လောဟိစ္စပုဏ္ဏာꩻ
"လောဟိစ္စပုဏ္ဏာꩻဝတ္ထု(ပေါႏမာꩻကုသိုလ်ႏနဝ်ꩻ ဖန်းဖေႏဝင်ꩻလိုႏတဝ်း-တဲ့)"
အွိုးခꩻတလဲင်ႏ နီဗွေႏဘုရာꩻတွမ်ႏ သံဃာႏငတ်ꩻရျာꩻ ကျွꩻလွေꩻကောသလခမ်း၊ သတင်ꩻသွုံꩻအုံ ဒုံတန်"သာလဝထိကာ"နောဝ်ꩻသွူ။ လောဟိစ္စပုဏ္ဏာꩻနဝ်ꩻ ခွန်ပသေနဒီကောသလ ဒင်ႏဖေႏအရာႏ၊ အဝ်ႏအုပ်ချွုတ်ဗာႏ ဒုံတန်နောဝ်ꩻသွူ၊ ဒုံနဝ်ꩻ ထွာဒုံတန်၊ လိုꩻကွုန်ꩻ၊ ဖိုးပနားအာ၊ ထီရော့ꩻ၊ သိုႏဗော့ꩻ၊ ဗွူဟူလွိုင်ႏအာ၊ လိုꩻခြွေအာနဝ်ꩻသွူ။ လောဟိစ္စပုဏ္ဏာꩻ ကပ်သွမ်ꩻရောဝ်ꩻထွူ အီႏနာႏသွူတရာꩻ၊ တကာႏ"ရောသိကာ"ကလောဝ်းတေ့ꩻခါꩻ ဗွေႏဘုရာꩻအတွိုင်ꩻ ဗွေႏဘုရာꩻရီ လောဟိစ္စပုဏ္ဏာꩻနုဲင်းယို- "တကာႏလောဟိစ္စ- ပေါႏမာꩻကုသိုလ်ႏနဝ်ꩻ လꩻတဖြာꩻငါထွူလဲဉ်း၊ ဖန်းဖေႏဝင်ꩻလိုႏတဝ်း' နာꩻရိုꩻနုဲင်းနဝ်ꩻ မွေးနေဟောင်း" "မွေး-ဗွေးဩ" "နာꩻယူႏနုဲင်းမုဲင်ꩻ၊ နာꩻမရိုꩻတွိုးနုဲင်းနဝ်ꩻအီ" ဗွေႏဘုရာꩻရီနုဲင်းနောဝ်ꩻသွူ။ "ခွေသွဉ်းယူႏနုဲင်းယို- ပေါႏဖန်းဖေႏဝင်ꩻတဲ့ ဝင်ꩻလꩻနုဲင်းကုသိုလ်ႏ၊ ဝင်ꩻကေꩻဇူꩻဝင်ႏဝွေꩻ၊ ဝွေꩻသွꩻအာလွဉ်၊ ကွဲညညနဝ်ꩻ 'မဉ်လွိုင်ႏအာအာသွꩻ၊ မဉ်လꩻအာအာလိုꩻ၊ ထွာထိုꩻလောဘ' ခွေသွဉ်းယူႏနုဲင်းနဝ်ꩻ ဗွေႏဩ" "မွေးသွူ လောဟိစ္စ- ခွန်ဒင်ႏနာꩻအရာႏ နာꩻကအုပ်ချွုတ်ဗာႏဒုံ၊ နာꩻကလꩻလွဉ်ဒါႏ အခွဉ်ႏဖုံႏနောဝ်ꩻ နေးငါနာꩻတဖြာꩻငါ၊ ဖေႏတဝ်းနာꩻပိုနာꩻမာ၊ လူႏတဝ်းနာꩻမွိုးနာꩻဖါ၊ ထောက်တဝ်းနာꩻသွဉ်းနာꩻလိုꩻ' မဉ်ႏမာꩻနုဲင်းနဝ်ꩻမွိုင် "ထွာဒျာႏဖေႏဝင်ꩻတခြိုꩻနဲ့-ထွာထိုꩻပေ့ꩻရဲဝင်ꩻလာဘ်နဲ့" "ထွာထိုꩻ ပေ့ꩻရဲဝင်ꩻလာဘ် ဗွေႏဩ" "ပေ့ꩻရဲထိုꩻ ဝင်ꩻလာဘ်နဝ်ꩻ ဝင်ꩻဟွုန်ဟောဝ်နဲ့-ဝင်ꩻလွꩻထီႏနဲ့" "ဝင်ꩻလွꩻထီႏ ဗွေႏဩ" "ဝင်ꩻလွꩻထီႏနဝ်ꩻ ဟောဝ်နဲ့၊ ဝင်ꩻဟွုန်ဟောဝ်နဝ်ꩻ ဟောဝ်နဲ့" "ဝင်ꩻဟွုန်ဟောဝ်နဝ်ꩻ ဟောဝ် ဗွေႏဩ" "တကာႏလောဟိစ္စ- နာꩻထာꩻယူႏနဝ်ꩻ မိစ္ဆာႏဒိဋ္ဌိတန်ဒျာႏ၊ မာႏတန်၊ လိုꩻထာꩻယူႏမာႏ မဉ်ႏသီနဝ်ꩻ 'လွေꩻထွာတိရစ္ဆာန်ႏနဲ့ လင်ꩻထဲ့ငါးရုဲင်ꩻနဲ့' မိစ္ဆာႏဒိဋ္ဌိအကျိုꩻ အဝ်ႏနဝ်ꩻနီမျိုꩻနဝ်ꩻလွုမ်ꩻ" ပေါႏဖန်းတဝ်းဝင်ꩻ ကုသိုလ်ႏနဝ်ꩻ တွမ်ႏကရဲခါꩻဝင်ꩻ မဂ်ဖိုလ်ႏနဝ်ꩻ ဗွန်ပီဝင်ꩻ၊ နီဗွေႏဘုရာꩻ ထွိုင်ႏသျင်ꩻနယ်နုဲင်းနဝ်ꩻတဲင် လောဟိစ္စသဘော်ꩻပေါက်တွော့ꩻ စူꩻယင်း ဗွေႏဘုရာꩻငေါဝ်း၊ ကေꩻဇူꩻတင်ႏ ဗွေႏဘုရာꩻနဝ်ꩻသွူ။ (သုတ္တန်ႏပိဋကတ်၊ သီလက္ခန္ဓပါဠိ၊ လောဟိစ္စသုတ်)[၁][၂]