ပါꩻခိုတဖြာꩻဝတ္ထု
"ပါꩻခိုတဖြာꩻဝတ္ထု"
၁။ သဌေꩻပို ပထမတဖြာꩻ "ဒု"ဂါႏထာႏ အော်မာႏလို့ဝင်ꩻ သွꩻချင်ꩻဖုံႏဟွေး- လင်ꩻထဲ့ငါးရုဲင်ꩻ ပါꩻမုဲင်ꩻရိုꩻတဝ်း နီဖုံႏယိုနဝ်ꩻ ကဋေႏလစ်ꩻဆီ နီရွဉ်ဖုံႏနဝ်ꩻ စူကိုဗောႏဗာႏ အဝ်ႏဒျာႏစွဉ်ႏလဲ့ စိုးယိုကျိုꩻထွာ ပန်ငါမယူႏ နီတလူႏဖိုဖိုတဝ်း၊ နီနမ်းတွက်တာႏ ဗွန်ကြွန်ဥပမာႏ ကြိယာႏပုည ဒသကုသိုလ်ႏယို တမျိုꩻတပါꩻပေႏငါတဲ့ နီတမာꩻသေꩻဗာႏဖိုတဝ်း၊ နီဖုံႏယိုနဝ်ꩻနဝ်ꩻ လွူးကြိုအနယ်ꩻညမ်း လွူးနမ်းတဟဝ်တဝ်းအမျိုꩻယို လွူးအီနမ်းတာႏ နီမာꩻမာႏထိုꩻဒျာႏတန်ဟနော။
၂။ သဌေꩻပို ဒုတိယတဖြာꩻ "သ"ဂါႏထာႏ အော်မာႏလို့ဝင်ꩻ သွꩻချင်ꩻဖုံႏဟွေး- စွုမ်ႏနီꩻစွဉ်ႏနဲ နီလင်ꩻအဝ်ႏစဲ ငါးရုဲင်ꩻယိုနောဝ်ꩻ ဗွေထိုလဲဉ်းနေင်ႏပေါင်ꩻ သူသောင်ꩻလဲဉ်းသွူ၊ အပဲစ်ကေႏဝင်ꩻလွတ်ꩻ မွူးနီꩻသွတ်ꩻနောဝ်ꩻ အီႏတွိုႏမုဲင်ꩻခါယို။
၃။ သဌေꩻပို တတိယတဖြာꩻ "န"ဂါႏထာႏ သွꩻပေႏဖုံႏဟွေး- ခွေတာႏတဲ့နဝ်ꩻ၊ သီတာႏတဲ့နဝ်ꩻ ထာꩻဒုက္ခတန်ယို မွူးနီꩻသွတ်ꩻသွူနဲ အောဝ်ႏကဲမုဲင်ꩻကို၊ အီႏလွစ်ထန်ႏငါးရုဲင်ꩻ အဆုဲင်ꩻသွတ်ꩻအနီꩻနဝ်ꩻ ယူႏလဲင်ꩻစွုမ်ႏစီႏ တထီႏတဝ်းတစိꩻစိꩻ၊ မဲဉ်ႏဗဲက်သစ်တောဝ်း ခွေငေါဝ်းနဝ်ꩻ မွေးဒျာႏ၊ (ကွပ်ထမုဲင်ꩻနဲတဲင်) မော့ꩻလဲင်ႏစခါ နီကထွာသဌေꩻပိုအတွင်ꩻနဝ်ꩻ ခွေတဲ့နဝ်ꩻ၊ သီတဲ့နဝ်ꩻ ဒဲဉ်ဒေါဝ်သူႏရာႏ ထူႏဗာႏဝင်ꩻပိုမာ မာꩻအာလွဉ်ꩻငါႏ အကုသိုလ်ႏဟနော။
၄။ သဌေꩻပို စတုတ္ထတဖြာꩻ "သော"ဂါႏထာႏ ခွေနဝ်ꩻနဝ်ꩻ အဝ်ႏငါးရုဲင်ꩻဘဝယို လွစ်ထန်ႏချာတဲင် မဉ်ႏလꩻချယင်း လိုꩻဘဝယို သူႏသေခါႏခါႏဒျာႏထာꩻ၊ ဗွေခါႏခါႏဒျာႏ တွမ်ႏသီႏလ၊ မာꩻအာအာဒျာႏ ကုသိုလ်ႏနဝ်ꩻငါသွူ။
"ဟော်ꩻထွားသွဉ်ခါꩻ ပါꩻခိုတဖြာꩻဝတ္ထုယိုတဲင် လꩻဗဟုသုတ၊ လꩻအီသတိꩻနုဲင်းယို"
၁။ မဉ်လꩻဝင်ꩻမာ ကျံႏသီတောဝင်ꩻဝါꩻ၊ (မဉ်လꩻဝင်ꩻတခြိုꩻ မꩻသီထိုꩻဝင်ꩻဗွေႏ)နဝ်ꩻ လိုꩻမွိုက်သီးထာꩻမာꩻ၊ တရာꩻတဝ်း တစိꩻစိꩻအကျောင်ꩻ၊
၂။ ပေါႏပဲစ်မာႏ ဝင်ꩻပိုဝင်ꩻမာနဝ်ꩻ ထဲ့ဗာႏငါးရုဲင်ꩻ၊ ကော့ꩻမာႏဆုဲင်ꩻဗာႏနမ်းအကျောင်ꩻ၊
၃။ အစစအရာႏရာႏ လူꩻသီးမꩻစꩻဖေႏ တဒါႏတောဝ်း၊ (နီဘွုံꩻနီကံႏထွာလွဉ်ဒျာႏ၊ လူꩻသီးမꩻစꩻဖေႏမွေးတဝ်း)အကျောင်ꩻ၊
၄။ မာꩻသီဝင်ꩻသက်နဝ်ꩻ ယူႏပက်ဆုဲင်ꩻချာ ခံႏဗာႏအာဝဋ်အကျောင်ꩻ၊
၅။ ကယ်ႏဝင်ꩻသက်နဝ်ꩻ ထွာလူႏဝင်ꩻသက် "ထွာဇီဝိတဒါန"အကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]