ဗာဟိယဒါရုစီရိယ

"ဗာဟိယဒါရုစီရိယ"

၁၀၁။ ဂါႏထာႏပြန်ႏပအိုဝ်ႏခြေင်ခြေင်- ပွိုင်းဝွို့တွမ်ႏ အကျိုꩻတအဲဉ်ထဝ်း ကစီႏခါꩻဒါႏ ဂါႏထာႏနဝ်ꩻနဝ်ꩻ ထွာခန်းအပွုဒ်တရေင်တဲ့ယဝ်း တမျတ်တဝ်းခြာ၊ ဂါႏထာႏမုဲင်ꩻတဲ့ယဝ်း ဟွိုန်ဗာႏထွူတဲင် ရာႏဂစဒျာႏ ကိလေႏသာႏခိုးလျား ထိုꩻမားခွꩻလို့၊ အကျိုꩻအဝ်ႏငါႏ ဂါႏထာႏတပွုဒ်ပေႏနဝ်ꩻနဝ်ꩻ တပွုဒ်ပေႏငါတဲ့ယဝ်း မျတ်ငါႏနဝ်ꩻသွူ။

ဟော်ꩻထွားသွဉ်ဗာႏ 'ဗာဟိယဒါရုစီရိယ'ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ မွူးနီꩻသီ မဉ်ႏတတွိုႏတဝ်းနဝ်ꩻ မော့ꩻခန်းဘေꩻအန္တရာယ်ႏတဲ့ယဝ်း တသီတဝ်း-

၂။ ပေါႏထာꩻဝွေႏဖန်ႏဉာဏ်ႏ အဲဉ်ထဝ်းနဝ်ꩻ ထာꩻကိုꩻကွယ်ႏမာႏဒါႏ-

၃။ ပေါႏသာႏယာႏ ဝင်ꩻကပူႏဇောႏ ပေါႏလောႏလာဘ်ဖဲ့ꩻနောဝ်ꩻ အကျင်ꩻမျတ် ထဲ့သွုမ်ꩻထိုꩻဒါႏ-

၄။ ပေါႏအားထွုတ်တရာꩻ သမထ ဝိပဿနာႏ (အနယ်ꩻမဲဉ်ႏမဲဉ်ႏ)နဝ်ꩻ သွုမ်ꩻခင်ꩻအဲဉ်ထဝ်း၊ ဘဝယိုနဝ်ꩻ လꩻတဝ်းတရာꩻခန်းတဲ့ တွိုႏတစိုးစိုး တဇာတ်ဇာတ်သူꩻနဝ်ꩻ လꩻနွောင်ꩻယိုꩻတရာꩻထူꩻ တရာꩻမျတ်-

၅။ ပေါႏလူႏဖိုတဝ်း သင်္ကန်ꩻ သပိတ်နဝ်ꩻ မော့ꩻခန်းဘုရာꩻနမ်းနမ်းတဲ့ယဝ်း ထွာနွောင်ꩻတဝ်း "ဧဟိ ဘိက္ခု"ရဟန်ꩻ-

၆။ ဝွဋ်-ကရိုꩻနဝ်ꩻ လုဲင်ႏပြွတ်တလꩻတဝ်း-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။