မဟာကဿပတပဲ့ꩻ
"မဟာကဿပတပဲ့ꩻခင်ႏထျꩻဝတ္ထု"
၆၁။ ဂါႏထာႏပြန်ႏပအိုဝ်ႏခြေင်ခြေင်- လိုꩻကလွေꩻထုမ်ႏဒါႏ သွꩻဟောဝ်သားနဝ်ꩻ သီႏလ သမာႏဓိ ပညာႏ သိက္ခာႏယိုသွံပါꩻ ဗွေခါꩻလွိုနီသားတဲ့နဝ်ꩻ၊ တွမ်ႏနီကဗွန်ပီသားတဲ့နဝ်ꩻ မဉ်ႏတမော့ꩻတောဝ်းစိန်ႏစွော့ꩻနဝ်ꩻ တဉ်ႏတဉ်ႏခြွော့ခြွော့ အုံခေါ်ခေါ် မာꩻသျင်ꩻသျင်၊ ကျင်ꩻဒျာႏသွော့တပါꩻငါ၊ ကွပ်ပွိုးထမုဲင်ꩻနဲတဲင် - အာႏကွိုꩻသꩻဆွော့ꩻ လိုꩻမွိုက်ယိုတွော့ꩻ သွꩻဟောဝ်ဥပမာႏ သိက္ခာႏသွံပါꩻကိုနဝ်ꩻ အီႏလꩻရုမ်းခါꩻ တပါꩻပေႏငါတဲ့ အဲဉ်ထောဝ်းနောဝ်ꩻသွူ။
"လꩻဗဟသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ ဗွေႏမဟာႏကဿပ တပဲ့ꩻခင်ႏထျꩻဝတ္ထုယိုတဲင်- ၁။ ဝင်ꩻမာꩻဒျာႏတဲင် ရိုꩻခွေမာꩻတွော့ꩻ အွဉ်ႏမွေးအီနမ်းနောဝ်ꩻ ထွာထာꩻအံႏလဲဉ်ဝင်ꩻနောဝ်ꩻမꩻ မဲ့ငါပေႏ တရေႏကုဲင်အီဒါႏအကျောင်ꩻ၊
၂။ နေးတွမ်ႏအမဲဉ်ႏတရာꩻတဲင် ဆရာꩻသမာꩻသီး ကဆွုံꩻမꩻနဝ်ꩻ ဟောဝ်သꩻလျားချာတဝ်း၊ ရိုႏသေႏဗာႏဆရာႏအကျောင်ꩻ၊
၃။ ပေါႏသꩻလျားဆရာႏ၊ ပေါႏမာꩻမောင်းထာꩻနဝ်ꩻ ဘဝယိုတဲ့ ဝင်ꩻကဲ့ꩻရဲ့ꩻ သဲ့ꩻသွမ်ꩻ၊ မဉ်ꩻတဲ့ကုဲင်ဆုဲင်ꩻ၊ ဘဝငါသူꩻတဲ့ ထဲ့ဗာႏငါးရုဲင်ꩻအကျောင်ꩻ၊
၄။ ပေါႏမော့ꩻတဝ်း သွꩻဟောဝ်နဝ်ꩻ အုံတဖြာꩻငါနဝ်ꩻ မွေးထဲင်းအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။[၁][၂][၃]