မာꩻခေ့ꩻမာꩻတဖြောဝ်း
"ဥပက္ကိလေသသုတ် (မာꩻခေ့ꩻ၊ မာꩻတဖြောဝ်း၊ မာꩻတရေꩻတဝ်းမွူးလာ)" ရဟန်ꩻသီးဖုံႏဟွေး- ၁။ အဗ္ဘာ ဘိက္ခဝေ စန္ဒိယသူရိယာနံ ဥပက္ကိလေသာ- 'မို့ꩻအေႏ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်မို့ꩻအေႏဖုံႏနဝ်ꩻတဲင် မွူးလာနောဝ်ꩻ န တပန္တိ-အရောင်ႏတထန်ႏတောဝ်းဒွုမ်၊ န ဘာသန္တိ-အရောင်ႏတဆောဝ်တောဝ်းဒွုမ်၊ န ဝိရောစန္တိ-(မွူးလာ) တင်ႏတယ်ႏတဝ်းဒွုမ်။ ၂။ မဟိကာ ဘိက္ခဝေ စန္ဒိယသူရိယာနံ ဥပက္ကိလေသာ- 'တအိုမုတ်ꩻ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ပွိုးတအိုမုတ်ꩻဖုံႏနဝ်ꩻတဲင် မွူးလာနောဝ်ꩻ အရောင်ႏတထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။ ၃။ ဓူမော ရဇော ဘိက္ခဝေ စန္ဒိယသူရိယာနံ ဥပက္ကိလေသာ- 'မေလူး-ထာꩻအီႏဖွန်ႏ'ဖုံႏနဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်ပွိုးမေႏလူး ထာꩻအီႏဖွန်ႏဖုံႏနဝ်ꩻတဲင် မွူးလာနဝ်ꩻ အရောင်ႏတထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။ ၄။ ရာဟု ဘိက္ခဝေ အသုရိန္ဒော စန္ဒိမသူရိယာနံ ဥပက္ကိလေသာ- 'ရာႏဟု-အသူႏရိန်ႏ'နဝ်ꩻ မာꩻတမိုꩻထိုꩻ မွူးလာရောင်ႏ၊ ဖေႏတောင်ႏတဝ်းမွူးလာ၊ ကွပ်ရာႏဟုအသူႏရိန်ႏနဝ်ꩻတဲင် မွူးလာနဝ်ꩻ အေရာင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။ အနုဲင်းနဝ်ꩻနေနေ၊ ရဟန်ꩻသီးဖုံႏဟွေး- ၁။ ဧကေ သမဏဗြာဟ္မဏာ သုရံ ပိဝန္တိ- 'သမဏ ဗြာဟ္မစ ယင်ဟန်ႏဖုံႏ'နဝ်ꩻ အွꩻလွဒေါဝ်ဖုံႏ၊ 'ဒေါဝ်'နဝ်ꩻ မာꩻတမိုꩻထိုꩻ သမဏဗြာဟ္မဏသီး (ဂွုဏ်ႏသိက္ခာႏ)အရောင်ႏ၊ (ဂွုဏ်ႏသိက္ခာႏ)အရောင်ႏထန်ႏတောဝ်းဒွုမ်၊ အရောင်ႏတဆောဝ်တောဝ်းဒွုမ်၊ (သမဏ၊ ဗြာဟ္မဏနဝ်ꩻ) တရေꩻတင်ႏတယ်ႏတဝ်းဒွုမ်။ ၂။ ဧကေ သမဏဗြာဟ္မဏာ မေထုနံ ဓမ္မံ ပဋိသေဝန္တိ- 'သမဏ ဗြာဟ္မစ ယင်ဟန်ႏဖုံႏ'နဝ်ꩻ မာꩻအကျင်ꩻလိုꩻဒုံ-မေထုန်ခိုမူႏ အကျင်ꩻနဝ်ꩻနဝ်ꩻ မာꩻတမိုꩻထိုꩻ သမဏဗြာဟ္မဏသီး (ဂွုဏ်ႏသိက္ခာႏ)အရောင်ႏ၊ (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။ ၃။ ဧကေ သမဏဗြာဟ္မဏာ ဇာတရူပရဇတံ သာဒိယန္တိ- 'သမဏ ဗြာဟ္မစ ယင်ဟန်ႏဖုံႏ'နဝ်ꩻ ကွပ်သာႏယာႏရွဉ်ခံꩻတဲင် (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်။ ၄။ ဧကေ သမဏဗြာဟ္မဏာ မိစ္ဆာဇီဝေန ဇီဝန္တိ- 'သမဏ ဗြာဟ္မစ ယင်ဟန်ႏဖုံႏ'နဝ်ꩻ နေးတွမ်ႏထာꩻညမ်း လွူးအီနမ်းတဲင် (ဂွုဏ်ႏသိက္ခာႏ)အရောင်ႏထန်ႏတဝ်းဒွုမ်၊ အရောင်ႏတဆောဝ်တဝ်းဒွုမ်၊ တရေꩻတင်ႏတယ်ႏတဝ်းဒွုမ်နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဥပက္ကိလေသသုတ်)[၁][၂]