ပျုသာႏသနာႏနယ်ꩻ
- ၁။မာꩻနေး ပရဟိတတဲင် ပျုသာႏသနာႏအောဝ်ႏ
- ၂။ဟော်ꩻနေးတရာꩻတဲင် ပျုသာႏသနာႏအောဝ်ႏ
- ၃။သွဉ်လိတ်ချလိတ်တဲင် ပျုသသနာႏအောဝ်ႏ
- ၄။အွဉ်ႏနယ်တရာꩻတဲင် ပျုသာႏသနာႏအောဝ်ႏ
- ၅။ဗွောင်နယ်ဖေႏ လိုꩻပေႏတာႏ ယေန်ႏကေႏလိန်ႏမာႏဓမ္မစကူးတဲင် ပျုသာႏသနာႏအောဝ်ႏ
- ၆။တဲမ်းလိတ်ထေလိတ်စောင်ႏတဲင် ပျုသာႏသမာႏအောဝ်ႏ
ပျုသာႏသနာႏအစွိုးစွိုးအခါႏခါႏ မဲဉ်ပျုနေးမုဲင်ꩻပျု အောဝ်ႏလꩻဒျာႏ အရေꩻကီꩻသွတ်ꩻနောဝ်ꩻ---
၁။ ဗုဒ္ဓဘာႏသာႏ လိုꩻအဖြာꩻ ဖေႏကယွမ်ꩻမွိုန်းတောဝ်းငါ
၂။ ဗုဒ္ဓဘာႏသာႏ လမ်းငင်းယွမ်ꩻထိုꩻ မွိုန်းတောဝ်းငါ
၃။ ဗုဒ္ဓဘာႏသာႏ ဟံႏယာႏယွမ်ꩻထိုꩻမွိုန်းတောဝ်းငါ ဒျာႏသွူ။
နီပအိုဝ်ႏဒေႏသ နီပအိုဝ်ႏရပ်ရာႏ ကလဲဉ်းခိုႏချာမဟာမစာႏနောဝ်ꩻ ဘာႏသာႏချာꩻလိုꩻမျိုꩻလင် တနွို့သော့ꩻတောဝ်း တအောဝ်ႏသော့ꩻတောဝ်း တရော်ꩻကြို့ꩻတောဝ်းရိုꩻလဲ့ ထွိုင်ႏတွိုႏယိုခါ ဒီမိုကရေစီသဖော်ꩻအလꩻ နီဒုံဝင်ꩻတွိုႏဝင်ꩻရာႏ နီဖျော် အီႏအုံခေါ်ခေါ်နောဝ်ꩻ တယိုꩻဒွုမ်တဲင် နီလိုꩻမျိုꩻကိုခါႏ ဝင်ꩻလိုꩻမျိုꩻမိဉ်ႏတွိုႏစိန်ႏစွော်ꩻလဲ့ နီသွီႏဖေႏကပြာꩻဗာႏမွိုန်း ၊ နီဘာႏသာႏကိုခါႏ ဝင်ꩻဘာႏသာႏမိဉ်ႏလွဉ်ဒေါ့ꩻဟော်ꩻခန်းလဲ့ နီဗုဒ္ဓဘာႏသာႏသွီႏ ဖေႏကယွမ်ꩻ ထိုꩻဗာႏမွိုန်းနောဝ်ꩻ အခိန်ႏအောဝ်ႏ ယိုခါတွင်ꩻ အောဝ်ႏလိုႏငါႏ ခွန်နင်ꩻတကာႏတောမ်ႏဆရာႏဆွန်ꩻစူ ပျုလွေꩻညီꩻဝင်ꩻသာႏသနာႏဒျာႏသွူ။
"ဝင်ꩻအုံနီခြာ နီနာꩻခြာ သွီႏပြာꩻထိုꩻမွိုန်းနော" "ဝင်ꩻအုံနီထျꩻ နီနာꩻထျꩻ သွီႏဝꩻထိုꩻမွိုန်းနော"
နီဗုဒ္ဓဘာႏသာႏသွီႏ နီပအိုဝ်ႏသွီႏ ဖေႏကပြာꩻထိုꩻမွိုန်း ဖေႏကဝꩻထိုꩻမွိုန်းနောဝ်ꩻ ဘာႏသာႏရေꩻအွဉ်ငါ ရဟန်ꩻသံဃာႏတာႏဝွန်ႏအောဝ်ႏအတွိုင်ꩻ ဖြားဒုံကျောင်ꩻကောႏမတီႏဖုံႏလဲ့ တာႏဝွန်ႏအောဝ်ႏနေနေသွူ။
နီတာႏဝွန်ႏယို နီမိဉ်ႏတထူႏဒါႏတောဝ်း နီသမဲင်ꩻ နီမိဉ်ႏတသေတဲမ်းဟောဝ်သဲင်ꩻတောဝ်းနောဝ်ꩻ တဖဲ့ꩻလိုꩻမျိုꩻ တဖဲ့ꩻဘာႏသာႏ မိဉ်ႏလွဉ်တဲမ်းသော့ꩻလꩻ မိဉ်ႏလွဉ်အုံသော့ꩻလꩻနောဝ်ꩻ အီႏထူႏချာဗာႏနီလိုꩻ အီႏလꩻချာဗာႏနီသွီႏ မာꩻနေးမုဲင်ꩻမာꩻ တယိုꩻအွီႏဒွုမ်၊ နီပအိုဝ်ႏသွီႏ ဝင်ꩻကစွီႏထိုꩻလဲ့ ပနဲးအာလဲဉ်း နီဘာႏသာႏသွီႏ ဝင်ꩻကစွီႏထိုꩻလဲ့ တွက်နေးအဖြာꩻပေါင်ꩻသူႏသေဒွုမ်မꩻ ခွိုင်းယိုမာꩻငါ ဘာႏသာႏပြာꩻလိုꩻမျိုꩻချာꩻ ဖေႏကမျောႏလꩻခါꩻမွိုနိးဒွုမ်နောဝ်ꩻ အခိမ်ႏထွꩻထွꩻ ယိုခါခါ အောဝ်ႏလိုႏငါႏလဲဉ်းနီနာꩻ ပျုခါꩻဟောဝ်ဟောဝ် ရဲပ်ခါꩻဟောဝ်ဟောဝ် နီလိုꩻနီသွီႏ နီဘာႏသာႏသွူ။
ပျုသာႏသနာႏ ရဲပ်ခါꩻနီလိုꩻအာႏနောဝ်ꩻ လိုꩻကျောင်ꩻ လိုꩻလမ်းတရွေꩻတောဝ်း ကတဲမ်းနယ်ထွူလဲဉ်းဒါႏ ပျုသာႏသနာႏအနယ်ꩻ(၆)မျိုꩻကီယို တမျိုꩻတောဝ်းတမျိုꩻ တဗာႏတောဝ်းတဗာႏ နီမိဉ်ႏတဲမ်းနီမိဉ်ႏဒေါ့ꩻနယ် နီဟော်ꩻနယ် နီမီဉ်ႏရဲပ်နယ်နောဝ်ꩻ ထွာလဲဉ်း ပျုသာႏသနာႏ ထွာလဲဉ်းမာꩻစွိုးခွိုꩻ ထာꩻမာꩻ ထွာလဲဉ်း မာꩻအမျိုꩻသာꩻထာꩻမာꩻသွူ။
ကွပ်နောဝ်ꩻမꩻဖတ်လိတ်သား ဗွေႏခွန်နင်ꩻသီး မိဉ်ႏရက်မွေး နီဗုဒ္ဓဘာႏသာႏ မိဉရက်မွေးနီပအိုဝ်ႏလိုꩻမျိုꩻလဲ့ ပျုသာႏသနာႏအနယ်ꩻ (၆)မျိုꩻ တမျိုꩻတောဝ်းတမျိုꩻ ဟောဝ်ပျုကိုငါႏ ဟောဝ်မာꩻလေကိုငါႏ နီဗုဒ္ဓဘာႏသာႏ ဟောဝ်ရဲပ်ကိုငါႏ နီပအိုဝ်ႏလိုꩻမျိုꩻဘေꩻရန်ႏဒျာႏသွူ။[၁]
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
- ↑ မောင်ခွန်ဗွေႏ၊ အာႏဏာႏတောမ်ႏ သာႏသနာႏ