လိုꩻလစ်ꩻမျိုꩻအမျိုꩻမုဲင်ꩻမျတ်

"မဓုရသုတ် (လိုꩻလစ်ꩻမျိုꩻ-အမျိုꩻမုဲင်ꩻမျတ်)" အွိုးခꩻတလဲင်ႏ- 'ခွန်မဓုရ'ရီ 'ဗွေႏမဟာကစ္စာန'နုဲင်းယို- "ဩဗွေႏ မဟာကစ္စာနဗွေႏဩ- ၁။ ဗြာဟ္မဏ - ပုဏ္ဏာꩻမျိုꩻ ၂။ ခတ္တိယ - ခွန်မျိုꩻ ၃။ ဝေဿ - လိုꩻဖြေꩻလိုꩻစာ (ကွုန်ႏငယ်ႏ) ၄။ သုဒ္ဒ - လိုꩻခြောမျိုꩻ (လိုꩻလစ်ꩻမျိုꩻအကိုနဝ်ꩻ ယင်ဟန်ႏသား(ပုဏ္ဏာꩻ)ရိုꩻ- 'ပုဏ္ဏာꩻမျိုꩻမꩻ အမျတ်သွတ်ꩻ၊ လွိုလိုꩻမျိုꩻလင်နဝ်ꩻ မျတ်တဝ်း'ဒေါ့ꩻလွငေါဝ်းနုဲင်းနဝ်ꩻ၊ နုဲင်းနီဗွေႏအနေႏဟာ မဉ်ဒေါ့ꩻနုဲင်းမုဲင်ꩻဗွေႏဩ" ခွန်မဓုရရီနုဲင်းနဝ်ꩻ။ "တကာႏခွန်တန်ဟွေး- 'ပုဏ္ဏာꩻမꩻ-မျတ်'ကရိုꩻနဝ်ꩻ လောကပညတ် လိုꩻသီးဒေါ့ꩻကွို့ꩻဒျာႏ၊ ဥပမာႏ- လောကကိုယို 'ပုဏ္ဏာꩻတဖြာꩻနဝ်ꩻ ထွာခွန်တန်၊ ခြွေမွေးမုဲင်းထာꩻ၊ ဩဇာႏအာႏဏာႏအောဝ်ႏ၊ အုပ်ခမ်းစိုꩻထီ၊ ခမ်ဆကီ လွိုဝွေꩻအဲဉ်ထဝ်း။ အတွင်ꩻနဝ်ꩻနဝ်ꩻ 'ခွန်ခွိုꩻ၊ လိုꩻဖြေꩻလိုꩻစာ၊ လိုꩻခြော'ဖုံႏနဝ်ꩻ နာႏဗာႏ ခွန်ပုဏ္ဏာꩻငေါဝ်း၊ ရိုႏသေႏဗာႏ ခွန်ပုဏ္ဏာꩻ၊ ဟဲ့ꩻဗွေႏဗာႏ ခွန်ပုဏ္ဏာꩻမွေးတဝ်းနဲ့" "မွေး-ဗွေႏအော်" "ခွန်ခွိုꩻမဉ်ႏထွာခွန်တဲ့ အဝ်ႏကုဲင်လိုꩻလင် (ပုဏ္ဏာꩻ၊ လိုꩻဖြေꩻလိုꩻစာ၊ လိုꩻခြောမျိုꩻ)ဖုံႏနဝ်ꩻ နာႏဗာႏခွန်ခွိုꩻငေါဝ်း၊ ရိုႏသေႏဗာႏခွန်ခွိုꩻ၊ ဟဲ့ꩻဗွေႏဗာႏခွန်ခွိုꩻ မွေးတဝ်းနဲ့" "မွေး-ဗွေႏအော်" "လိုꩻဖြေꩻလိုꩻစာ မဉ်ႏထွာခွန်တဲ့ အဝ်ႏကုဲင်လိုꩻလင် (ခွန်ခွိုꩻ၊ ပုဏ္ဏာꩻ၊ လိုꩻခြောမျိုꩻ)ဖုံႏနဝ်ꩻ နာႏဗာႏခွန်ကွုန်ႏသယ်ႏငေါဝ်း၊ ရိုႏသေႏဗာႏခွန်ကွုန်ႏသယ်ႏ၊ ဟဲ့ꩻဗွေႏဗာႏ ခွန်ကွုန်ႏသယ်ႏနဝ်ꩻ မွေးတဝ်းနဲ့" "မွေး-ဗွေႏအော်" "လိုꩻခြောမျိုꩻ မဉ်ႏထွာစိန်ႏစွော့ꩻခန်းတဲ့ နဝ်ꩻအတွိုင်ꩻမွေးတဝ်းနဲ့" "မွေး-ဗွေႏအော်" "တကာႏခွန်တန်ဟွေး- ဥပမာႏဖျင်တမျိုꩻယို- ပုဏ္ဏာꩻတဖြာနဝ်ꩻ မာꩻဒုစရဲက်၊ သီႏလငတ်ꩻပါꩻကုဲင်၊ ဝွေꩻမဉ်ႏသီနဝ်ꩻ လင်ꩻထဲ့နေငါးရုဲင်ꩻဟောင်း" "လင်ꩻထဲ့ငါးရုဲင်ꩻ၊ ဟွိုန်ဗာႏဖို ရဟန္တာႏဟော်ꩻနုဲင်းနဝ်ꩻ ဗွေႏအော်" အဝ်ႏကုဲင်လိုꩻလင် (ခွန်ခွိုꩻ၊ လိုꩻဖြေꩻလိုꩻစာ၊ လိုꩻခြော)ဖုံႏနဝ်ꩻတဲ့ မာꩻဒုစရဲက်၊ သီႏလငတ်ꩻပါꩻကုဲင်၊ ဝွေꩻသီးဖုံႏနဝ်ꩻဟာ လင်ꩻထဲ့နေငါးရုဲင်ꩻဟောင်း" "လင်ꩻထဲ့ငါးရုဲင်ꩻ၊ ဟွူန်ဖိုရဟန္တာႏဟော်ꩻနုဲင်းနဝ်ꩻ ဗွေႏအော်" "တကာႏခွန်တန်ဟွေး- ဥပမာႏဖျင်တမျိုꩻယို- ပုဏ္ဏာꩻတဖြာꩻနဝ်ꩻ ထင်ႏဗုဲင်ရဟန်ꩻ၊ ထင်ႏထွာရဟန်ꩻနဝ်ꩻ ဝင်ꩻဟဲ့ꩻတဝ်းဒွုမ် ပုဏ္ဏာꩻ၊ ဟဲ့ꩻတောရဟန်ꩻ မွေးတဝ်းနဲ့" "မွေး-ဗွေႏအော်" - ခွန်ခွိုꩻ မဉ်ႏဗုဲင်ရဟန်ꩻတဲ့ ဟဲ့ꩻတဝ်းဒွုမ်ခွန် ဟဲ့ꩻဒျာႏရဟန်ꩻ၊ - ကွုန်းသယ်ႏခွိုꩻ မဉ်ႏဗုဲင်ရဟန်ꩻတဲ့ ဟဲ့ꩻတဝ်းဒွုမ် ကွုန်ႏသယ်ႏသား ဟဲ့ꩻဒျာႏရဟန်ꩻ၊ - လိုꩻခြော မီႏန်ဗုဲင်ရဟန်ꩻတဲ့ ဟဲ့ꩻတဝ်းဒူမ်လိုꩻခြော ဟဲ့ꩻဒျာႏရဟန်ꩻ မွေးတဝ်းနဲ့ တကာႏ" "မွေး-ဗွေႏအော်" ကွပ်နဝ်ꩻမꩻ လိုꩻလစ်ꩻမျိုꩻနဝ်ꩻ လိုꩻနုဲင်းနုဲင်းဝင်ꩻ၊ ဗွန်ဗိုန်လို့ဝင်ꩻ၊ 'ပုဏ္ဏာꩻမꩻ-မျတ်'ကရိုꩻနဝ်ꩻ လောကပညတ်လဲႏကွို့ꩻဒျာႏနောဝ်ꩻသွူ။ (သုတ္တန်ႏပိဋကတ်၊ မဇ္ဈိမပဏ္ဏာသပါဠိတောႏ၊ မဓုရသုတ်)