တသီႏအနယ်ꩻဒွေါင်ႏ

လိုꩻပေႏတငယ်ႏနာႏဟဝ်နယ်ꩻ ဖေႏအံႏခွိုꩻခွိုꩻဖေႏသွော့ ထထီရာႏ( ဆျာႏ )ဖို့ꩻနော ၊ လိုꩻပေႏတငယ်ႏနာႏဟဝ်ဒျာႏသွူ ၊၊

      လိုꩻပေႏဟို့သားထိုꩻမားနယ်ꩻ

ယာလာႏဖားယို မာꩻစဝ်ႏထီတဲင် အွဉ်ႏကပ်ပယ်ဖေႏသွော့ လိုꩻပေႏဟို့လောင်းနော ၊ ထိုꩻမားဒျာႏသွူ ၊၊

      တဗင်အဲင်ႏ.......

တဗင် ၊ ထွိုင်း တရိုꩻတဝ်း ၊ ထာꩻသားပေႏမျိုꩻမိဉ်ႏအဲင်ႏဒါႏနဝ်ꩻ မူမောင်းကြဲင်ꩻခူꩻ သူႏဖေႏနော ၊၊

       ခွဉ်ႏပေႏထီ မိဉ်ႏအဝ်ႏရီႏဗဲက့်လင်ꩻတသေႏသေႏနဝ်ꩻ တလာꩻရာႏ သွတ်ꩻထီတွမ်ႏ တမူထီရော်ꩻဝင်ꩻအွꩻသွော့ ၊ ယေန်ထိုꩻဗာႏသွူ ၊၊

(တနယ်ꩻယင်းနဝ်ꩻ) သွတ်ꩻဖက်ခေါ်တွော့အွꩻသွော့ဖက်ခေါ်ထီနော ၊

        ငင်းဆာ..........

ဒွိုႏအွꩻသွော့ဝါႏလာႏထီ ၊ ဒွိုႏသွော့နုဲင်းဟန်ႏအိုတဲင် အံႏအွꩻသွော့နော ၊ ငင်းဆာဟဝ်ဒျာႏသွူ ၊၊

         ကတူႏအဲင်ႏဆာ.......

မောင်းကြဲင်ꩻရာႏမိဉ် တွမ်ႏတသာႏကြူးရော့်ဝင်ꩻတဲင်တရေ့ဖေႏသွော့ ၊ ကတူႏအဲင်ႏဆာဟဝ်ဒျာႏသွူ ၊၊

    ဖြောင်းကုဲင် ဖြောင်းရသာႏကုဲင်........

အံႏအမျိုႏမုဲင်ꩻတဲ့ တအွီႏတဝ်း ၊ ဖြောင်းဖြေꩻရသာႏအဲဉ်ထဝ်း စစွဉ်းယိုမိဉ်ႏထွာနဝ်ꩻ ထထီႏရာႏမိဉ် တွမ်ႏတောင်းလျက်ꩻထန့်ꩻ အံႏရော်ꩻသွော့လို့ဝင်ꩻနော ၊ မဲဉ်အံႏထမုဲင်ꩻအံႏဖြောင်းအွီႏဗာႏတဲ့ ၊၊

   ထပေႏဆွတ်ꩻမိဉ်ႏဆော့ꩻ မိဉ်ႏအဝ်ႏခံ........

အံႏဖေႏသွော့တလာꩻရာႏ ၊ ထပေႏဆွတ်ꩻထန်ႏထိုꩻဗာႏ ၊ ဟဝ်ထိုꩻဗာႏသွူ ၊၊

           ကလူꩻဒေါ့ꩻနယ်ꩻ........

ပညာႏသျင်ႏတမွေးတဝ်း ကတောင်တကြန်း ကလူꩻတဒေါ့ꩻတဝ်း ကလူꩻမိဉ်ႏလွꩻခွိုꩻဒါႏ ကလူꩻမိဉ်ႏဆေ့ꩻနဝ်ꩻ မောက်ဖားခူꩻယို မူတွမ်ႏထီသူႏဖေႏသွော့ ကလူꩻဟဝ်ယင်းသွူ ၊၊

ကလူꩻဗွာ ( မွေးတဝ်းလဲ့ )ကလူꩻဖြိန်းနယ်ꩻ......

ထထီႏရခဲင်ႏရာႏမိဉ် တွမ်ႏတမူထီ စဲးသွော့တနေင်းရပ် ၊ မဉ်းထွူ အံႏသွော့ ၊ ( တနယ်ꩻ ) မူမောင်းကြဲင်းခူꩻ သူႏဖေႏသွော့ ကတူႏတဖြုံႏလွုမ်းတသေးသေး ကလူꩻဗွာထိုꩻမာႏ ဖြိန်းကရစ့်ဗာႏယင်းသွူ ၊၊

      လိုꩻမူႏဓမ္မတာႏသွီႏလွဉ်ꩻ........

တလာꩻရာႏတွမ်ႏ တောင်းလျက်ꩻ အံႏရော်သွော့လိုꩻဝင်ꩻ ဟဝ်ဗာႏတဲ့ ၊၊

         နားဆာ နားအဲင်ႏ.......

ဖက့်ဗိုႏဒီႏတနျာႏယို ဖို့မေႏထွူတဲင် ဖက့်ဗိုႏထီလွုမ်ꩻလွုမ်ꩻယို စေ့သော့ꩻသွော့နားကိုနော ၊၊

         နဲဉ်းထီထန်ႏနယ်ꩻ.......

ဒွိုႏအံႏသွော့ သင်ႏဘော့်ရာႏတသဉ်နော ၊ နဲဉ်းထီထန်ႏဗာႏသွူ ၊၊

         လွူးပိုယို့ꩻနယ်ꩻ........

ထထီႏရာႏမဉ်ယို အိုႏထို့ထွူအပီတဲင် အွဉ်ႏဒင်ႏပတ်ဖေးသွော့ဟို့လောင်း ၊ လွူးပိုယို့ꩻနေနေတဲ့ ၊၊

           မေႏခိုးယာႏ.......

မေႏမိဉ်ႏခိုႏဒါႏလိုꩻယာႏနဝ်ꩻ တွမ်ႏထထီႏလာႏတသဉ် အွဉ်ႏကွပ်ဖေႏသွော့ ဟဝ်ဗာႏနော ၊၊

           မဲ့ဆာဟဝ်နယ်ꩻ........

မောင်းကြဲင်ꩻဖေ့ယို တွမ်ႏတသာႏရော်ꩻဝင်ꩻတဲင် မူသွော့ ၊ မိဉ်ႏထွူ သူႏဖေႏသွော့မဲ့ထျꩻ ၊၊

   သွီႏတို့ ( သွေးတိုး ) ဟဝ်နယ်ꩻ.........

အံႏတသေႏသေႏသွော့ ဖက်ခေါ်နော ၊ သွီႏတို့သွီႏထင်ႏ ဟဝ်ဗာႏဒျာႏရင်ꩻ။

         ဆွတ့်ထို့ သွုပ်နယ်ꩻ........

ဟန်ႏနောက့်လာႏ၊ မိတ်သလင်း ၊ မေ့တသဉ် တတွာတွာဝင်ꩻ ထောင်းရော်ꩻဝင်ꩻတဲင် ဆွတ့်ကထို့ဒါႏအရပ်နဝ်ꩻ အွဉ်ႏပယ်ဖေႏသွော့ ညတဝ်း ဟဝ်ဒျာႏသွူ ၊၊

       ထွီႏဗားမိဉ်ႏအဲင်ႏ........

ထွီႏဗားမိဉ်ႏအဲင်ႏ အံႏသွော့ မောက်အွန်ရာႏနော ၊ ထွီာဗားရေားဂါႏထွာတဝ်းတဲ့ ၊၊

~ အံႏဒဲဉ်မိဉ်ႏကွို့လွဉ့်ꩻငါႏ👉 အံႏဖေႏသွော့တောင်း လျက်ꩻထန်ꩻ ~ မိဉ်ႏဟတ့်လွဉ့်ꩻငါႏ 👉 အံႏဖေႏသွော့အနွိုးတမျိုꩻမျိုꩻ ~ မိဉ်ႏဆျာႏလွဉ့်ꩻငါႏ 👉 အံႏဖေႏသွော့အဟတ့်တမျိုꩻမျိုꩻ ~ မိဉ်ႏနွိုးလွဉ့်ꩻငါႏ 👉 အံႏသွော့အဆွံတမျိုꩻမျိုꩻ ~ မိဉ်ႏခါႏလွဉ့်ꩻငါႏ 👉 အံႏဖေႏသွော့ အတချꩻတမျိုꩻမျိုꩻ ၊၊