ရဟန်ꩻသီးယူႏလꩻသေႏသေႏဗာႏ

"ပဗ္ဗဇိတ အဘိဏှသုတ် (ရဟန်ꩻသီး ယူႏလꩻသေႏသေႏဗာႏ တရာꩻအမျိုꩻတဆီ)" ၁။ ဝေဝဏ္ဏယမှိ အဇ္ဈုပဂတော- 'ခွေသွီႏယာႏယောင်ꩻဆင်ꩻ အီႏဖေါက်ပြန်ႏကုဲင်ပြင်ꩻဗာႏမွော့ဟွေး'ယူႏစွေးဆင်ႏချင်ႏဗာႏသေႏသေႏနုဲင်းနဝ်ꩻ။ ၂။ ပရပဋိပဒ္ဓါ မေ ဇီဝိတာ- 'ခွေလွူးနမ်းယိုနဝ်ꩻ အာႏကွိုꩻဗာႏဒျာႏဝင်ꩻမွော့ဟွေး'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၃။ အညော မေ အာကပ္ပေါ ကရဏီယော- 'ခွေယိုနဝ်ꩻ ဗွန်တဝ်းလိုꩻလမ်း အုံလိုꩻကျောင်ꩻဗာႏဒျာႏထာꩻမွော့ဟွေး'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၄။ ကိစ္စိ နု ခေါ မေ အတ္တာ သီလဝတော န ဥပဝဒတိ- 'ခွေသꩻယို သီႏလအနေႏ ထင်းပေႏချာ (ထီႏဖွီချာ)နေ ခွေနမ်းဟောင်း'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၅။ ကိစ္စိ နု ခေါ မံ အနုပဝိစ္စ သဗြဟ္မစာရိ သီလဝတော န ဥပဝဒန္တိ- 'ပညာႏသားလိုꩻသေ ခွေသွꩻပေႏဖုံႏနဝ်ꩻ သီႏလအနေႏ ထီႏပေႏ(ထီႏဖွီ)နေခွေဟောင်း'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၆။ သဗ္ဗေဟိ မေ ပိယေဟိ မနာပေဟိ နာနာဘာဝေါ ဝိနာဘာဝေါ- 'ခွေယိုနဝ်ꩻ တွမ်ႏခွေသွꩻရက် ကားကအဝ်ႏဖုံႏနဝ်ꩻ အီႏဖမွန်ဗာႏ၊ အီႏဖသီဗာႏမွော့ဟွေး'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၇။ ကမ္မဿကောမှိ ယံ ကမ္မံ ကရိဿာမိ၊ တဿ ဒါယာဒေါ ဘဝိဿာမိ- 'ခွေတခြိုꩻစဲ့စ်စဲ့စ်နဝ်ꩻ အောဝ်ႏကံႏလွုမ်ꩻ၊ ခွေကမာꩻခါꩻဒါႏ ကုသိုလ်ႏကံႏ၊ အကုသိုလ်ႏကံႏအတွိုင်ꩻ ခွေအီႏခံႏဗာႏ၊ ခွေအီႏခံႏဗာႏမွော့ဟွေး'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၈။ ကထံ ဘူတဿ မေ ရတ္တိန္ဒိဝါ ဝီတိဝတ္တန္တိ- 'ခွေနဝ်ꩻ ခေ့ꩻလေတွမ်ႏ ကုသိုလ်ႏဟောင်းနဲ၊ ခေ့ꩻလေတွမ်ႏ အကုသိုလ်ႏဟောင်းနဲ'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၉။ ကိစ္စိ နု ခေါ အဟံ သုညာဂါရေ အဘိရမာမိ- 'ခွေနောဝ်ꩻ ပျောႏနေဟောင်း ထာꩻတေ့ꩻတေ့ꩻ ထာꩻယေန်ယေန်ကိုဟောင်းနဲ'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ ၁၀။ အတ္ထိ နု ခေါ မေ ဥတ္တရိမနုဿဓမ္မော၊ သဗြဟ္မစာရီဟိ ပုဋ္ဌော န မင်္ကု ဘဝိဿာမိ- 'ခွေနဝ်ꩻ လꩻလဲဉ်းတရာꩻထူꩻ တရာꩻမျတ်ဟောင်းနဲ၊ 'နာꩻလꩻလဲဉ်း တရာꩻနဲ့'သွꩻပေႏဖုံႏ မဉ်ႏရီနုဲင်းနဝ်ꩻနဝ်ꩻ ခွေလွိုးအီႏကုဲင်နေနဲ'ယူႏစွေးဆင်ႏချင်ႏသေႏသေႏဗာႏနုဲင်းနဝ်ꩻ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ပဗ္ဇဇိတသုတ်)