ်ႏရောင်ႏ၊ မွူးမင်လေတောင်ႏ အာႏရုံႏဖျော်၊ ကျောင်ꩻတောႏအကို ဝိဟာႏဖူꩻ၊ အဆောင်ဆေင်ႏစုꩻ ရာႏဇာႏမတ်၊ လစ်ဖဲ့ꩻလယ်ႏပတ် ကွပ်ခူကဝ်ႏ၊ ထထီႏမွူးအေဝ်ႏ တောင်းလုဲင်စော့ꩻ၊ စွုမ်ႏစီးပါသွော့ꩻ ကဝ်ႏမျိုꩻအာ၊ တနျာႏလေဗွာ ကေဝ်ႏလူႏဒွူႏ၊ ကပ်ထံတွမ်ႏသူႏ ဗွူမွူးဆုံꩻ၊ သဉ်ယေ့ꩻလာႏလုံꩻ တန်ꩻကူပါ၊ အမျိုꩻကအာ လဲင်ႏစွုမ်ႏစီႏ၊အရာႏအဒီႏ အစီဖျောင်၊ အဆုံꩻအလွမ် အွဉ်ႏဟွဲးပါ၊ ထွူယေဝ်တဲင်ခါ ယိုတလဲင်ႏ၊ သိခဲင်နီဗွေႏ စဝ်ႏဗွန်တန်၊ ခွေဗွေႏကိုႏယံ ဝုဲင်ႏရိုႏသေႏ၊ ကန္တော့ꩻ ဝနွေႏ ဂါရဝ၊ ယိုခါကာလꩻသွဉ်းလေဝ်းပင်ꩻ ၊ ယံဖေႏကြွꩻလင်ꩻ သွဉ်းပူႏဇော်ႏ ၊ ဒဲဉ်ဗွာသွမ်ꩻတောႏ ပိဏပတ်၊ ခဲးဖွယ်ꩻ ဘောဇန အာႏလုံႏပေါင်ꩻ၊ ပူႏဇော်ႏ ကပ်လောင်ꩻ ဥဒ္ဒိဿ၊ သွဉ်းဗွေႏရေႏမတ် စေဝ်ႏဘုရာꩻ၊ လျောက်လဝ်းပင်ꩻခါꩻ ဗွေႏစေဝ်ႏဩ။