လိုꩻယွုတ်တွမ်ႏသူႏတောႏကောင်ꩻ
"သပ္ပုရိသ (လိုꩻယွုတ်တွမ်ႏ သူႏတောႏကောင်ꩻ)" လိုꩻယွုတ်ရိုꩻဗာႏ အင်္ဂါႏ ၄-မျိုꩻ ၁။ ပရဿ အဝဏ္ဏော အပုဋ္ဌောပိ ပါတု ကရောတိ- ဝင်ꩻအပဲ့စ်နဝ်ꩻ ဝင်ꩻတရီတဝ်းတဲ့ ဝွေꩻဒေါ့ꩻဆွာꩻထာꩻ အမျာꩻငါ၊ မဉ်ႏရီထဲင်းမွိုင်ဟ ယိန်းဒေါ့ꩻဆွာꩻတရွားထာꩻသနယ်။ ၂။ ပရဿ ဝဏ္ဏော ပုဋ္ဌောပိ န ပါတု ကရောတိ- တွိုႏဝင်ꩻကေꩻဇူꩻနဝ်ꩻ ဝင်ꩻရီနေးသွူတဲ့ ဒေါ့ꩻတောဝ်း အမျာꩻငါ၊ မဉ်ႏရီတဝ်းထဲင်းဟာ အမျိုꩻဒေါ့ꩻ တငွါငွါနဲ့နောဝ်ꩻ။ ၃။ အတ္တနော အဝဏ္ဏော ပုဋ္ဌောပိ န ပါတု ကရောတိ- တွိုႏဝွေꩻအပဲ့စ်နဝ်ꩻ ဝင်ꩻရီနေးသွူတဲ့ ဒေါ့ꩻတောဝ်း အမျာꩻငါ၊ မဉ်ႏရီတဝ်းထဲင်းဟ အမျိုꩻဒေါ့ꩻ တငွါငွါနဲ့နောဝ်ꩻ။ ၄။ အတ္တနော ဝဏ္ဏော အပုဋ္ဌော ပါတု ကရောတိ- တွိုႏဝွေꩻကေꩻဇူꩻနဝ်ꩻ ဝင်ꩻတရီတဝ်းတဲ့ ဒေါ့ꩻဆွာꩻထာꩻ အမျာꩻငါ၊ မဉ်ႏရီထဲင်းမွိုင်ဟ ယိန်းဒေါ့ꩻဆွာꩻတရွားထာꩻသနယ်။ ကဗွေတွမ်ႏနောဝ်ꩻ ၄-မျိုꩻနဝ်ꩻ ဟဲ့ꩻဗာႏ"လိုꩻယွုတ်"၊ သူႏတောႏကောင်ꩻမွေးတောဝ်း၊ လိုꩻယွုတ်ပါပ၊ လိုꩻအရန်းလစားဒျာႏနောဝ်ꩻသွူ။
သူႏတောႏကောင်ꩻရိုꩻဗာႏ အင်္ဂါႏ ၄-မျိုꩻ ၁။ ပရဿ အဝဏ္ဏော ပုဋ္ဌောပိ န ပါတု ကရောတိ- ဝင်ꩻအပဲ့စ်နဝ်ꩻ ဝင်ꩻရီနေးသွူတဲ့ ဝွေꩻတဒေါ့ꩻတဝ်း အမျာꩻငါ၊ မဉ်ႏရီတဝ်းထဲင်းဟ အမျိုꩻဒေါ့ꩻတငွါငွါနဲ့။ ၂။ ပရဿ ဝဏ္ဏော အပုဋ္ဌောပိ ပါတု ကရောတိ- တွိုႏဝင်ꩻကေꩻဇူꩻနဝ်ꩻ ဝင်ꩻတရီတဝ်းစွဉ်ႏတဲ့ ဝွေꩻအံႏဖြာႏ အမျာꩻငါ၊ မဉ်ႏရီထဲင်းမွိုင်ဟ ယိန်းအံႏဖြာႏအာအာသနယ်။ ၃။ အတ္တနော အဝဏ္ဏော ပုဋ္ဌောပိ ပါတု ကရောတိ- ဝွေꩻအပဲ့စ်နဝ်ꩻ ဝင်ꩻရီတောဝ်းတဲ့ယဝ်း ဝွန်ႏခံႏဒျာႏ အမျာꩻငါ၊ မဉ်ႏရီထဲင်းမွိုင်ဟ အုံလင်ꩻဝုဲင်ႏနေးသနယ်။ ၄။ အတ္တနော ဝဏ္ဏော ပုဋ္ဌောပိ န ပါတု ကရောတိ- တွိုႏဝွေꩻကေꩻဇူꩻနဝ်ꩻ ဝင်ꩻရီနေးသွူတဲ့ ဒေါ့ꩻတဝ်း အမျာꩻငါ၊ မဉ်ႏရီတဝ်းထဲင်းမွိုင်ဟ အမျိုꩻဒေါ့ꩻတငွါငွါနဲ့။ ကဗွေတွမ်ႏနဝ်ꩻ ၄-မျိုꩻနောဝ်ꩻ ဟဲ့ꩻဗာႏ"သူႏတောႏကောင်ꩻ"၊ လိုꩻယွုတ်မွေးတောဝ်း၊ လိုꩻမျတ်-သဗ္ဘီ၊ လိုꩻအရန်းကီစားဒျာႏနောဝ်ꩻသွူ။ ရဟန်ꩻသီးဖုံႏဟွေး- "အုံတွမ်ႏဣန္ဒြေႏနဝ်ꩻ လိုꩻမူႏယံ၊ အုံတွမ်ႏထာꩻငမ်း၊ ထိန်ꩻနမ်းတွမ်ႏ ထာꩻဝင်ꩻသꩻနဝ်ꩻ-ပနံလိန်ႏမာႏ၊ သီတဲ့ အုံဒါႏဒါႏ အုံလိန်ႏလိန်ႏမာႏမာႏ၊ အုံတွမ်ႏဣန္ဒြေႏ၊ အုံတွမ်ႏထာꩻငမ်း၊ ထိန်ꩻနမ်းတွမ်ႏ ထာꩻဝင်ꩻသꩻနဝ်ꩻနော'ဗွေႏဘုရာꩻ မိန်းခါꩻနုဲင်းနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သပ္ပုရိသသုတ်)[၁][၂]