ငဝ်းဝုဲင်ႏဘုရာꩻ ( ကျာႏသပတေꩻနီꩻ - အုံသန္ဓေႏခန်ꩻ)

အဝ်ႏ ဝီခီပီးဒီးယား ကို

၁။ တယ်ႏသုမေႏဓာႏ ကျိုꩻစာꩻရေႏ
         လစ်ꩻအသင်ႏချေႏ လွိုငါကိန်ꩻ
         ကမ္ဘာႏတသိန်ꩻ စွဉ်ꩻသက်သွီႏ
         ထဲမ်ပါႏရမီႏ ဆုဲင်ꩻသွတ်ꩻဇာတ်
         ဘုရာꩻလောင်ꩻမျတ် ခွန်ဝေဿန်ႏ
         ဘဝပြောင်ꩻထန်ႏ ထွာတေားလူꩻ
         တုသီႏခမ်းသူꩻ သာႏယာႏစု
         " သေတကေတု " အမဉ်ꩻတွင်ႏ
          အဝ်ႏအုံပျောႏသွင်ႏ အယံတွင်ꩻ
          တွိုင်ႏပင်ႏလို့ဝင်ꩻ လူꩻဗျဟ္မာႏ
          လွဉ်တောင်ꩻပြန်ႏဗာႏ ဘုရာꩻလောင်ꩻ
          ထဲမ်ဗွေဆုတောင်ꩻ ပါႏရမီႏ
          ခိန်ႏတွိုႏဗွေညီႏ ယိုလဲင်ႏခါ
          လိုꩻခမ်းယံထွာ ဗွေႏဘုရာꩻ
          ကွပ်ပွိုးလဝ်းခါꩻ တောင်ꩻပြန်ႏလွ
          မဟာႏသက္က သူဆီနွုတ်ꩻ
          လူꩻသက်လို့ယွုတ်ꩻ လင်ꩻလိုꩻဒုံ
          သန္ဓေႏတယ်ႏအုံ မွိုးနမ်းလောင်း
          ဝါႏဆိုႏဗွေကောင်း နီꩻကျပ်တေꩻ
          သꩻကိုယူႏလွေꩻ ပီတိပြုဲင်
          မွိုးဟို့ꩻဗိုတုဲင် ကကိန်ꩻသော့ꩻ
          တရေꩻပွုံႏရော့ꩻ ခွန်ပေႏဆား
          ဟဝ်ရက်ဖုဲင်ႏထွား သꩻကိုယူႏ
          ရောင်းရဲ့ခွꩻရျူႏ စုံသွုန်ႏထီ
          စူနုံတဆီ ကတောင်ဒင်ႏ
          ရိုႏသေႏဝုဲင်ႏထင်ႏ သန္ဓေႏဟို့ꩻကိုဩ ။ ။
          သန္ဓေႏခန်ꩻနေား ဝုဲင်ႏဓိဋ္ဌာန်ႏ
          မဂ်ဖိုလ်ႏနိဗ္ဗာန်ႏ ယံလꩻမွိုင်
          တဏှာႏ၀ဋ်စွိုင် ခုဲင်ႏလွစ်တဝ်း
          ဘဝမုဲင်ꩻယဝ်း အုံသန္ဓေႏ
          ယံမော့ꩻမွိုးဗွေႏ သူႏတောႏမျတ်
          ကုဲင်ပြင်ꩻတရတ် သီတခြို
          မွိုးဗွေႏဟို့ꩻကို ဒုက္ခလျား
          ဝင်ꩻကကျံႏယား အမျိုꩻမျိုꩻ
          ထွာလꩻကီလိုꩻ မဲ့ခေ့ꩻလို့
          စူပွတ်ꩻခင်ႏထို့ ကုဲင်အင်္ဂါႏ
          တအွိုင်တအာႏ နီဖြာꩻဆွိုင်ꩻ
          စွုမ်ႏဘဝတွိုင်ꩻ ဒုက္ခခုဲင်ႏ
          ယံမော့ꩻဗာႏပုဲင်ႏ ဆုတောင်ꩻနုဲင်းနဝ်ꩻဩ ။

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

[၁] [၂]

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ငဝ်းဝုဲင်ႏဘုရာꩻ ကျပ်တေꩻနီꩻအုံသန္ဓေႏခန်ꩻ