မွိုးဖါ(၂)
"ဩဝါဒလစ်ꩻထွော့ တောင်ꩻတောင်ꩻသွော့ အမုဲင်(၂)" ၁။ ပိုခိုမွိုက် "သေတဝ်း ဖါကေꩻဇူꩻ တစွိုးစွိုး"၊ ပိုမူႏမွိုက် "သေတဝ်း မွိုးကေꩻဇူꩻ တမျိုꩻမျိုꩻ"၊ လိုꩻသေတဝ်း မွိုးဖါကေꩻဇူꩻနဝ်ꩻ "ယံတဝ်း"။ ၂။ ပိုခိုမွိုက် "မာꩻဒုက္ခဖါ အစွိုးစွိုး"၊ ပိုမူႏမွိုက် "မာꩻယပ်ꩻခုဲင်ႏမွိုး အမျိုꩻမျိုꩻ"၊ အံႏနွောင်ꩻချာမွိုးဖါ၊ ယားမွိုးဖါတခြိုꩻ-စတဲင်နုဲင်းနဝ်ꩻနဝ်ꩻ "ယံတဝ်းတစိꩻစိꩻ"။ ၃။ ပိုခိုလိန်ႏမာႏ "သေဒျာႏ ဖါကေꩻဇူꩻ အစွိုးစွိုး"၊ ပိုမူႏလိန်ႏမာႏ "သေဒျာႏ မွိုးကေꩻဇူꩻ အမျိုꩻမျိုꩻ"၊ လိုꩻသေချာမွိုးဖါကေꩻဇူꩻနဝ်ꩻ "ယံဒျာႏ"။ ၄။ ပိုခိုလိန်ႏမာႏ "မာꩻချမ်ꩻသာႏဖါ အစွိုးစွိုး"၊ ပိုမူႏလိန်ႏမာႏ "မာꩻချမ်ꩻသာႏမွိုး အမျိုꩻမျိုꩻ"စတဲင်နုဲင်းနဝ်ꩻနဝ်ꩻ "ယိန်းယံငါႏ"နဝ်ꩻသွူ။ "ဩဝါဒလစ်ꩻထွော့ ငေါဝ်းလင်္ကာႏ အမုဲင်(၂)" ၁။ မွိုးဖါကေꩻဇူꩻ၊ လွစ်သေဖူꩻ၊ ဝွေꩻသူꩻ ယံတဝ်းခြာ။ ၂။ မွိုးဖါတခြိုꩻ၊ ယားလို့ထိုꩻ၊ ဝင်ꩻရိုꩻ ပိုမွိုက်ပြာ။ ၃။ မွိုးဖါကေꩻဇူꩻ၊ သေအထူꩻ၊ ဝွေꩻသူꩻ ယံဒျာႏထွာ။ ၄။ မွိုးဖါအတာႏ၊ မာꩻချမ်ꩻသာႏ၊ လိန်ႏမာႏ ယိန်းယံအာ။[၁][၂]