ထာꩻဆာမျိုꩻ(၉၆)ပါꩻ

မန်းယိုꩻယာႏ တသီႏပညာႏအလꩻ ထာꩻဆာမျိုꩻအောဝ်ႏ (၉၆)ပါꩻ၊ တနယ်ꩻ အောဝ်ႏ(၉၈)ပါꩻနောဝ်ꩻသွူ။

စက္ခုရောဂါ (မဲ့ရောႏဂါႏ)

သောတရောဂါ (နားလာႏရောႏဂါႏ)

ဃာနရောဂါ (နေ့ဖူကောင်ꩻရောႏဂါႏ)

ဇိဝှာရောဂါ (ဖြေꩻရောႏဂါႏ)

ကာယရောဂါ (နမ်းကိုကထွာဒါႏရောႏဂါႏ)

သီသရောဂါ (ကတူႏကိုကထွာဒါႏရောႏဂါႏ)

ကဏ္ဏရောဂါ (နားလာႏကိုကထွာဒါႏရောႏဂါႏ)

မုခရောဂါ (ဖြောင်းကိုကထွာဒါႏရောႏဂါႏ)

ဒန္တရောဂါ (ဖြောင်းကိုကထွာဒါႏရောႏဂါႏ)

ကာသော (တဟေရောႏဂါႏ)

သာသော (ဆာရွိုးရောႏဂါႏ)

ပိနာသော (နေ့ဖူပေ့ꩻရောႏဂါႏ)

ဒါဟော (နမ်းကိုလျားရောႏဂါႏ)

ဇရော (အဆော့ရောႏဂါႏ)

ကုစ္ဆိရောဂေါ (ဟို့ꩻကိုကထွာဒါႏရောႏဂါႏ)

မုစ္ဆာ (သီႏမူꩻရောႏဂါႏ)

ပက္ခန္ဒိကာ (ဟို့ꩻလွေꩻသွီႏရောႏဂါႏ)

သူလာ (တလီꩻချဲ့ဆာရောႏဂါႏ)

ဝိသုဓိကာ (ဟို့ꩻရောႏဂါႏ)

ကုဋ္ဌ (တွတ်ꩻဆာရောႏဂါႏ)

ဂဏ္ဍော (−−−−−−−)

ကိလေသော (တကီႏလုဲင်ꩻနုဲင်းငွီႏဗွာ)

သောသော (တဟေခြꩻရောႏဂါႏ)

ဒန္ဒု (ထာꩻဆာဟွေႏဟဲင်)

ကဏ္ဍု (ဆာဟွေႏဟဲင်)

ကစ္ဆု (ပွေး)

ဝိကစ္ဆိကာ (စူယာꩻ၊ ခင်ႏယာꩻ ပꩻရောႏဂါႏ)

လောဟိတပိတ္တံ (အော့သွီႏ၊သွီႏလင်ꩻရောႏဂါႏ)

မဓုမေဟော (ဆီႏနွိုးရောႏဂါႏ)

အံသာ (မျင်ꩻတရွိုက်ရောႏဂါႏ)

ပိဠကာ (ထာꩻဆာယေန်ꩻ)

ဘဂန္ဒလာ (ဗရဲင်ဂျင်ဆာ) − ခြွဉ်း ထာꩻဆာမျိုꩻအောဝ်ႏ(၃၂)မျိုꩻနဝ်ꩻသွူ။

ထာꩻဆာ(၃၂)မျိုꩻဖုံႏယို တလီꩻ၊ သွုန်ႏထီကုဲင်၊ ခက် ဖုံႏနဝ်ꩻ တောမ်ႏဒေါသကုဲင်(၃)မျိုꩻ မိဉ်ႏမာဆပွန်းနဝ်ꩻထွာထာꩻဆာ(၉၆)ပါꩻရောႏဂါႏနဝ်ꩻသွူ။

အပမာရော(ထော့ꩻဗေန်ႏရောႏဂါႏ)တောမ်ႏ နခသာ(တောမ်ႏစူမီႏ ခြဝ်ႏဗာႏထာꩻဆာ)(၂)မျိုꩻ မိဉ်ႏခြွဉ်းဝင်ꩻနဝ်ꩻ ထွာလွဉ်လုဲင်ႏထာꩻဆာမျိုꩻ (၉၈)ပါꩻနဝ်ꩻသွူ။မွိုးစိုး၊ဖါပန် စိုး(ခေတ်)အဆွုပ်ဆွုပ် ကဆုတောင်ꩻဖေႏဒါႏပိုလီꩻဖုံႏနဝ်ꩻ "ထာꩻဆာမျိုꩻ(၉၆)ရောႏဂါႏယံကကင်ꩻ" ဆုတောင်ꩻဖေႏဒျာႏနေးနဝ်ꩻသွူ။