ပအိုဝ်ႏလိတ်လုဲင်ꩻယေန်ႏငဲး(ဗဟိုႏ)

နေင်ႏ ၁၃၈၀-ဗွေ၊ ဒုတိယဝါႏဆိုႏလာဆန်ꩻ(၁၃)နီꩻ (၂၅-၇-၂၀၁၈)၊ မွူးနီꩻ-ဗုဒ္ဓဟူꩻ ပအိုဝ်ႏစွိုးခွိုꩻလွိုင်ႏကွိုန်ꩻသာႏယာႏရေꩻဒဲဉ်သီႏဗွေကွင်ꩻ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ပအိုဝ်ႏစွိုးခွိုꩻ ဘာႏသာႏ၊ သာႏသနာႏပင်ႏထိုရေꩻအစွိုꩻ ပဏာမ ပွယ်ꩻမော့ꩻခွဲမတ်တန်ꩻ ++++++++ ၁။ မွူးနီꩻ - နေင်ႏ ၁၃၈၀-ဗွေ၊ ဒုတိယဝါႏဆိုႏလာဆန်ꩻ(၁၃)နီꩻ၊ (၂၅-၇-၂၀၁၈)၊ မွူးနီꩻ-ဗုဒ္ဓဟူꩻ ၂။ အခိန်ႏ - တယ်ႏစမွူးရောဝ်ꩻခိုႏ (၁၁း၃၀) ဗꩻ မွူးပင်ꩻ (၃း၃၀)နားရီႏအခိန်ႏ။ ၃။ ခင်ႏလမ်း - ပအိုဝ်ႏစွိုးခွိုꩻလွိုင်ႏကွိုန်ꩻသာႏယာႏရေꩻဒဲဉ်သီႏဗွေကွင်ꩻ ဟော်တန်ကို။ ၄။ ကျွꩻထင်ႏပုဂ္ဂိုလ်ႏ - ခမ်း(၄)ခမ်း စုခြွဉ်း (၁၂၉)ဖြာꩻ။ အခြပ်အရဲဉ်ႏ- ၁။ ခမ်း(၄)ခမ်း နမ်းတင်ပုဂ္ဂိုလ်ႏဖုံႏ ထူႏခင်ႏလမ်းအုံသွူ။ ၂။ ခံႏနွမ်ꩻလွေꩻအလံႏတောႏ တွမ်ႏရွစ်သွိုညီꩻဝင်ꩻ စွိုးခွိုꩻငေါဝ်းသချင်ꩻသွူ။ ၃။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ဥက္ကဋ္ဌတန် ဦးခွန်ဝင်းကို ဒေါ့ꩻလွေꩻဖေႏ အရေꩻတန်လဲဉ်း စွိုးခွိုꩻ ဘာႏသာႏ သာႏသနာႏကိစ္စ အဗွောင်ငေါဝ်းငွါသွူ။ ၄။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ) ဒု-ဥက္ကဋ္ဌ ဦးခွန်မင်းကျော် ဒေါ့ꩻလွေꩻဖေႏ ကဟဲ့ꩻလွေꩻဗာႏ မော့ꩻခွဲးပွယ်ꩻကိစ္စဖုံႏသွူ။ ၅။ ဖွဲ့လွောင်ႏဗူႏလွေꩻ ပဏာမ ခမ်းအလွောက်ꩻ "ပအိုဝ်ႏစွိုးခွိုꩻ ဘာႏသာႏ သာႏသနာႏ ပင်ႏထိုရေꩻအစွိုꩻ"ဖုံႏသွူ။ ၆။ ဖွဲ့လွောင်ႏဗူႏထင်ႏ ပဏာမ "ပအိုဝ်ႏစွိုးခွိုꩻ ဘာႏသာႏ သာႏသနာႏ ပင်ႏထိုရေꩻအစွိုꩻ"(ဗဟိုႏ)နောဝ်ꩻသွူ။ ၇။ ဒေါ့ꩻရီတွိုင်ႏပင်ႏ အစွိုးစွိုးအဒေါဝ်ႏဒေါဝ်ႏကိစ္စဖုံႏသွူ။ ၈။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ထွို့ꩻဗူႏရေꩻတွမ်ႏ "ပအိုဝ်ႏစွိုးခွိုꩻ ဘာႏသာႏ သာႏသနာႏပင်ႏထိုရေꩻအစွိုꩻ အွဉ်အကိုရေꩻ ဖြားခွန်ပညာႏ ဖေႏအပ်သဲင်ꩻချာ ခမ်းအလွောက်ꩻ တာႏဝွန်ႏတွမ်ႏ ထာꩻမာꩻကိစ္စဖုံႏနောဝ်ꩻသွူ။ ၉။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ) ဒု-ဥက္ကဋ္ဌတွမ်ႏ ပအိုဝ်ႏစွိုးခွိုꩻ ဘာႏသာႏ သာႏသနာႏပင်ႏထိုရေꩻအစွိုꩻ ဥက္ကဋ္ဌ ဦးခွန်မင်းကျော် ဒေါ့ꩻလွေꩻဖေႏ ငေါဝ်းကေꩻဇူꩻတင်ႏနောဝ်ꩻသွူ။ ၁၀။ ရွစ်သွိုညီꩻလွေꩻဝင်ꩻ ထွိုင်ႏခန်းလုဲင်းနီပအိုဝ်ႏ ငေါဝ်းသချင်ꩻတဲင် ထူႏသိမ်ꩻချာ မော့ꩻခွဲးပွယ်ꩻ အခြပ်အရဲဉ်ႏနောဝ်ꩻသွူ။ "ပဏာမမော့ꩻခွဲပွယ်ꩻ အွဉ်ႏထွော့ချက်" "အွဉ်ႏထွော့ချက်(၁)" ၁။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ပအိုဝ်ႏစွိုးခွိုꩻ ဘာႏသာႏ သာႏသနာႏ ပင်ႏထိုရေꩻအစွိုꩻ။ "ဩဝါဒါစရိယဗွေႏဆရာႏတောႏ" (က) ဗွေႏပညာသိရီဘိဝံသ (အဂ္ဂမဟာပဏ္ဍိတ) ဖြောဝ်ꩻခမ်းနယ်ႏ သံဃနာယကဥက္ကဋ္ဌ၊ ကျောင်ꩻမူလမင်းကွန်း။ (ခ) ဗွေႏဂုဏဝံသာလင်္ကာရ (အဂ္ဂမဟာသဒ္ဓမ္မဇောတိကဓဇ) ဝေင်ꩻနယ်ႏသံဃနာယက အွဉ်အကိုရေꩻ၊ ကျောင်ꩻစူဠာမုနိ။ (ဂ) ဗွေႏစန္ဒာဝရ (သာသနတက္ကသီလဓမ္မာစရိယ B.A (Hons) (သာသနတက္ကသီလမဟာဓမ္မာစရိယ M.A (Buddhism) ကျောင်ꩻစန္ဒာရာမ။ (ဃ) ဗွေႏရာဇိန္ဒသီရိ (သာသနဓဇဓမ္မာစရိယ)၊ ကျောင်ꩻနောင်တောင်ꩻ။ (င) ဗွေႏဥတ္တရ (ဘာသန္တရဆေကဓမ္မာစရိယ B.A (Inso-Aryan) ကျောင်ꩻအောင်မြင်ဇေယျုံ(စေႏတီႏကွုံꩻ)ဖုံႏနောဝ်ꩻသွူ။ "အွဉ်ႏထွော့ချက်(၂)" ဗဟိုႏထာꩻမာꩻအမုဆောင်ႏ ဥက္ကဋ္ဌအစွိုꩻ (က) ဥက္ကဋ္ဌ ဦးခွန်မင်းကျော်၊ (ပ-အ-စ-ယ) ဗဟိုႏ (ခ) ဒု-ဥက္ကဋ္ဌ ခွန်နေဝင်း ထီခြဲမ်၊ စန္တာႏခမ်း (ဂ) ဒု-ဥက္ကဋ္ဌ ခွန်ဉာဏ်လင်း နောင်ကာꩻ၊ ဖြားဗွာခမ်း အွဉ်အကိုရေꩻအစွိုꩻ (က) အွဉ်အကိုရေꩻ ဦးခွန်ပညာႏ (ပ-အ-စ-ယ) ဗဟိုႏ (ခ) တွယ်ꩻဖက်အွဉ်အကိုရေꩻ ခွန်ထွက်ဆိုး ပဆျာႏကြိုႏဒုံ၊ သူရိယခမ်း (ဂ) တွယ်ꩻဖက်အွဉ်အကိုရေꩻ ခွန်ကျောႏခမ်း (ပ-အ-စ-ယ) ဗဟိုႏ (ဃ) တွယ်ꩻဖက်အွဉ်အကိုရေꩻ ခွန်ဆန်းအောင် တနွိုင်ထုံ၊ မျင်ꩻမိုရ်ႏခမ်း - သတင်ꩻထေထန်ႏရေꩻ(အွန်လိုင်း) ခွန်ရဲအောင်၊ ဖါမွိုန်း၊ ဖြားဗွာခမ်း - လောဝ်းဟွိုန်ရေꩻ ခွန်ကိုကိုဦး၊ ညောင်ပင်သာ၊ တောင်ႏကီꩻ - သွုပ်ဆံႏရေꩻ ခွန်ညွန့်မောင်၊ ပဆျာႏကြိုႏ၊ သူရိယခမ်း - ဘဏ္ဍာႏထိန်ꩻ ခွန်ဟန်မင်းထွန်း၊ ညောင်ပင်သာ၊ တောင်ႏကီꩻ - ထွို့ꩻဗူႏရေꩻ ခွန်လှော်၊ မုဲင်းသောစဲဉ်ႏ၊ မျင်ꩻမိုရ်ႏခမ်း - စာႏရင်ꩻစဲစ် ခွန်သိန်းကျော်၊ မွဉ်ꩻမွူး၊ မျင်ꩻမိုရ်ႏခမ်း - သုတေသန ဦးခွန်ရာမ (ပ-အ-စ-ယ) ဗဟိုႏ - ဖေႏသွဉ်တန်ꩻတာႏဝွန်ႏခံႏ ခွန်ပညိန္ဒ၊ ပင်မွဉ်ꩻ၊ စန္တာႏခမ်း - ဥပဒေႏရေꩻရာႏ ခွန်ဇာႏလီႏ၊ ဟံႏဗွာ၊ တောင်ႏကီꩻ - ယေန်ႏငဲးရေꩻတွမ်ႏ စာရိတ္တပင်ႏထိုရေꩻ ဆရာႏဒု၊ ကန်ႏတန်၊ တောင်ႏကီꩻ နေင်ႏ ၁၃၈၀-ဗာႏ၊ ဝါႏခေါင်ႏလာလောင်း(၈)နီꩻ (၃-၉-၂၀၁၈)၊ မွူးနီꩻ-တနင်ꩻလာႏ ပအိုဝ်ႏစွိုးခွိုꩻအဖဲ့ꩻပေါင်ꩻစွုမ်ႏ လွိုင်ႏကွိုန်ꩻသာႏယာႏရေꩻဒဲဉ်သီႏဗွေကွင်ꩻ-ဟော်တန်အကို ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ)တွမ်ႏ ဒေသပေါင်ꩻစွုမ်ႏ အစွိုꩻပေါင်ꩻစွုမ်ႏ၊ ဝေင်ꩻနယ်ႏပေါင်ꩻစွုမ်ႏ နေင်ႏခွပ်မော့ꩻခွဲးပွယ်ꩻ မတ်တန်ꩻ ၐၐၐၐၐၐၐၐၐၐၐ မွူးနီꩻ - နေင်ႏ ၁၃၈၀-ဗာႏ၊ ဝါႏခေါင်ႏလာလောင်း(၈)နီꩻ၊ (၃-၉-၂၀၁၈)၊ မွူးနီꩻ-တနင်္လာႏ။ အခိန်ႏ - တယ်ႏစမွူးရောဝ်ꩻခိုႏ(၁၀း၀၀)နားရီႏ ဗꩻလင်ꩻ မွူးဟာ(၆း၂၀)နားရီႏ။ ခင်ႏလမ်း - ပအိုဝ်ႏစွိုးခွိုꩻအဖဲ့ꩻပေါင်ꩻစွုမ်ႏ လွိုင်ႏကွိုန်ꩻသာႏယာႏရေꩻဒဲဉ်သီႏဗွေကွင်ꩻ-ဟော်တန်အကို။ အခြပ်အရဲဉ်ႏသား - ခွန်တင်အောင်၊ ခွန်စင်ဟန် ဒင်ႏမတ်တန်ꩻသား - ခွန်ဝေးမောင်ႏ ဖစ်ထေ့ပုဂ္ဂိုလ်ႏ - (၁၄၅)ဖြာꩻ၊ ကျွꩻထင်ႏလွဉ်ပုဂ္ဂိုလ်ႏ (၁၃၄)ဖြာꩻ။ အခြပ်အရဲဉ်ႏ (ပထမပဲင်ꩻ) ၁။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ဥက္ကဋ္ဌတန် ဖြားတန်ခွန်ဝင်းကို ဒေါ့ꩻလွေꩻဖေႏအဗွောင်ငေါဝ်းငွါနုဲင်းယိုသွူ။ (က) လိတ်လုဲင်ꩻယေန်ႏငဲရေꩻအစွိုꩻယို တယ်ႏလွေꩻဒုံ/ အွိုင်ႏ/ ဝေင်ꩻနယ်ႏဖုံႏနောဝ်ꩻ တိဉ်ႏတိဉ်ႏခွေါင်ခွေါင် ဖေႏကဖွဲ့မွဉ်းဖျင်လွေꩻဖေႏ။ (ခ) ပအိုဝ်ႏလိုꩻအဖြာꩻပေါင်ꩻ(လူဦးရေစစ်တမ်း)ယို နုဲင်ႏငံႏတောႏကကွီလွဉ်ဒါႏနောဝ်ꩻ ပအိုဝ်ႏလိုꩻမျိုꩻ အဖြာꩻပေါင်ꩻအစဲစ်အမဲဉ်ႏ ဖေႏကဒင်ႏသွင်ꩻနွောင်ꩻအီအတာႏ တဲပ်တဲပ်နဲပ်နဲပ် ဖေႏကအောဝ်ႏ ဗွောင်ထွူသွဉ်တန်ꩻတဲင် ယံတွမ်ထူႏလွေꩻဖေႏ။ (ဂ) စွိုးခွိုꩻခြွိုင်းခြိုꩻအွဉ်ႏနယ်တွိုက်ယို ကရေႏမာꩻလွေꩻဒါႏ ပင်တခွါꩻဒုံကောင်ရွေꩻကိုနောဝ်ꩻ ယိုခါ အခေႏအနေႏအလꩻ အီႏမာꩻလွေꩻချာယင်းဒျာႏ ဒဲဉ်သီႏဗွေကွင်ꩻကိုတဲင် အနမ်းအခြုံဖေႏကပေါႏထန်ႏနွောင်ꩻ ယံလွောင်ႏဗူႏလွေꩻဖေႏ ကောႏမတီႏသွူ။ (ဃ) ကရီးခါ ကရေႏမာꩻလွေꩻဒါႏ ပင်ႏတခွါꩻဒုံကောင်ရွေꩻ ခြွိုင်းခြိုꩻအွဉ်ႏနယ်တွိုက်သူꩻနောဝ်ꩻ ကွီကူႏညီႏလူႏခံႏလွေꩻဗာႏဖို ခမ်းသားအမျာꩻ တလမ်း(၅၀၀)တဲင် လꩻလွေꩻဗာႏဖို(၅၄)သိန်ꩻဒျာႏသွူ။ (င) ဝေင်ꩻနယ်ႏစွုမ်ႏ၊ ဒေႏသစွုမ်ႏ၊ အစွိုꩻပေါင်ꩻစွုမ်ႏ ကမော့ꩻခွဲးဗာႏဝင်ꩻ နုဲင်းဟန်ႏသနီꩻယိုနောဝ်ꩻ အခိန်ႏဒွေါင်ႏဒွေါင်ႏအကို ယံဒင်ႏပျꩻဆွေꩻနွေꩻလွေꩻသွော့ဝင်ꩻအကျောင်ꩻ ဒေါ့ꩻလွေꩻအဗွောင်ငေါဝ်းငွနုဲင်းယိုသွူ။ ၂။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ) ကောႏမတီႏအစွိုꩻနွို့ သုတေသနမှူး ဖြားခွန်ရာမ ဒေါ့ꩻဒင်ႏပျꩻနယ်လွေꩻနုဲင်းယိုသွူ။ (က) နဲင်ႏငံႏတောႏအစိုႏရနောဝ်ꩻ ပွိုင်းဝွို့တွမ်ႏခမ်းရင်ꩻသား အခွင်ꩻအရေꩻအလꩻ ခွိုꩻနွယ်ႏပအိုဝ်ႏလိတ်လုဲင်ꩻယေန်ႏငဲရေꩻ ကလꩻလွဉ်ဒါႏ ရုဲင်ꩻတသွိုးခွင်ꩻ၊ မာꩻပဲင်ႏခွင်ꩻ မတ်ပုံတင်ယိုနောဝ်ꩻ ဟွိုန်ဟောဝ်သꩻရေꩻငါႏသွူ။ (ခ) ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ကအောဝ်ႏရုဲင်ꩻတသွိုးဒါႏ ဝေင်ꩻနယ်ႏဖုံႏနောဝ်ꩻ အထူးဒေႏသ(၆)ကို (၁၉)ဝေင်ꩻနယ်ႏ ပါတွမ်ႏ ပဂိုꩻတွိုင်ꩻ၊ မဲင်ꩻခမ်း၊ စောက်ꩻတနျာႏခမ်း၊ စောက်ꩻဗွာခမ်းကိုဖုံႏသွူ၊ ပအိုဝ်ႏလိတ်လုဲင်ꩻယိုနောဝ်ꩻ ပေါႏထာꩻယိုခါ မွေးတောဝ်း၊ နေင်ႏပေါင်ꩻအာလဲဉ်းတဲင် လိတ်ပအိုဝ်ႏယို အောဝ်ႏဒျာႏအိန္ဒိယခမ်း ဗြဟ္မီအက္ခရာႏကို ထွာပေါႏလွဉ်၊ ထွာလွဉ်ပျူ၊ တွိုႏလွဉ်ပေါက္ကံႏသွူ၊ ပအိုဝ်ႏယိုနောဝ်ꩻ မွန်ဂိုလွိုက်ခွိုꩻ တိဗဲစ်ပျူနွယ်ႏဒျာႏအကျောင်ꩻ၊ ပျူကရီးခါတဲ့ ငေါဝ်း(၈)ရန်း၊ ပအိုဝ်ႏယိုခါတဲ့ ငေါဝ်းအောဝ်ႏ(၈)ရန်း ပီလို့ဝင်ꩻအကျောင်ꩻတွမ်ႏ (၁၁၆၁) (ဂရိ)ဂိဟိစာရိတ္တကျမ်ꩻယို ဗွေႏဆရာႏတောႏမွိုင်ꩻပျိုꩻ တဲမ်းသေꩻခါꩻရီးဝင်ꩻအကျောင်ꩻ၊ ပျူလိုꩻမျိုꩻယို ထိုꩻမားလဲဉ်းတဲ့ ပျူလိတ်ကျောက်စာနောဝ်ꩻ တထိုꩻမားတောဝ်း၊ ဗꩻတွိုႏယိုခါ အောဝ်ႏဒျာႏနောဝ်ꩻသွူ၊ ပျူလိုꩻမျိုꩻကသွုံꩻဒါႏငေါဝ်းနောဝ်ꩻ ဗွိုန်ပီဒျာႏ နီပအိုဝ်ႏငေါဝ်းသွူ။ ၃။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ) ရွုမ်ꩻတာႏဝွန်ႏခံႏ ဖြားခွန်ကျောႏခမ်း ဒေါ့ꩻလွေꩻဖေႏငေါဝ်းနုဲင်းယိုသွူ။ (က) နဲင်ႏငံႏတောႏကကွီလွဉ်ဒါႏ ပအိုဝ်ႏလိုꩻအဖြာꩻပေါင်ꩻ(ပအိုဝ်းလူဦးရေစစ်တမ်း)နောဝ်ꩻ ပအိုဝ်ႏလိုꩻအဖြာꩻပေါင်ꩻ အစဲစ်အမဲဉ်ႏဖေႏကလꩻ ဖေႏကသေ အချက်ဗွေဗွေ ဖေႏကလꩻနောဝ်ꩻ အောဝ်ႏလိုႏတွမ်ထူႏသွူ။ (ခ) ကအီႏတွမ်ထူႏလွေꩻဒါႏ လိုꩻအဖြာꩻပေါင်ꩻယို ဖေႏကတဲပ် ဖေႏကသေႏချာႏနောဝ်ꩻ ကောတွမ်ထူႏသားယို အောဝ်ႏလိုႏဗွောင်လွေꩻဖေႏနေးသွဉ်တန်ꩻ၊ တွမ်ထူႏလိုꩻဦးရေစာႏရင်ꩻနယ်ꩻ မိဉ်ႏဗွောင်သွဉ်တန်ꩻနောဝ်ꩻ ဗဟိုႏ/ဝေင်ꩻနယ်ႏ ယံဗွောင်လွေꩻနွောင်ꩻသွဉ်တန်ꩻအကျောင်ꩻ။ (ဂ) မိဉ်ႏတွမ်လိုꩻစာႏရင်ꩻနောဝ်ꩻ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ အီႏတွမ်ထူႏတဲင် ရပ်ရာႏဒေႏသအစွိုꩻအဗူႏဖုံႏတဲ့ ယံစွဲကမ်းကူႏညီႏလွေꩻဖေႏသွော့အကျောင်ꩻ ဒေါ့ꩻဒင်ႏသွင်ꩻလွေꩻနုဲင်းနောဝ်ꩻသွူ။ ၄။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ) ဗဟိုႏကောႏမတီႏ ထွို့ꩻဗူႏရေꩻကယ်ႏ ဖြားခွန်ပညာႏ ဒေါ့ꩻလွေꩻဖေႏနုဲင်းယိုသွူ။ (က) နီပအိုဝ်ႏဒေႏသကို ယိုမာꩻငါ မိဉ်ႏမာꩻလွေꩻဒါႏ ပွယ်ꩻမော့ꩻခွဲးတရိုꩻတောဝ်း၊ သွဉ်လိတ်တရိုꩻတဝ်း၊ ဗွောင်သွဉ်တန်ꩻတရိုꩻတောဝ်းနောဝ်ꩻ ယံခံႏနွမ်ꩻရီးရီးသွော့ အလံႏတောႏတွမ်ႏ ရွစ်လွေꩻရီးရီး စွိုးခွိုꩻငေါဝ်းသချင်ꩻ။ (ခ) ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻဖုံႏနောဝ်ꩻ ဝေင်ꩻနယ်ႏယဖြုံႏဖြုံႏ တယ်ႏစတွမ်ႏအွိုင်ႏဖုံႏယို ရုဲင်ꩻတသွိုးမုꩻ အာႏပေႏငါႏတဲင် အာႏရꩻတောဝ်းငါႏ၊ ပအိုဝ်ႏနမ်းပဲင်ႏအုပ်ချုပ်ခွင်ꩻလꩻ ဝေင်ꩻနယ်ႏဖုံႏနောဝ်ꩻ အရေꩻတန်ငါႏသွူ။ (ဂ) ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ ဝေင်ꩻနယ်ႏပေါင်ꩻစွုမ်ႏဖုံႏယို ဖေႏကအောဝ်ႏတဲ့နောဝ်ꩻ၊ အနာႏဂတ် ကအီႏခွုမ်မာꩻလွေꩻထာꩻမာꩻယို ဖေႏကယိုꩻတဲ့နောဝ်ꩻ အောဝ်ႏလိုႏဒင်ႏမွဉ်းဖျင်တသာချာယင်း အွိုင်ႏအစွိုꩻ၊ ဝေင်ꩻနယ်ႏအစွိုꩻဖုံႏသွူ။ (ဃ) မိဉ်ႏဖျင်ချာဒါႏ အွိုင်ႏ/ ဝေင်ꩻနယ်ႏဖုံႏနောဝ်ꩻ ဗဟိုႏကဖေႏအပ်လင်ꩻဒါႏမူအတွိုင်ꩻ ယံမွဉ်းဖျင်သွော့ဝင်ꩻ၊ အွိုႏစွိုꩻအကိုနောဝ်ꩻ အွိုင်ႏကိုကအောဝ်ႏအုံဒါႏ ဒုံဖုံႏ ကားကအောဝ်ႏ အွိုင်ႏအစွိုꩻနွို့အကို တဒုံနီဖြာꩻ သွံဖြာꩻဖေႏကပါသော့ꩻနောဝ်ꩻ သော့ꩻဖေႏဗာႏ၊ မိဉ်ႏဖွဲ့မွဉ်ႏဖျင်တသာ ဝေင်ꩻနယ်ႏနောဝ်ꩻတဲ့ အွိုင်ႏဥက္ကဋ္ဌတွမ်ႏ အွဉ်အကိုရေꩻပုဂ္ဂိုလ်ႏနောဝ်ꩻ ယံသော့ꩻဖေႏဝေင်ꩻနယ်ႏ အစွိုꩻနွို့အကိုသွူ။ (င) ဝေင်ꩻနယ်ႏယဖြုံႏဖြုံႏနောဝ်ꩻ ထီႏထွꩻလွေꩻဗာႏ ဥက္ကဋ္ဌနမ်းရုဲင်ꩻတသွိုးမုꩻယို အာႏပေႏငါႏတဲင် နမ်းထာꩻမာꩻအာတွော့ꩻ ရုဲင်ꩻတသွိုးနွောင်ꩻတောဝ်းတဲ့ ယံဖေႏအပ်လင်ꩻသွော့ တာႏဝွန်ႏခံႏဆလ ကထွာဒါႏ ဒု-ဥက္ကဋ္ဌ၊ အွဉ်အကိုရေꩻအစွိုꩻဖုံႏတဲင် ဖေႏကရုဲင်ꩻတသွိုးနွောင်ꩻနောဝ်ꩻ ဒု-ဥက္ကဋ္ဌအလောင်းယို ဥက္ကဋ္ဌအနေႏ နွန်ႏအာႏဖေႏလင်ꩻသွော့အကျောင်ꩻ ဒေါ့ꩻဒင်ႏသွင်ꩻလွေꩻဖေႏနုဲင်းနောဝ်ꩻသွူ။ ၅။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ(ဗဟိုႏ) အွဉ်အကိုရေꩻချုပ် ဖြားခွန်မောင်မောင်ထွန်း ဒေါ့ꩻလွေꩻဖေႏနုဲင်းယိုသွူ။ (က) ၂၀၁၇/၂၀၁၈ ကထေထန်ႏဒါႏ ပက္ခဒိန်ႏအဖွူꩻပေါင်ꩻဆေ့ꩻအာ၊ စာဗာႏအဖွူꩻပေါင်ꩻဆေ့ꩻအာ၊ ဖေႏလွေꩻဗာႏ လက်ဆောင်ႏအဖွူꩻပေါင်ꩻဆေ့ꩻအာ၊ လꩻရွဉ်/ သွုံꩻစွယ်ꩻရွဉ်၊ အောဝ်ႏကုဲင်ရွဉ်ဖုံႏ ဒင်ႏသွင်ꩻလွေꩻနယ်ဖေႏသွူ။ (ခ) ပက္ခဒိန်ႏအလောင်းယို ဖေႏကထွာမွိုန်း ကျောႏညာႏသဘော်ꩻ အင်းရေႏမိုးချက်ယို ထွူႏထွူႏတွုမ်တွုမ် ဖေႏကအောဝ်ႏဗာႏ၊ အမျာꩻတာႏအကျိုꩻ အောဝ်ႏနဲ့ အောဝ်ႏတောဝ်းနဲ့ ထွားဗာႏ ပက္ခဒိန်ႏအလောင်းရုတ်/ပွုံႏဖုံႏယို စွုမ်ႏနေင်ႏနေင်ႏ ပြောင်ꩻလုဲင်ႏမုꩻအောဝ်ႏဗာႏအတွိုင်ꩻ ပအိုဝ်ႏဒေႏသကို ကအောဝ်ႏဒါႏ သမဲင်ꩻဝင်ႏစေႏတီႏ၊ ကျောင်ꩻဖုံႏစတဲင် အစွိုꩻရုဲင်ꩻတသွိုးမုꩻပွုံႏဖုံႏစားယို ဖေႏကပါသော့ꩻနောဝ်ꩻ အီႏထေလွေꩻချာယင်းအကျောင်ꩻ ဒေါ့ꩻလွေꩻနုဲင်းနောဝ်ꩻသွူ။ "အခြပ်အရဲဉ်ႏ (ဒုတိယပဲင်ꩻ)" ၆။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻလွယ်ကောႏ (စောက်ꩻတနျာႏ)ခမ်း ဥက္ကဋ္ဌ ခွန်ဟန်ဇော် ဒေါ့ꩻဒင်ႏပျꩻနုဲင်းယိုသွူ။ (က) လွယ်ကောႏ(စောက်ꩻတနျာႏခမ်း) ပအိုဝ်ႏဒုံပေါင်ꩻ (၆၀)၊ လိုꩻအဖြာꩻပေါင်ꩻ(၁၃၀၀၀)လွို၊ ကျောင်ꩻပေ့ꩻခိန်ႏ ဗွောင်လိတ်ပအိုဝ်ႏသွဉ်တန်ꩻနောဝ်ꩻ လိတ်သွဉ်ဆရာႏ လွုမ်းကွံႏတဝ်း၊ သွဉ်ဗာႏစွုမ်ႏတဝ်း၊ ဟန်ႏနေင်ႏ သွဉ်လိတ်ပအိုဝ်ႏအဖြာꩻပေါင်ꩻ(၁၂၅၆)ဖြာꩻသွူ။ (ခ) စောက်ꩻတနျာႏခမ်းအစိုႏရ ကူႏညီႏစွဲးကမ်းဖေႏရွဉ် ပအိုဝ်ႏလိတ်လုဲင်ꩻယေန်ႏငဲရေꩻအတာႏ(၄၉၁)သိန်ႏ ခမ်းရင်ꩻဝွန်ႏတန်စွဲကမ်းဖေႏ(၅)သိန်ꩻသွူ။ (ဂ) မာꩻပွယ်ꩻကျိုႏဆွုမ်ႏကျောင်ꩻသားတသာဖုံႏတဲ့နောဝ်ꩻ၊ ရုဲင်ꩻတသွိုးမုꩻဖုံႏယို အာႏပေႏချက်၊ အာႏတလာချက်ဖုံႏတဲ့နောဝ်ꩻ ပသာထေ့ထင်ႏလဲဉ်းဒျာႏဗဟိုႏတဲင် ဗဟိုႏအနေႏ ယံဗွောင်ဖေႏသွော့ လိတ်ပအိုဝ်ႏထွာနွောင်ꩻဆရာႏသွဉ်တန်ꩻအကျောင်ꩻ ဒင်ႏသွင်ꩻဗာႏနုဲင်းယိုသွူ။ ၇။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻရန်ႏကွုံႏနမ်းတင် ဖြားခွန်မြင့်လွင် ဒေါ့ꩻလွေꩻဖေႏနုဲင်းယိုသွူ။ ခမ်းရင်ꩻသား လိုꩻမျိုꩻလင်ဖုံႏနောဝ်ꩻ ဝေင်ꩻရန်ႏကွုံႏအကို မာꩻပျꩻနယ်နွောင်ꩻလွေꩻလဲဉ်း ဝင်ꩻလိုꩻမျိုꩻယေန်ႏငဲးရေꩻဖုံႏတဲင် ၂၀၁၉-ယို ဝေင်ꩻရန်ႏကွုံႏကိုနောဝ်ꩻ ဗဟိုႏအနေႏအွဉ်ငါ ယံလင်ꩻမာꩻဖေႏသွော့ ပွယ်ꩻတန်မွူးနီꩻခွိုꩻပအိုဝ်ႏ၊ ရန်ႏကွုံႏကိုနောဝ်ꩻ ပအိုဝ်ႏလိုꩻမျိုꩻအဖြာꩻပေါင်ꩻ အောဝ်ႏ(၁၀၀၀၀)ရပ်အကျောင်ꩻ ဒေါ့ꩻလွေꩻနုဲင်းနောဝ်ꩻသွူ။ ၈။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ပဂိုꩻခမ်း အွဉ်အကိုရေꩻ ဖြားခွန်မောင်မောင်ထူး ဒေါ့ꩻလွေꩻဖေႏနုဲင်းယိုသွူ။ (က) ပဂိုꩻတွိုင်ꩻအကို ရုဲင်ꩻတသွိုးမုꩻ အောဝ်ႏ(၆)ဝေင်ꩻနယ်ႏ- ၁။ ထန်းတပင် ၂။ ရေတာရှည် ၃။ ဒိုက်ဦး ၄။ ကျောက်တံခါး ၅။ ကျောက်ကြီး ၆။ ပဂိုꩻ စတဲင်- ထွာနွောင်ꩻဆရာႏ ပအိုဝ်ႏလိတ်သွဉ်တန်ꩻ ဗွောင်လွေꩻဖေႏဗာႏလဲဉ်းသွံလဲင်ႏ၊ တယ်ႏစ ၁၉၉၉-ဗာႏ ဗꩻတွိုႏ ၂၀၁၈-ဗာႏယို ခမ်းသဲင်ခါ စွုမ်ႏနေင်ႏနေင်ႏ သွဉ်လိတ်ပအိုဝ်ႏ စေလိတ်ပွယ်ꩻ၊ သွဉ်တန်ꩻလင်ꩻပွယ်ꩻ၊ မာꩻလွေꩻဗာႏလဲဉ်း (၁၈)နေင်ႏရပ်လဲဉ်းသွူ။ (ခ) ပဂိုꩻတွိုင်ꩻ ခမ်းရင်ꩻဝွန်ႏတန်နောဝ်ꩻ စွဲကမ်းကိုဖေႏ ပအိုဝ်ႏလိတ်လုဲင်ꩻယေန်ႏငဲရေꩻအစွိုꩻ ရွဉ်တောင်ႏတာႏသိန်ႏ(၁၀)၊ ဆရာႏကသွဉ်ဖေႏဒါႏ လိတ်ပအိုဝ်ႏယို နဲင်ႏငံႏတောႏ စွဲကမ်းလွေꩻဖေႏ တလာသွံသောင်ꩻ၊ (၈)ဖြာꩻတာႏ တနေင်ႏသွစ်ꩻလာ လစ်ꩻနေင်ႏဗွေလဲဉ်းဒျာႏသွူ။ (ဂ) လိတ်ပအိုဝ်ႏယိုခါနောဝ်ꩻ အောဝ်ႏဒျာႏ ပထမအရန်း၊ ဒုတိယအရန်းတဲင် တတိယအရန်း မိဉ်ႏအောဝ်ႏနောဝ်ꩻ မဲ့ꩻသွဉ်ငါလွေꩻထဲင်းယင်း လိတ်စောင်ႏလွုမ်းကွံႏမုꩻ အောဝ်ႏတောဝ်းတဲင် ယပ်ꩻခုဲင်ႏငါႏ ၂၀၁၇-ဗာႏနေင်ႏ ဗဟိုႏဖေႏလူႏလင်ꩻ လိတ်ဖွူꩻပေါင်ꩻ(၁၀၀၀)လွို၊ ၂၀၁၈-ဗာႏနေင်ႏတာႏယို အောဝ်ႏတောဝ်းဒွိုန်းသွူ။ (ဃ) တရွပ်တန်(ဇရပ်ကြီး)ကို မာꩻလွေꩻပွယ်ꩻတန်မွူးနီꩻခွိုꩻပအိုဝ်ႏနောဝ်ꩻ တယ်ႏစ ၁၉၇၄-ဗာႏ ဗꩻလွေꩻ ၂၀၁၈-နေင်ႏယို လꩻလွေꩻလဲဉ်း (၄၄)နေင်ႏလဲဉ်းတဲင် ၂၀၁၉-နေင်ႏယို အီႏမာꩻလွေꩻ တဝီဒန်းဒုံကို ပွယ်ꩻတန်မွူးနီꩻခွိုꩻပအိုဝ်ႏ အွဉ်ႏထွော့ခါꩻနုဲင်းနောဝ်ꩻသွူ။ (င) ကအီႏတွမ်ထူႏဒါႏ ပအိုဝ်ႏလိုꩻအဖြာꩻပေါင်ꩻယိုနောဝ်ꩻ ဆဲင်ꩻရာꩻတွိုက်နယ်ႏ၊ ဝေင်ꩻနယ်ႏ၊ ဒုံ၊ လိတ်လုဲင်ꩻယေန်ႏငဲရေꩻအစွိုꩻယို ဖွဲ့လွောင်ႏဗူႏထွူလဲဉ်းဒျာႏသွူ။ ၉။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏနောင်တရား ဥက္ကဋ္ဌ ဖြားခွန်တိကျောႏ ဒေါ့ꩻဒင်ႏသွင်ꩻလွေꩻဖေႏနုဲင်းယိုသွူ။ (က) ဝေင်ꩻနယ်ႏနောင်တရား၊ ဟံႏနယ်ႏ အောဝ်ႏ(၃၇၂-၈) စတုရန်း၊ ၂၂၂၆၀၀-ဧက၊ လမ်းအဗာႏပေါင်ꩻ (၁၆၅၀၃)၊ ပင်လောင်ꩻ+နောင်တရား လမ်းဗာႏပေါင်ꩻ (၃၆၃၉၈)၊ လိုꩻဖြာꩻပေါင်ꩻအောဝ်ႏ (၁၈၁၉၀၀၀)ဖြာꩻ လိုꩻမျိုꩻပေါင်ꩻစွုမ်ႏဒျာႏသွူ။ (ခ) နောင်တရားလိတ်သွဉ်ကျောင်ꩻ (၂၈၈)ကျောင်ꩻ၊ သွဉ်လိတ်ပအိုဝ်ႏအခွင်ꩻကလꩻဒါႏကျောင်ꩻနောဝ်ꩻ အောဝ်ႏ(၁၈၅)ကျောင်ꩻ ဒင်ႏပျꩻနယ်နုဲင်းယိုသွူ။ ၁၀။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏရောက်ꩻစောက်ꩻ ဥက္ကဋ္ဌဖြားခွန်စံသိန်း ဒေါ့ꩻဒင်ႏသွင်ꩻလွေꩻဖေႏနုဲင်းယိုသွူ။ (က) ဝေင်ꩻနယ်ႏရောက်ꩻစောက်ꩻ ဒုံတန်ပင်ႏဖြဲစ်ကို ခံႏလို့ရွဉ် သိန်ႏပေါင်ꩻ(၇၀၀)ရပ် ဗွောင်နွောင်ꩻလွေꩻလဲဉ်း ပအိုဝ်ႏတမျိုꩻသာꩻလွုမ်းဆဲင်ႏရာꩻ ရွုမ်ꩻတန်နောဝ်ꩻသွူ။ (ခ) ဝေင်ꩻနယ်ႏရောက်ꩻစောက်ꩻအကို ပအိုဝ်ႏဒုံအောဝ်ႏ (၃၁)ဒုံ၊ လိုꩻအဖြာꩻပေါင်ꩻ (၁၅၅၁၉)ဖြာꩻ ဒင်ႏသွင်ꩻလွေꩻနုဲင်းယိုသွူ။ ၁၁။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ မဲင်ꩻခမ်းနယ်ႏ ဖြားခွန်သန်းဝေ ဒေါ့ꩻဒင်ႏလွေꩻနုဲင်းယိုသွူ။ ပအိုဝ်ႏနောဝ်ꩻ ဖေႏကအောဝ်ႏငါတမျိုꩻငါ၊ လိတ်ဗွိုန်တောဝ်းလဲ့ လိုꩻဗွိုန်၊ သꩻဗွိုန်ဝင်ꩻ ခွယ်ꩻချာꩻမွိုန်းတောဝ်းဝင်ꩻ၊ လိတ်ယို ဖေႏကထွာတမူနောဝ်ꩻ အောဝ်ႏလိုႏမာꩻ၊ ပအိုဝ်ႏအဘိဓာန်ႏဖုံႏ သတ်ပုံ သတ်ညွန်းဖုံႏနောဝ်ꩻ လိုႏငါႏလဲဉ်း၊ မဲင်ꩻခမ်းကို ပအိုဝ်ႏလိုꩻမျိုꩻအဖြာꩻပေါင်ꩻ အောဝ်ႏ (၆၀၀၀၀)လွို ဒင်ႏသွင်ꩻဒေါ့ꩻလွေꩻဖေႏနုဲင်းယိုသွူ။ ၁၂။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ စောက်ꩻဗွာခမ်းနယ်ႏ ဦးတင်လှိုင် ဒေါ့ꩻဒင်ႏသွင်ꩻလွေꩻဖေႏနုဲင်းယိုသွူ။ (က) စောက်ꩻဗွာခမ်းကို ပအိုဝ်ႏဒုံပေါင်ꩻ (၁၀၀)ရပ်၊ လိုꩻအဖြာꩻပေါင်ꩻ (၁၀၈၀၀၀၀)ရပ် အောဝ်ႏဒျာႏသွူ။ (ခ) ဝေင်ꩻတောင်ႏကီꩻ ပအိုဝ်ႏမူႏအစွိုꩻဖုံႏနောဝ်ꩻ မိဉ်ႏအွဉ်ႏပူꩻပေါင်ꩻတွမ်ႏစောက်ꩻဗွာခမ်း ပအိုဝ်ႏမူႏအစွိုꩻနောဝ်ꩻမꩻ သွီႏဖေႏကဗော့ꩻလို့ဝင်ꩻ လိုꩻတန်မိဉ်ႏလွောင်ႏဗူႏမꩻ လိုꩻပေႏလွောင်ႏဗူႏမုꩻဟဝ်၊ လိုꩻတန်တဖူꩻမဲဉ်ႏမꩻ လိုꩻပေႏထောင်လွဉ်ꩻ တဖူꩻမဲဉ်ႏအကျောင်ꩻ ဒေါ့ꩻလွေꩻဖေႏနုဲင်းယိုသွူ။ ၁၃။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝင်ꩻအောင်ႏဗန်း ဥက္ကဋ္ဌ ဖြားခွန်သူတော် ဒေါ့ꩻလွေꩻဖေႏနုဲင်းယိုသွူ။ (က) ကလော်ꩻဝေင်ꩻနယ်ႏနောဝ်ꩻ ကျောင်ꩻကို ကအီႏသွဉ်ဒါႏလိတ်ပအိုဝ်ႏနောဝ်ꩻ ဆရာႏအောဝ်ႏတောဝ်း၊ ဝွန်ႏထမ်ꩻပအိုဝ်ႏဆေ့ꩻငါႏ၊ ကျောင်ꩻလင်ꩻခိန်ႏ ခွေသဲင်ꩻပါꩻသဲင်ꩻတဲင် လိုꩻပေႏကအီႏသွဉ်ထူႏဒါႏ လိတ်ပအိုဝ်ႏနောဝ်ꩻ လိုꩻပေႏသꩻတဝင်ႏစာꩻတောဝ်း၊ သꩻတပါတောဝ်း၊ ကွဲညညနောဝ်ꩻ ဝွန်ႏထမ်ꩻဆရာႏဖုံႏချင်ꩻချင်ꩻ ပꩻလီဝင်ꩻ ထီႏလွေꩻနုဲင်းနောဝ်ꩻသွူ။ (ခ) ကျောင်ꩻပေ့ꩻခမ်းသဲင်လာ တလာဗွေဗွေ ဗွောင်သွဉ်လွေꩻဖေႏနောဝ်ꩻ လꩻလွေꩻလိတ်သွဉ်သား (၄၀၀၀)ရပ်လွိုတဲင် အယပ်ꩻအခုဲင်ႏနောဝ်ꩻ မော့ꩻလွေꩻဗာႏ လိတ်အုပ်အဲဉ်ထောဝ်းနောဝ်ꩻသွူ။ (ဂ) ပြတိုက်ကရိုꩻဒါႏ ငေါဝ်းယိုနောဝ်ꩻ လိုႏပြန်ႏချာပအိုဝ်ႏငေါဝ်း၊ ပအိုဝ်ႏယိုခါနောဝ်ꩻ အောဝ်ႏလိုႏငါႏ ပအိုဝ်ႏအဘိဓာန်ႏနောဝ်ꩻသွူ။ ၁၄။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏကျောက်တလွုံꩻတန် ဥက္ကဋ္ဌနမ်းခြောင်ꩻတန် စင်ꩻဖါဆန်းလေး ဒေါ့ꩻလွေꩻဖေႏနုဲင်းယိုသွူ။ (က) ဝေင်ꩻနယ်ႏကျောက်တလွုံꩻတန် ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻနောဝ်ꩻ ဗဟိုႏထွဉ်ႏထာꩻမာꩻအလꩻ ၂၃-၁-၂၀၁၈ နီꩻ၊ မွဉ်းဖျင်တသာယင်း လိတ်လုဲင်ꩻအစွိုꩻနောဝ်ꩻသွူ။ (ခ) ကျောက်တလွုံꩻတန်ဝေင်ꩻနယ်ႏနောဝ်ꩻ နဲင်ႏငံႏတောႏအွိုင်ႏတဲ့နောဝ်ꩻ၊ P.N.O အွိုင်ႏတဲ့နောဝ်ꩻ အောဝ်ႏလွေꩻ(၇)အွိုင်ႏတဲင် လိတ်စေပအိုဝ်ႏကျောင်ꩻလင်ꩻပွယ်ꩻနောဝ်ꩻ မာꩻလွေꩻ- ၁။ နောင်ကာꩻ ဘုရာꩻနောင်ထောဝ်း ၂။ ဟံႏသွူ ၃။ ဆောင်ႏဖိုး ၄။ ပင်တွန်ႏ-ကိုဖုံႏသွူ။ (ဂ) ပွိုင်းလဲင်ႏနောဝ်ꩻ လိတ်ပအိုဝ်ႏသွဉ်သား အောဝ်ႏဖြာꩻပေါင်ꩻ(၃၀၀၀)လွို၊ ယိုခါနောဝ်ꩻ အောဝ်ႏကုဲင်ဒျာႏ (၁၅၀၀)ရပ်လွုမ်ꩻ၊ ကွဲဆေ့ꩻဆေ့ꩻသဲင်ꩻသွူ။ (ဃ) ဝေင်ꩻနယ်ႏကျောက်တလွုံꩻတန် ပအိုဝ်ႏလိတ်လုဲင်ꩻယေန်ႏငဲရေꩻရွုမ်ꩻခင် အောဝ်ႏဒွိုန်းက တခင်တဲင် အောဝ်ႏလိုႏတယ်ႏချာယင်းရွုမ်ꩻ ဒင်ႏသွင်ꩻနယ်လွေꩻဖေႏနုဲင်းနောဝ်ꩻသွူ။ ၁၅။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏနမ်းစင် ဖြားခွန်ထွန်းသိန်း ဒေါ့ꩻလွေꩻဖေႏနုဲင်းယိုသွူ။ (က) ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏနမ်းစင်နောဝ်ꩻ ဖွဲ့လွောင်ႏဗူႏလွေꩻလꩻဒျာႏ နေင်ႏ (၁၀)အရပ်လွုမ်ꩻသွူ။ (ခ) နမ်းစင်ဝေင်ꩻကိုနောဝ်ꩻ ပအိုဝ်ႏလမ်းဗာႏပေါင်ꩻ အောဝ်ႏဒျာႏ (၃၀၀)ရပ်၊ ဒုံပေါင်ꩻအောဝ်ႏ(၂၀)လွို၊ လမ်းအဗာႏပေါင်ꩻ(၂၀၀၀)လွို၊ လိုꩻအဖြာꩻပေါင်ꩻ (၁၀၀၀၀)လွိုသွူ။ (ဂ) ဒေႏသကို ကအောဝ်ႏဒါာႏ ပအိုဝ်ႏလိုꩻယွဲစွိုꩻဖုံႏယိုတဲ့နောဝ်ꩻ၊ ရပ်သားစွိုꩻတဲ့နောဝ်ꩻ ရုဲင်ꩻတသွိုးမုꩻယို ဖွီသွောင်အာႏရꩻမုꩻအောဝ်ႏအာ၊ စွိုးခွိုꩻရေꩻရာႏဖုံႏယို သꩻဝင်ႏစာꩻမုꩻအောဝ်ႏအာ၊ အာႏရꩻခရာႏနောဝ်ꩻသွူ။ ၁၆။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏတောင်ႏကီꩻ ဥက္ကဋ္ဌ ဖြားခွန်ဆရာႏဒု ဒေါ့ꩻဒင်ႏသွင်ꩻလွေꩻနုဲင်းယိုသွူ။ (က) ဝေင်ꩻနယ်ႏတောင်ႏကီꩻ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻနောဝ်ꩻ စမွဉ်းဖျင်တသာချာယင်း (၁၁-၁-၂၀၁၈)တဲင် ဗဟိုႏကောႏမတီႏ ကလင်ꩻဒါႏကွင်ꩻ ဝေင်ꩻနယ်ႏစွုမ်ႏဖုံႏတဲ့ လင်ꩻလွဉ်ꩻလွေꩻဗာႏ။ (ခ) ဝေင်ꩻနယ်ႏတောင်ႏကီꩻ တမွန်ဗန်တောဝ်းအွိုင်ႏဖုံႏတဲ့ မွဉ်းဖျင်တသာချာဖေႏလဲဉ်း၊ ပအိုဝ်ႏဖုံႏ ကတွိုႏဒါႏတရာꩻရွုမ်ꩻ၊ ကမော့ꩻဒါႏအယပ်ꩻအခုဲင်ႏဖုံႏတဲ့ စွဲကမ်းဗာႏသွူ။ (ဂ) ၈-၂-၂၀၁၈၊ စောက်ꩻဗွာခမ်းကို ကမာꩻလွေꩻဒါႏ လိုꩻမျိုꩻအလွောက်ꩻ ယေန်ႏငဲရေꩻပွယ်ꩻဖုံႏတဲ့ စွဲကမ်းကူႏညီႏလွေꩻဗာႏ (၁၂-၅-၂၀၁၈) PPC သတင်ꩻထောက်သား ကမိဉ်လꩻဒါႏ ပအိုဝ်ႏယေန်ႏငဲရေꩻကိစ္စဖုံႏယို အွဉ်ႏနယ်လွေꩻဖေႏဗာႏ၊ ဝေင်ꩻတောင်ႏကီꩻ ကထိန်ႏလာအကိုနောဝ်ꩻတဲ့ မာꩻလွေꩻဗာႏမေႏဗို၊ အွဉ်ႏနယ်လွေꩻဗာႏ၊ ဝေင်ꩻနယ်ႏတောင်ႏကီꩻ အွိုင်ႏကိုကမာꩻလွေꩻဒါႏ ပွယ်ꩻကျောင်ꩻလင်ꩻဖုံႏတဲ့ စွဲကမ်းကိုဗာႏဖိုနောဝ်ꩻသွူ။ ၁၇။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏညောင်ႏရွီႏ ဥက္ကဋ္ဌဦးလှဖေ ဒင်ႏသွင်ꩻလွေꩻနုဲင်းယိုသွူ။ (က) ကမာꩻလွဉ်ဒါႏ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻထာꩻမာꩻနောဝ်ꩻ တယ်ႏစစွဉ်ႏဒျာႏ ၁၉၉၃-ဗာႏ ဖါမွိုန်းညီႏလာႏခံႏနောဝ်ꩻကာႏ ဗꩻတွိုႏလွဉ်ယိုခါတဲင် ဗဟိုႏကတမာလင်ꩻဒါႏ ယံဖေႏကမွဉ်းဖျင်တသာချာယင်း ဝေင်ꩻနယ်ႏ/ အွိုင်ႏအစွိုꩻဖုံႏတဲ့ (၅-၈-၂၀၁၈)နီꩻ အွိုင်ႏနာꩻနွဲး၊ ကျောင်ꩻထီပုံꩻ ထီရီးကိုနောဝ်ꩻတဲ့ ဖစ်လွေꩻအွိုင်ႏ(၈)အွိုင်ႏနောဝ်ꩻ အွိုင်ႏကောႏမတီႏအစွိုꩻ ဖျော်လွဉ်ဒျာႏ (၃)အွိုင်ႏတဲင် မာꩻလွေꩻဗာႏပွယ်ꩻမော့ꩻခွဲနောဝ်ꩻသွူ။ (ခ) ကအီႏမာꩻသွုပ်ငါလွေꩻယင်းဒျာႏ မွဉ်းဖျင်တသာယင်း ဝေင်ꩻနယ်ႏနောဝ်ꩻ ဗဟိုႏအနေႏ ယံထူႏတာႏဝွန်ႏ မာꩻလွေꩻချာဒျာႏအကျောင်ꩻ ဒင်ႏပျꩻနယ်ဗာႏနုဲင်းယိုသွူ။ ၁၈။ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ ဝေင်ꩻနယ်ႏပင်လောင်ꩻ ဥက္ကဋ္ဌ ဖြားခွန်ဝင်းနောင် ဒေါ့ꩻလွေꩻနုဲင်းယိုသွူ။ (က) ကျောင်ꩻကို သွဉ်ခွင်ꩻကလꩻဒါႏ လိုꩻမျိုꩻပေႏလိတ်ယိုနောဝ်ꩻ နဲင်ႏငံႏတောႏ ကထေဒါႏဥပဒေႏယို အောဝ်ႏလဲဉ်းဒျာႏတဲ့ မာꩻပွုံႏမာꩻနယ်ꩻ(နည်းဥပဒေ)အောဝ်ႏဒွုန်းသွူ။ (ခ) ဝေင်ꩻနယ်ႏတဖြုံႏတွမ်ႏတဖြုံႏယို အာႏပေႏချက်ဖုံႏ အောဝ်ႏဒါႏဒျာႏရင်ꩻ၊ ကအောဝ်ႏလိုႏမွဉ်းဖျင်ယင်း မဉ်ႏအောဝ်ႏဒါႏတဲ့ ယံဖေႏကသဲင်ꩻမွဉ်းဖျင်ဝင်ꩻ၊ စွိုးခွိုꩻတခွိုꩻ အွဉ်ႏနယ်တွိုက် အီႏမာꩻလွေꩻဒါႏယိုနောဝ်ꩻတဲ့ ယံဖေႏဖွဲ့လွောင်ႏဗူႏသေႏသေႏချာႏချာႏ ကောႏမတီႏအစွိုꩻအကျောင်ꩻ ဒင်ႏပျꩻနယ်လွေꩻနုဲင်းယိုသွူ။ ၁၉။ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဝေင်ꩻနယ်ႏဟိုပုံꩻ ခွန်စနေႏအောင်ႏ ဒေါ့ꩻလွေꩻဖေႏငေါဝ်းနုဲင်းယိုသွူ။ (က) ဟိုပုံꩻဝေင်ꩻကိုနောဝ်ꩻ အောဝ်ႏ(၆)ရပ်ကွက်၊ အုပ်စု/အွိုင်ႏနောဝ်ꩻ (၂၂)အုပ်စု၊ အွိုင်ႏ/ဒုံပေါင်ꩻ(၂၄၂)ဒုံ၊ လိုꩻအဖြာꩻပေါင်ꩻ (၁၀၃၂၄၁)ဖြာꩻ၊ လိတ်သွဉ်ကျောင်ꩻ (၁၇၀)လွို၊ ကမာꩻနွောင်ꩻ ထာꩻမာꩻနောဝ်ꩻ (၁၅)အုပ်စု (အွိုင်ႏ)နောဝ်ꩻလွုမ်ꩻသွူ။ (ခ) ဗဟိုႏသံဃာႏသွဉ်တန်ꩻနောဝ်ꩻတဲ့ အီႏထဲ့လင်ꩻ ဟိုပုံꩻဝေင်ꩻနယ်ႏကိုနောဝ်ꩻသွူ၊ ဝေင်ꩻနယ်ႏဟိုပုံꩻယိုနောဝ်ꩻ မွန်ဗန်တောဝ်း၊ အာႏပေႏချက် အောဝ်ႏအာငါႏ၊ လိုꩻတန်ဖုံႏ ထာꩻမာꩻအာတဲင် ထွာချာနွောင်ꩻတောဝ်း ဒင်ႏသွင်ꩻနုဲင်းနောဝ်ꩻသွူ။