ရဟန်ꩻကုဲင်သီးထာꩻကျွိုက်

"သံဃဘေဒသုတ် (ရဟန်ꩻကုဲင်သီးထာꩻကျွိုက်၊ ရဟန်ꩻမွိုက်သီး ထာꩻရေႏရွယ်ႏ)" အွိုးခꩻတလဲင်ႏ နီဗွေႏဘုရာꩻအဝ်ႏအုံ ကောသမ္ဗီႏခမ်း၊ ကျောင်ꩻဃောသိတာရုံကိုအတွင်ꩻ သံဃာႏချင်ꩻချင်ꩻတဲ့ ခေါဝ်းတဝ်းလို့ဝင်ꩻတဲင် နီဗွေႏဘုရာꩻရိုꩻ- အာႏနန္တာႏ- ရဟန်ꩻကမာꩻပꩻ၊ ကမာꩻလီသံဃာႏနဝ်ꩻ ဝွေꩻထာꩻရေႏရွယ်ႏချက် အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ သာႏသနာႏကိုယို ရဟန်ꩻယွုတ်နဝ်ꩻ သီႏလအဲဉ်ထဝ်း၊ သꩻရင်ꩻဟောဝ်တဝ်း၊ အကျင်ꩻဝွေႏတန်၊ ဒို့ꩻခါꩻအပဲ့စ်၊ ဝွေꩻနဝ်ꩻ ရဟန်ꩻတမွေးတဝ်းတဲ့ ဝွန်ႏခံႏအနမ်းရဟန်ꩻ၊ ခွေယိုရဟန်ꩻဒျာႏ ဝွေꩻရိုꩻနုဲင်းနောဝ်ꩻ၊ အကျင်ꩻတမျတ်တဝ်းတဲ့ ရိုꩻအကျင်ꩻမျတ်၊ အကိုသေင်တန်၊ အသꩻစိုႏဒျာႏ ကိလေႏသာႏတန်။ ဝွေꩻယူႏနုဲင်းယို- 'ခွေအကျင်ꩻယို၊ ခွေထာꩻမာꩻယို ရဟန်ꩻဟောဝ်သီးဖုံႏ မဉ်ႏသေတနီꩻခါ ရဟန်ꩻသီးဖုံႏ လွောင်ႏဗူႏဟောဝ်ငါႏ၊ အာႏမဉ်ႏတလာနဝ်ꩻ မဲ့ꩻအီႏယားခွေ၊ မဲ့ꩻအီႏဝါးထန်ႏထိုꩻခွေ၊ မဲ့ꩻအီႏထွဉ်ႏထွက်ခွေ'၊ သံဃာႏ မဉ်ႏတလွောင်ႏဗူႏတဝ်းလို့ဝင်ꩻ အယားခွေ အမျိုꩻအီႏနွောင်ꩻမွေးတဝ်း၊ ထီႏပဌမ အကျိုꩻယိုတဲင် 'ဝွေꩻနစ်သက်သံဃာႏပꩻလီ'၊ ဝွေꩻဖေႏအာႏ 'သံႏဃာႏဖေႏကပꩻလီ'နောဝ်ꩻသွူႏ အာနန္တာႏဟွေး- ၂။ ရဟန်ꩻယွုတ်နဝ်ꩻ 'ထာꩻယူႏမာႏ ထွာမိစ္ဆာႏဒိဋ္ဌိ'တန်၊ ရဟန်ꩻဟောဝ် ရဟန်ꩻမျတ်သီးဖုံႏ ကျွိုက်တဝ်း၊ ရဟန်ꩻသီးဖုံႏ မဉ်ႏလွောင်ႏဗူႏ၊ မဉ်ႏဖြွမ်းလို့ဝင်ꩻနဝ်ꩻ ရဟန်ꩻဟောဝ် ရဟန်ꩻဒါႏ သမ္မာႏဒိဋ္ဌိသား အာႏတလာ၊ ယားဝွေꩻ၊ ဝါးထိုꩻဝွေꩻ၊ ထွဉ်ႏထွက်ထိုꩻဝွေꩻလꩻ၊ ရဟန်ꩻသီး မဉ်ႏပꩻလီနဝ်ꩻ အီႏနွောင်ꩻတဝ်းဝွေꩻ၊ ဝွေꩻထီႏဒုတိယအကျိုꩻယိုတဲင် 'ဝွေꩻနစ်သက် သံဃာႏပꩻလီ'၊ ဝွေꩻဖေႏအာႏ 'သံဃာႏဖေႏကပꩻလီꩻ'နောဝ်ꩻသွူ။ အာနန္တာႏဟွေး- ၃။ ရဟန်ꩻယွုတ်နဝ်ꩻ လွူအနမ်းတွမ်ႏ ထာꩻမာꩻမာႏ၊ ထွာ'မိစ္ဆာႏအာဇီဝ'၊ သမ္မာအာဇီဝ-ရဟန်ꩻဟောဝ် ရဟန်ꩻမျတ်သီးဖုံႏ ကျွိုက်တဝ်း၊ ရဟန်ꩻသီးဖုံႏ မဉ်ႏလွောင်ႏဗူႏ၊ မဉ်ႏဖြွမ်းလို့ဝင်ꩻနဝ်ꩻ ရဟန်ꩻဟောဝ် ရဟန်ꩻဒါႏ သမ္မာႏအာဇီဝသား အာႏတလာ၊ ယားဝွေꩻ၊ ဝါးထိုꩻဝွေꩻ၊ ထွဉ်ႏထွိုက်ထိုꩻဝွေꩻလꩻ၊ ရဟန်ꩻသီး မဉ်ႏပꩻလီနဝ်ꩻ အီႏနွောင်ꩻတဝ်းဝွေꩻ၊ ဝွေꩻထီႏ တတိယအကျိုꩻယိုတဲင် 'ဝွေꩻနစ်သက် သံႏဃာႏပꩻအီ'၊ ဝွေꩻဖေႏအာႏ 'သံဃာႏဖေႏကပꩻလီ'နောဝ်ꩻသွူ။ အာနန္တာႏဟွေး- ၄။ ရဟန်ꩻယွုတ်နောဝ်ꩻ အမက်မော်ꩻလာဘ်၊ အမဉ်လꩻအာအာတခြိုꩻ၊ လိုꩻဖုံႏ ဖေႏနေးကကေႏညိုႏဝွေꩻ ရဟန်ꩻဟောဝ်သီး ကျွိုက်တဝ်း၊ ရဟန်ꩻသီႏလသားဖုံႏ မဉ်ႏလွောင်ႏဗူႏ၊ အာႏမဉ်ႏတလာနဝ်ꩻ ယားဝွေꩻ၊ ဝါးထိုꩻဝွေꩻ၊ ထွဉ်ႏထွက်ထိုꩻဝွေꩻ၊ ရဟန်ꩻသီးဖုံႏ မဉ်ႏပꩻလီနဝ်ꩻ အီႏနွောင်ꩻတဝ်းဝွေꩻ၊ ဝွေꩻထီႏ စတုတ္ထအကျိုꩻယိုတဲင် 'ဝွေꩻနစ်သက် သံဃာႏပꩻလီ'၊ ဝွေꩻဖေႏအာႏ 'သံဃာႏဖေႏကပꩻလီ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သံဃဘေဒသုတ်)