ဗဟုဘဏ္ဍိကရဟန်ꩻ
"ဗဟုဘဏ္ဍိကဝတ္ထု" ဒေဝဓမ္မ-ဂါႏထာႏ ပြန်ႏပအိုဝ်ႏခြေင်ခြေင်- ထာꩻဝင်ꩻသꩻ ထာꩻငမ်း အောဝ်ႏလွနမ်းလောင်းသေႏသေႏ၊ တရာꩻစင်ဗွာ အွဉ်ႏထွာလွသေႏသေႏ၊ ငိမ်ꩻခွꩻဣန္ဒြေႏယေန်ႏကေႏလွတသေႏတနား သွံမျိုꩻအဝ်ႏသေႏ ဝွေꩻဗွေႏသီးဖုံႏနဝ်ꩻ လူꩻတရာꩻဗွို့ꩻနမ်း သွံခမ်းလောက ဟဲ့ꩻလွနုဲင်းနဝ်ꩻသွူ။
၁၄၁။ တရာꩻဂါႏထာႏ ပြန်ႏပအိုဝ်ႏခြေင်ခြေင်- သံႏသယထင်းမာႏ (ဝိစိကိစ္ဆာႏ) ကိလေႏသာႏယို တယားပွန်းလꩻဒွိုန်း ခွုင်းကအောဝ်ႏဒါႏ သတ္တဝါႏယို (အတာႏ) အကျင်ꩻအုံတလီꩻထာꩻနဝ်ꩻ တမာꩻစင်ထိုꩻနွောင်ꩻတဝ်း ကိလေႏသာႏ၊ အကျင်ꩻအွဉ်ႏတထုမ်ႏနဝ်ꩻ တမာꩻစင်ꩻထိုꩻနွောင်ꩻတဝ်း ကိလေႏသာႏ၊ အကျင်ꩻအုံသို့ဟံႏဗော့ꩻနဝ်ꩻ တမာꩻစင်ထိုꩻနွောင်ꩻတဝ်း ကိလေႏသာႏ၊ အကျင်ꩻခံႏအုံမ အာဟာႏရနဝ်ꩻ တမာꩻစင်ထိုꩻနွောင်ꩻတဝ်း ကိလေႏသာႏ၊ အကျင်ꩻဗေင်ႏလွင်ꩻထာꩻ ဟံႏလောင်းနဝ်ꩻ တမာꩻစင်ထိုꩻနွောင်ꩻတဝ်းကိလေႏသာႏ၊ အကျင်ꩻအုံဝွေႏ အုံတဗော့ꩻတဗꩻသေႏသေႏထာꩻနဝ်ꩻ တမာꩻစင်ထိုꩻနွောင်ꩻတဝ်း ကိလေႏသာႏ၊ အကျင်ꩻအုံစောင်းပေါင်ꩻထာꩻနဝ်ꩻ တမာꩻစင်ꩻထိုꩻနွောင်ꩻတဝ်း ကိလေႏသာႏနဝ်ꩻသွူ။
ဟော်ꩻထွားသွဉ်ဗာႏ "ဗဟုဘဏ္ဍိကရဟန်ꩻဝတ္ထု"ယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ ထာꩻမက်၊ ထာꩻစွယ်ꩻ၊ ထာꩻအွီႏဖုံႏယိုနဝ်ꩻ အီႏပယ်ႏထိုꩻဗာႏ တလဲင်ႏချင်ꩻနဝ်ꩻ တယိုꩻတဝ်း-
၂။ လိုꩻဒေါသတန်၊ လိုꩻမာႏနတန်၊ လိုꩻထာꩻယူႏဆေ့ꩻယို စွော့ꩻတရော့ꩻကြွို့ꩻတဝ်း၊ ထေဒါႏအသꩻ-
၃။ ကွပ်ရက်ပိုမာတဲင် အင်းဖေႏယို အင်းဖေႏနဝ်ꩻနဝ်ꩻ ဖေႏမွေးမꩻ၊ ပေါႏတလꩻတဝ်းနဝ်ꩻ ရန်ႏဆုဲင်ꩻဒါႏထာꩻ၊ ပေါႏတသေနွောင်ꩻတဝ်းနဝ်ꩻ သꩻဒုက္ခဆုဲင်ꩻဒါႏ-
၄။ မဉ်ႏကွဉ်ကꩻတဝ်း ခွမ်ꩻလာꩻနဝ်ꩻ ဝင်ꩻအမျာꩻင၊ "ထွာလိုꩻမွိုက်အပေႏစား"၊ မဉ်ႏကွဉ်ကꩻတဝ်း သီႏလနဝ်ꩻ"ထွာလိုꩻမွိုက်အတလောင်ꩻစား"၊ မဉ်ႏကွဉ်ကꩻတဝ်း ဟိရိဩတ္တပ္ပ(သုက္ကဓမ္မ၊ လောပါလ) တရာꩻယိုနဝ်ꩻ" ထွာစွဉ်ႏ လိုꩻမွိုက်အတန်စား"နဝ်ꩻသွူ။[၁][၂][၃]