မောင်ခွန်နွယ် (အင်းလေး)
| မောင်ခွန်နွယ် (အင်းလေး) | |
|---|---|
| လွူးဖွာꩻမိဉ်ꩻ | ဖြားခွန်စိန်ဝင်း ၃၁ ဩဂုတ်၊ ၁၉၄၈၊ ဒုံအင်းယားထင်ꩻ ဝေင်ꩻညောင်ႏရွီႏ |
| ကလောင်မိဉ်ꩻ | ကမ္ဗောဇမောင်ပြုံးရည် |
| ထာꩻမာꩻ | လိတ်တဲမ်းဆရာႏ |
| ပညာႏရေꩻ | ဝိဇ္ဇာဘွဲ့ |
| မိခင်ကျောင်ꩻ | မန်ႏတလေꩻတက္ကသိုလ်ႏ(ဝိဇ္ဇာတောမ်ႏ သိပ္ပံကျောင်ꩻ) |
| တင်ႏသျာꩻဒါႏစူခြောင်ꩻဖုံႏ |
|
| ကလꩻဒါႏဆုꩻဖုံႏ |
|
မောင်ခွန်နွယ် (အင်းလေး) (မိဉ်ꩻရင်ꩻ: ဖြားခွန်စိန်ဝင်း) နဝ်ꩻ ထွာဒျာႏ ပအိုဝ်ႏမွိုးဖါဗွေႏ ဖြားချစ်ရီ၊ မွိုးလှရင် သီး ကလွူးဖွာꩻလင်ꩻဒါႏ ပအိုဝ်ႏလိုꩻမျိုꩻ လိတ်တဲမ်းဆရာႏ တဖြာꩻဒျာႏသွူ။ လွူးဖွာꩻနေင်ႏနဝ်ꩻ ထွာဒျာႏ ခရိစ်နေင်ႏ ၁၉၄၈ ဗာႏ ဩဂဲစ်လာ ၃၁ နီꩻတဲင် လွူးဖွာꩻဇာႏတိနဝ်ꩻ ထွာဒျာႏ ဒုံအင်းယားထင်ꩻ ဝေင်ꩻနယ်ႏညောင်ႏရွီႏကိုသွူ။ ကလောင်မိဉ်ꩻဖြယ်အလင် "ကမ္ဗောဇမောင်ပြုံးရည်" နုဲင်းနဝ်ꩻလဲ့ အဝ်ႏဖန်ခါꩻနဝ်ꩻသွူ။ သွဉ်ထူႏလွေꩻတွိုႏဗာႏ တက္ကသိုလ်ႏပညာႏရေꩻ မန်ႏတလေꩻတက္ကသိုလ်ႏ(ဝိဇ္ဇာတောမ်ႏ သိပ္ပံကျောင်ꩻ)ကိုတဲင် ဒဲ့ꩻထူႏလꩻလွေꩻ ဝိဇ္ဇာဘွဲ့နဝ်ꩻသွူ။
မောင်ခွန်နွယ် (အင်းလေး)နဝ်ꩻ ပေႏပေႏခါကာႏ သꩻဝင်ႏစာꩻငါႏလိတ်လုဲင်ꩻတဲင် ကွတ်ꩻတန်ꩻခိန်ႏကာႏ အဝ်ႏတဲမ်းစလဲဉ်း လိတ်နဝ်ꩻသွူ။ ၁၉၆၈ ဗာႏနဝ်ꩻ နွို့ခေးပြုဲင်ႏလွေꩻ မျန်မာတခမ်းလွုမ်းဆဲင်ႏရာꩻ ကြက်ခြေနီ ရောမ်ဖြုဲင်ꩻပြုဲင်ႏပွယ်ꩻကို တောမ်ႏလိတ်မူ "ဆွတ်ေ့ခလိုစိတ် နှစ်သိမ့်ဖြေမယ်" တွော့ꩻ လꩻလွေꩻ တတိယဆုꩻသွူ။ အချစ်တော်စာစောင် နံရံကပ် ရောမ်ဖြုဲင်ꩻပြုဲင်ႏပွယ်ꩻဆုꩻကိုလဲ့ လꩻလွေꩻဆုꩻ (၆)လဲင်ႏနဝ်ꩻသွူ။ တွိုႏ ၁၉၇၃ ဗာႏ နွို့ခေးပြုဲင်ႏလွေꩻ စာပေဗိမာန်ဆုꩻ ပြုဲင်ႏပွယ်ꩻကို တောမ်ႏ"မြစိမ်းညိုရွက် သနပ်ဖက်"လိတ်မူတဲင် လꩻလွေꩻ သုတပဒေသာ (ဝိဇ္ဇာ တတိယဆုꩻ)သွူ။ ၁၉၈၀ ဗာႏ နွို့ခေးပြုဲင်ႏလွေꩻယင်း စာပေဗိမာန်ဆုꩻ လိတ်မူပြုဲင်ႏပွယ်ꩻကို တောမ်ႏလိတ်မူ "ပအိုဝ်းသွေးချင်း ညီနောင်ရင်း" လꩻလွေꩻ (လိုꩻယွဲးလိတ်လုဲင်ꩻ) တတိယဆုꩻ၊ ၁၉၈၇ ဗာႏ နွို့ခေးပြုဲင်ႏလွေꩻယင်း စာပေဗိမာန်ပြုဲင်ႏပွယ်ꩻကို တောမ်ႏ"စွမ်းအားရှင် ရွက်နုစိမ်းလေးများ" လိတ်မူတွော့ꩻ လꩻလွေꩻ (လိုꩻပေႏလိတ်လုဲင်ꩻဆုꩻ) လိတ်မူဆုꩻ၊ တွိုႏ ၁၉၉၀ ဗာႏနဝ်ꩻ တောမ်ႏ"စွမ်းအားရှင် ရွက်နုစိမ်းလေးများ" လိတ်မူယင်းဒျာႏ လꩻလွေꩻ အမျိုးသားစာပေဆုꩻ (လိုꩻယွဲးလိတ်လုဲင်ꩻဆုꩻ)၊ ၁၉၉၂ ဗာႏနဝ်ꩻ တောမ်ႏလိတ်မူ "ပအိုဝ်းသွေးချင်း ညီနောင်ရင်း" ဒျာႏ လꩻလွေꩻယင်း အမျိုးသားစာပေဆုꩻ (စာပဒေသာဆုꩻ) ဖုံႏနဝ်ꩻသွူ။
မြဝတီ၊ ငွေတာရီ၊ ရှုမဝ၊ စာပေလုပ်သား၊ မြတ်မင်္ဂလာ၊ ဒို့ကျောင်းသား လိတ်ဖွူꩻဖုံႏကိုလဲ့ အဝ်ႏတဲမ်းသော့ꩻဗာႏ ရောမ်ဖြုဲင်ꩻဖုံႏနဝ်ꩻသွူ။ တယ်ႏ ၁၉၉၃ ဗာႏ ဗꩻယိုခါ အဝ်ႏထေင်းထမ်ႏခွုမ်မာꩻလွေꩻဖေႏ ဝေင်ꩻနယ်ႏတောင်ႏကီꩻ လိတ်လုဲင်ꩻတောမ်ႏ စာနယ်ဇင်း အစွိုꩻ ဥက္ကဋ္ဌ နဝ်ꩻသွူ။ ဖြဝ်ꩻခမ်းနယ်ႏ "ကမ္မောဇသတင်းစဉ်" ကိုလဲ့ အဝ်ႏခွုမ်မာꩻဖေႏ စာတည်းအစွိုꩻနွို့၊ ဖြဝ်ꩻခမ်းနယ်ႏ လိုꩻမူႏရေꩻရာႏ ထာꩻမာꩻကောႏမတီႏကိုလဲ့ အဝ်ႏခွုမ်မာꩻကိုဖေႏနဝ်ꩻသွူ။
ကတဲမ်းထေခါꩻဒါႏ လိတ်ဖွူꩻဖုံႏ[မွဉ်းဖျင် | မွဉ်းဖျင်အရွီးခိုႏ]
- မြစိမ်းညိုရွက် သနပ်ဖက် ၁၉၇၆
- ပအိုဝ်းသွေးချင်း ညီနောင်ရင်း ၁၉၈၄
- စွမ်းအားရှင် ရွက်နုစိမ်းကလေးများ ၁၉၈၇
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
- ↑ ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန (ရုံးချုပ်)၊ စာတည်းအဖွဲ့ စုဆောင်း ပြုစုပြီး ရွှေဟင်္သာ စာအုပ်တိုက်မှ ၂၀၀၆ နိုဝင်ဘာမှာ ပထမအကြိမ် ထုတ်ဝေ ဖြန့်ချိခဲ့တဲ့ 'နှစ်ဆယ်ရာစု မြန်မာ စာရေး ဆရာများနှင့် စာစုစာရင်း (ဒုတိယတွဲ)