ပုဗ္ဗဏှသုတ်

အဝ်ႏ ဝီခီပီးဒီးယား ကို

ပုဗ္ဗဏှသုတ်ယိုနဝ်ꩻ ဂျိုဟ်ႏပနဲဉ်ႏ ဂျိုဟ်ႏညံးတဲင် မီႏမော့ꩻစိန်ႏစွော့ꩻဒါႏ ထာꩻဒုက္ခ ဘေꩻရန်ႏ အန္တရာယ်ႏအမျိုꩻမျိုꩻဖုံႏနဝ်ꩻ ကံႏဖေႏနေးကဟဝ်ချာယင်းတဲင် ရွစ်ဖတ်ဗာႏသွူ။

ပုဗ္ဗဏှသုတ် (ပါႏဠိတောႏ)[မွဉ်းဖျင် | မွဉ်းဖျင်အရွီးခိုႏ]

‍၁။ ယံ ဒုန္နိမိတ္တံ အဝမင်္ဂလဉ္စ၊
     ယော စာ မနာပေါ သကုဏဿ သဒ္ဒေါ။
     ပါပဂ္ဂဟော ဒုဿုပိနံ အကန္တံ၊
     ဗုဒ္ဓါနုဘာဝေန ဝိနသ မေန္တု။

၂။ ယံ ဒုန္နိမိတ္တံ အဝမင်္ဂလဉ္စ၊
     ယော စာ မနာပေါ သကုဏဿ သဒ္ဒေါ။
     ပါပဂ္ဂဟော ဒုဿုပိနံ အကန္တံ၊
     ဓမ္မာ နုဘာဝေန ဝိနာသ မေန္တု။

၃။ ယံ ဒုန္နိမိတ္တံ အဝမင်္ဂလဉ္စ၊
     ယော စာ မနာပေါ သကုဏဿ သဒ္ဒေါ။
     ပါပဂ္ဂဟော ဒုဿုပိနံ အကန္တံ၊
     သံဃာနုဘာဝေန ဝိနာသ မေန္တု။

၄။ ဒုက္ခပ္ပတ္တာ စ နိဒ္ဒုက္ခာ၊
     ဘယပ္ပတ္တာ စ နိဗ္ဘယာ။
     သောကပ္ပတ္တာ စ နိသောကာ၊
     ဟောန္တု သဗ္ဗေပိ ပါဏိနော။

၅။ ဧတ္တာဝတာ စ အမှေဟိ၊
     သမ္ဘတံ ပုညသမ္ပဒံ။
     သဗ္ဗေ ဒေဝါ နုမောဒန္တု၊
     သဗ္ဗသမ္ပတ္တိ သိဒ္ဓိယာ။

၆။ ဒါနံ ဒဒန္တု သဒ္ဓါယ၊
     သီလံ ရက္ခန္တု သဗ္ဗဒါ။
     ဘာဝနာဘိရတာ ဟောန္တု၊
     ဂစ္ဆန္တု ဒေဝတာ ဂတာ။

၇။ သဗ္ဗေ ဗုဒ္ဓါ ဗလပ္ပတ္တာ၊
     ပစ္စေကာနဉ္စ ယံ ဗလံ။
     အရဟန္တာနဉ္စ တေဇေန၊
     ရက္ခံ ဗန္ဓာမိ သဗ္ဗသော။

၈။ ယံကိဉ္စိ ဝိတ္တံ ဣဓ ဝါ ဟုရံ ဝါ၊
     သဂ္ဂေသု ဝါ ယံ ရတနံ ပဏီတံ။
     န နော သမံ အတ္ထိ တထာဂတေန၊
     ဣဒမ္ပိ ဗုဒ္ဓေ ရတနံ ပဏီတံ။
     ဧတေန သစ္စေန သုဝတ္ထိ ဟောတု။

၉။ ယံကိဉ္စိ ဝိတ္တံ ဣဓ ဝါ ဟုရံ ဝါ၊
     သဂ္ဂေသု ဝါ ယံ ရတနံ ပဏီတံ။
     န နော သမံ အတ္ထိ တထာဂတေန၊
     ဣဒမ္ပိ ဓမ္မေ ရတနံ ပဏီတံ။
     ဧတေန သစ္စေန သုဝတ္ထိ ဟောတု။

၁၀။ ယံကိဉ္စိ ဝိတ္တံ ဣဓ ဝါ ဟုရံ ဝါ၊
       သဂ္ဂေသု ဝါ ယံ ရတနံ ပဏီတံ။
       န နော သမံ အတ္ထိ တထာဂတေန၊
       ဣဒမ္ပိ သံဃေ ရတနံ ပဏီတံ။
       ဧတေန သစ္စေန သုဝတ္ထိ ဟောတု။

၁၁။ ဘဝတု သဗ္ဗမင်္ဂလံ၊
       ရက္ခန္တု သဗ္ဗဒေဝတာ။
       သဗ္ဗ ဗုဒ္ဓါ နုဘာဝေန၊
       သဒါ သုခီ ဘဝန္တု တေ။

၁၂။ ဘဝတု သဗ္ဗမင်္ဂလံ၊
       ရက္ခန္တု သဗ္ဗဒေဝတာ။
       သဗ္ဗ ဓမ္မာ နုဘာဝေန၊
       သဒါ သုခီ ဘဝန္တု တေ။

၁၃။ ဘဝတု သဗ္ဗမင်္ဂလံ၊
       ရက္ခန္တု သဗ္ဗဒေဝတာ။
       သဗ္ဗ သံဃာ နုဘာဝေန၊
       သဒါ သုခီ ဘဝန္တု တေ။

၁၄။ မဟာကာရုဏိကော နာထော၊
       ဟိတာယ သဗ္ဗပါဏိနံ။
       ပူရေတွာ ပါရမီ သဗ္ဗာ၊
       ပတ္တော သမ္မောဓိ မုတ္တမံ။
       ဧတေန သစ္စဝ‌ေဇ္ဇန၊
       သောတ္ထိ တေ ဟောတု သဗ္ဗဒါ။

၁၅။ ဇယန္တော ဗောဓိယာ မူလေ၊
       သကျာနံ နန္ဒိဝဎ္ဍနော။
       ဧဝမေဝ ဇယော ဟောတု၊
       ဇယဿု ဇယမင်္ဂလေ။

၁၆။ အပရာဇိတပလ္လင်္ကေ၊
       သီသေ ပုထု ဝိပုက္ခလေ။
       အဘိသေကေ သဗ္ဗဗုဒ္ဓါနံ၊
       အဂ္ဂပ္ပတ္တော ပမောဒတိ။

၁၇။ သုနက္ခတ္တံ သုမင်္ဂလံ၊
       သုပ္ပဘာတံ သုဟုဋ္ဌိတံ။
       သုခဏော သုမုဟုတ္တော စ၊
       သုယိဋ္ဌံ ဗြဟ္မစာရိသု။

၁၈။ ပဒက္ခိဏံ ကာယကမ္မံ၊
       ဝါစာကမ္မံ ပဒက္ခိဏံ။
       ပဒက္ခိဏံ မနောကမ္မံ၊
       ပဏီဓိ တေ ပဒက္ခိဏေ။

၁၉။ ပဒက္ခိဏာနိ ကတွာန၊
       လဘန္တတ္ထေ ပဒက္ခိဏေ။
       တေ အတ္ထလဒ္ဓါ သုခိတာ၊
       ဝိရုဠှာ ဗုဒ္ဓသာသနေ။
       အရောဂါ သုခိတာ ဟောထ၊
       သဟ သ‌‌‌ဗ္ဗေဟိ ဉာတိဘိ။

       ပုဗ္ဗဏှသုတ္တံ နိဋ္ဌိတံ။

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]